Lurta

Kommunalar útstykkingar í Tórshavnar kommunu

Vilt tú útvega tær grundstykki til at byggja sethús á í Tórshavnar kommunu, hevur tú tvinnar møguleikar: tú kanst keypa eitt stykki frá privatum, ella tú kanst melda til lutakast, so hvørt sum kommunan almannakunnger, at grundstykki eru klár at luta út. 

Tá ið eingin keypari er til grundstykkir, ið hava verið boðin út í lutakasti, verða stykkini lýst til sølu her á heimasíðuni og í fjølmiðlunum. Er nakað stykki til sølu, sært tú tað á hesari síðuni.

Tórshavnar býráð samtykti 28. januar 2016 at avtaka skipanina við bíðilistum til grundstykkir. Borgarar kunnu í staðin tekna seg til útlutanir, so hvørt sum stykkir eru klár at luta út. Á hendan hátt fáa øll, sum lúka treytirnar fyri at fáa tillutað ogn frá kommununi, javnbjóðis møguleika at vera við í lutakastinum. 

Kommunan kunnar alment um, nær útlutanir fara fram, og síðan ber til at tekna seg til útlutanina. 

Fyri at vera við í lutakastinum mást tú millum annað vera fylt 18 ár, og tú og maki tín ella partnari tín mugu hvørki beinleiðis ella óbeinleiðis, til dømis saman við øðrum ella umvegis partafelag, eiga sethús, tvíhús, raðhús ella grundstykki í Tórshavnar kommunu.

Kunna teg nærri um treytirnar í reglugerðini fyri tilmelding og útlutan av grundstykkjum.

Reglugerð fyri útlutan av grundstykkjum til sethús



Útlutan av grundstykkjum
Uppskriving til lutakast um grundstykkir í Hamrabøi

Nú ber til at tekna seg til lutakast um grundstykkir í Hamrabøi í Kollafirði, ið eru latin inn aftur til Tórshavnar kommunu. Talan er um trý grundstykki í útstykking frá 2017. 

Stykkini eru 5-600 fermetrar til støddar og kosta 245.000 – 265.000 krónur. Stykkini eru ikki útgrivin og planeraði. Grundstykkini, ið kastað verður lut um, eru matrikkul nr. 91n, 91ab og 91y. Verða fleiri grundstykki í útstykkingini latin inn aftur til kommununa seinni, verða tey eisini við í lutakastinum.

Tekna teg til lutakastið við at tøppa tínar upplýsingar inn niðanfyri og viðfesta kravdu skjølini. 

Freistin at tekna seg til lutakastið er 4. apríl 2023.

Tekna teg til lutakast um grundstykkir á Hamrabøi

Set teg væl inn í reglugerðina, áðrenn tú skrivar teg upp til lutakastið. Reglugerðin ásetir millum annað, at tú sum keypari skalt viðfesta váttan frá peningastovni um tøka fígging til grundstykkið, tá tú meldar til lutakastið, og at áðrenn skeytið kann skrivast og tinglýsast, skal váttan fyriliggja frá peningastovni um fígging til sethúsabyggingina umframt játtan um byggiloyvi. Reglugerðina sært tú her:

Reglugerð fyri útlutan av grundøkjum til sethús

Søla av grundstykkjum
Grundstykkir í Nólsoy til sølu

Tórshavnar kommuna lýsir við hesum fleiri grundstykkir í Nólsoy til sølu. Talan er um nøkur av grundstykkjunum, ið eru eftir av útstykkingini Undir Bøbrekku. Stykkini hava sostatt staðið til sølu fyrr.

Ynskir tú at keypa eitt grundstykki, trýstir tú á grøna knøttin niðanfyri og fyllir kravdu teigarnar út. Í sølulistanum niðast á hesari síðuni sært tú, hvørji stykki eru tøk, bíløgd ella seld.

BÍLEGG GRUNDSTYKKI Í NÓLSOY

Á myndini niðanfyri sært tú, hvar grundstykkini liggja í útstykkingini. Hvørt stykki er umleið 500 fermetrar til støddar. Stykkini eru ikki grivin út, og tey verða seld, soleiðis sum tey liggja. Kostnaðurin er kr. 165.000 umframt tinglýsingarkostnaðin, sum keypari rindar. Vanligar kommunalar ásetingar verða tinglýstar á stykkjunum, undir hesum áseting um bústaðarskyldu.

Sølulisti

Her sært tú, hvørji grundstykkir eru tøk, hvørji eru umbiðin og hvørji eru seld.

 Matrikkul

Støða

Matr. 159oTØKT
Matr. 159nTØKT
Matr. 159iTØKT
Matr. 159hSELT
Matr. 159gSELT
Matr. 159pTØKT
Matr. 159qTØKT
Matr. 159rTØKT
Matr. 159mSELT
Matr. 159kTØKT

Gev gætur, at grundstykkir á listanum kunnu vera umbiðin kortsíðan og sostatt ikki tikin av sølulistanum enn. Søkja fleiri um at keypa sama grundstykki, goyma vit allar umsóknirnar, soleiðis at vit kunnu bjóða næsta umsøkjara stykkið, um fyrsti keyparin sleppur sínari ætlan. Eisini kemur fyri, at seld stykkir verða latin inn aftur.

Regluverk

Reglugerð fyri útlutan

Reglugerðina fyri útlutan av grundstykkjum sært tú her:

Reglugerð fyri útlutan av grundstykkjum til sethús

Snarskivan
Snarskivan

Vaglið 1, 100 Tórshavn

Les um Snarskivuna

torshavn@torshavn.fo

Tel. 30 20 10

Upplatingartíðir
Mánadag - hósdag9-16
Fríggjadag9-15