Útlutanir og søla av grundstykkjum og húsum

Vilt tú útvega tær raðhús ella grundstykki til at byggja sethús í Tórshavnar kommunu, kanst tú annaðhvørt keypa frá privatum, ella tú kanst tekna teg til lutakast, so hvørt sum kommunan boðar frá, at grundstykkir ella raðhús eru klár at luta út.

Kommunan kunnar alment um, nær útlutanir fara fram, og síðan ber til at tekna seg til lutakast. Er eingin keypari til grundstykkir, ið hava verið boðin út í lutakasti, kann kommunan lýsa stykkini til sølu her á síðuni og í fjølmiðlunum ella selja tey umvegis meklara.

Fyri at vera við í lutakastinum mást tú millum annað vera fylt 18 ár, og tú og hjúnafelagi ella maki tín mugu hvørki beinleiðis ella óbeinleiðis, til dømis saman við øðrum ella umvegis partafelag, eiga sethús, tvíhús, raðhús ella grundstykki í Tórshavnar kommunu.

Tórshavnar býráð samtykti 28. januar 2016 at strika skipanina við bíðilistum til grundstykkir. Borgarar kunnu í staðin tekna seg til útlutanir, so hvørt sum stykkir eru klár at luta út. Á hendan hátt fáa øll, ið lúka treytirnar fyri at fáa tillutað ogn frá kommununi, javnbjóðis møguleika at vera við í lutakastinum.

Kunna teg nærri um treytirnar í reglugerðunum fyri útlutan av grundstykkjum og raðhúsum.

Reglugerð fyri útlutan av grundstykkjum til sethús

Reglugerð fyri útlutan av raðhúsum

Søla av grundstykkjum

Grundstykkir í Nólsoy til sølu

Tórshavnar kommuna lýsir við hesum fleiri grundstykkir í Nólsoy til sølu. Talan er um grundstykki, ið eru eftir av útstykkingini Undir Bøbrekku. Stykkini hava sostatt staðið til sølu fyrr.

Vilt tú keypa eitt grundstykki, trýstir tú á grøna knøttin niðanfyri og fyllir kravdu teigarnar út. Í sølulistanum niðast á hesari síðuni sært tú, hvørji stykki eru tøk, bíløgd ella seld.

Bílegg grundstykki í Nólsoy

Á myndini niðanfyri sært tú, hvar grundstykkini liggja í útstykkingini. Hvørt stykki er umleið 500 fermetrar til støddar. Stykkini eru ikki grivin út, og tey verða seld, soleiðis sum tey liggja. Kostnaðurin er 165.000 krónur umframt tinglýsingarkostnaðin, sum keypari rindar. Vanligar kommunalar ásetingar verða tinglýstar á stykkjunum, undir hesum áseting um bústaðarskyldu.

Sølulisti

Her sært tú, hvørji grundstykkir eru tøk, hvørji eru umbiðin og hvørji eru seld.

Matrikkul	Støða
Matr. 159o	Tøkt

Matr. 159n	Tøkt

Matr. 159i	Tøkt

Matr. 159h	Selt

Matr. 159g	Selt

Matr. 159p	Tøkt

Matr. 159q	Tøkt

Matr. 159r	Tøkt

Matr. 159m	Selt

Matr. 159k	Tøkt

Gev gætur, at grundstykkir á listanum kunnu vera umbiðin kortsíðan og sostatt ikki tikin av sølulistanum enn. Søkja fleiri um at keypa sama grundstykki, goyma vit allar umsóknirnar, soleiðis at vit kunnu bjóða næsta umsøkjara stykkið, um fyrsti keyparin sleppur sínari ætlan. Eisini kemur fyri, at seld stykkir verða latin inn aftur.

Regluverk