Lurta
Til lesiveik

Drekkivatn og kloakk

Er tín kloakk tipt, stendur vatn í kjallaranum ella hevur tú aðrar trupulleikar við kloakk ella vatni, kanst tú seta teg í samband við Teknisku deild í Tórshavnar kommunu.

Ring á tel. 30 20 10 ella send ein teldupost til torshavn@torshavn.fo. Minst til at viðmerkja navn, bústað, telefonnummar og hvørji tíni ørindi eru. 

Hevur tú tørv á bráðfeingis hjálp viðvíkjandi kloakk og omanávatn uttan fyri vanliga arbeiðstíð, kanst tú ringja til Snartænastuna hjá Tórshavnar kommunu á tel 31 81 80. Tórshavnar Sløkkilið umsitur Snartænastuna. Snartænastan svarar alt samdøgrið allar dagar í vikuni.



Drekkivatn
Hvaðani kemur drekkivatnið í Havn?

Í høvuðsstaðnum kemur drekkivatnið úr trimum vatngoymslum. Tær eru ávikavist í Villingadali, Havnardali og á Argjum.

Hvar kemur vatnleiðingin inn á mítt grundstykki?

Á kortinum niðanfyri sært tú, hvar vatnleiðingin er løgd inn á tínum grundstykki. Skriva tín bústað í leititeigin fyri at síggja innleggingarnar.

Gev gætur, at kortið bert er vegleiðandi. Ivast tú, kanst tú ringja til vatnmeistara Jógvan Andreasen á tel. 25 40 16.

Uttan fyri vanliga arbeiðstíð kanst tú ringja til vakttelefoninina hjá Vatnverkinum á tel. 28 77 16.

Hvar er stoppikranin til húsini?

Tað er ymiskt, hvar stoppikranin er. Kranin kann annaðhvørt vera uttandura ella innandura, men í summum førum kann stoppikrani vera bæði innan og uttan.

Á vatnleiðingarkortinum niðanfyri er vegleiðing um, hvar stoppikranin er á tínum matrikkli. Skriva tín bústað og títt húsanummar í leititeigin.

Gev gætur, at kortið er vegleiðandi, og at tað er tín ábyrgd sum húsaeigari at vita, hvar stoppikranin er. Hevur tú framvegis trupult við at finna stoppikranan, kann vatnverkið sum oftast hjálpa tær at finna hann.

Í vanligari arbeiðstíð kanst tú ringja til vatnmeistara Jógvan Andreasen á tel. 30 20 10 ella senda ein teldupost til jogvanand@torshavn.fo. Uttan fyri vanliga arbeiðstíð kanst tú ringja til Vatnverkið á tel. 28 77 16.

Vit mæla til, at tú hevur grovfiltur á vatninnføringini eftir stoppikranan. Hetta er fyri at fanga smápartiklar, sum kunnu órógva kranar og vesisisternur.

Hvussu finni eg útav, hvør herðan í vatninum er?

Vatnið í Føroyum er sera bleytt. Herðan er < 1 dH°.

Mítt vatn er ikki reint, men hevur brúnan lit

Er vatnið gult ella brúnt, skalt tú lata kranan renna eina góða løtu við fullum trýsti. Er vatnið framhaldandi skitið eftir ein hálvan tíma, kanst tú ringja til vatnverkið á tel. 25 40 16.

Uttan fyri vanliga arbeiðstíð, kanst tú ringja til vakttelefonina hjá Vatnverkinum á tel. 28 77 16.

Vatnverkini í Tórshavnar kommunu

Í Tórshavnar kommunu eru 13 vatnverk. Kunna teg nærri um einstøku vatnverkini niðanfyri.

Vatnverk í Tórshavnar kommunu

Vatnkanningar
Um vatnkanningar

At vatndygdin er í lagi merkir, at ávís markvirði verða hildin. Til dømis markvirðini fyri lit, klárleika, pH-virði og bakteriur. Til dømis mugu sjúkuelvandi bakteriur, til dømis E. kolibakteriur, ikki staðfestast í vatninum.

Kanningartíttleikin er í høvuðsheitum tengdur at fólkatalinum í tí økinum, sum fær vatn frá einum ávísum vatnverki. Til dømis kanna vit drekkivatnið úr Villingadali mánaðarliga, meðan vit kanna drekkivatnið úr Nólsoy annan hvønn mánað.

Niðanfyri finnur tú reglugerðina fyri vatnveitingina í Tórshavnar kommunu. Her finnur tú eisini mannagongdina fyri innanhýsis drekkivatnskanningar og eina tulkingarvegleiðing um, hvussu tú lesur vatnkanningar.

Reglugerð fyri vatnveiting í Tórshavnar kommunu

Mannagongd fyri drekkivatnskanningar

Tulkingarvegleiðing til drekkivatnskanningar

Hvør kannar vatnið?

Í Tórshavnar kommunu gera kanningarstovur mánaðarligar kanningar av drekkivatninum sambært ymiskum evnafrøðiligum og mikrobiologiskum parametrum.

Tórshavnar kommuna hevur harafturat eitt innaneftirlit. Vit kanna vatnið mánaðarliga; tó tvær vikur forskotið í mun til kanningarnar hjá kanningarstovunum.

Kommunalu drekkivatnskanningarnar fevna bara um kanningar fyri E. koli og koliformar bakteriur. Hesar kunnu oftast elva til trupulleikar. Á henda hátt fær kommunan fleiri kanningarúrslit, og trygdin fyri dygdargóðum vatni økist.

Vatnkanningar 2021

Her sært tú úrslitini av seinastu mánaðarligu vatnkanningunum. Her sært tú eisini mikrobiologisk umsýn, sum vit skipa fyri, tá drekkivatnið ikki lýkur markvirðini. Aloftast eru bakteriur í drekkivatninum orsøk til, at drekkivatnið ikki lýkur ásetingarnar.

KANNINGARÚRSLIT 2021

Sýnað Uttanhýsis Innanhýsis
Dato Leinkja Nýggjastu mðr. kanningarnar
05.01.2021 Mikrobiologiskt / kemiskt  
19.01.2021   Mikrobiologiskt
02.02.2021 Mikrobiologiskt / kemiskt  
16.02.2021   Mikrobiologiskt
02.03.2021 Mikrobiologiskt / kemiskt  
03.03.2021 Mikrobiologiskt / kemiskt (ums.)  
16.03.2021   Mikrobiologiskt
17.03.2021   Mikrobiologiskt (ums.)
13.04.2021 Mikrobiologiskt / kemiskt  
20.04.2021   Mikrobiologiskt
22.04.2021   Mikrobiologiskt (ums.)
04.05.2021 Mikrobiologiskt / kemiskt  
05.05.2021 Mikrobiologiskt / kemiskt (ums.)  
10.05.2021 Mikrobiologiskt / kemiskt (ums.)  
18.05.2021   Mikrobiologiskt
19.05.2021   Mikrobiologiskt (ums.)
02.06.2021 Mikrobiologiskt / kemiskt  
10.06.2021   Mikrobiologiskt (ums.)
14.06.2021 Mikrobiologiskt / kemiskt (víðk.)  
14.06.2021 Mikrobiologiskt / kemiskt (víðk.)  
14.06.2021 Mikrobiologiskt / kemiskt (víðk.)  
14.06.2021 Mikrobiologiskt / kemiskt (víðk.)  
15.06.2021   Mikrobiologiskt
18.06.2021   Mikrobiologiskt (ums.)
22.06.2021   Mikrobiologiskt (ums.)
08.07.2021 Mikrobiologiskt / kemiskt (ums.)  
09.07.2021 Mikrobiologiskt / kemiskt  
09.07.2021 Mikrobiologiskt / kemiskt (ums.)  
20.07.2021   Mikrobiologiskt
03.08.2021 Mikrobiologiskt / kemiskt  
04.08.2021 Mikrobiologiskt / kemiskt (ums.)  
24.08.2021   Mikrobiologiskt
25.08.2021   Mikrobiologiskt (ums.)
07.09.2021 Mikrobiologiskt / kemiskt  
08.09.2021 Mikrobiologiskt / kemiskt (ums.)  
13.09.2021 Mikrobiologiskt / kemiskt (ums.)  
14.09.2021 Mikrobiologiskt / kemiskt (ums.)  
17.09.2021 Mikrobiologiskt / kemiskt (ums.)  
20.09.2021 Mikrobiologiskt / kemiskt (ums.)  
23.09.2021   Mikrobiologiskt
30.09.2021   Mikrobiologiskt (ums.)
05.10.2021 Mikrobiologiskt / kemiskt  
06.10.2021 Mikrobiologiskt / kemiskt  
20.10.2021   Mikrobiologiskt
     
     
     
     
Vatnkanningar 2020

Her sært tú úrslitini av seinastu mánaðarligu vatnkanningunum. Her sært tú eisini mikrobiologisk umsýn, sum vit skipa fyri, tá drekkivatnið ikki lýkur markvirðini. Aloftast eru bakteriur í drekkivatninum orsøk til, at drekkivatnið ikki lýkur ásetingarnar.

KANNINGARÚRSLIT 2020

Sýnað Uttanhýsis Innanhýsis
Dato Leinkja Nýggjastu mðr. kanningarnar
07.01.2020      mikrobiologiskt/kemiskt  
08.01.2020 mikrobiologiskt/kemiskt (ums.)  
21.01.2020   Mikrobiologiskt
04.02.2020 mikrobiologiskt/kemiskt  
05.02.2020 mikrobiologiskt/kemiskt  
18.02.2020   Mikrobiologiskt
19.02.2020   Mikrobiologiskt
03.03.2020 Mikrobiologiskt / kemiskt  
19.03.2020   Mikrobiologiskt
02.04.2020 Mikrobiologiskt / kemiskt  
03.04.2020 Mikrobiologiskt / kemiskt (ums.)  
06.04.2020 Mikrobiologiskt / kemiskt (ums.)  
16.04.2020   Mikrobiologiskt
05.05.2020 Mikrobiologiskt / kemiskt  
06.05.2020 Mikrobiologiskt / kemiskt (ums.)  
18.05.2020   Mikrobiologiskt
03.06.2020 Víðkað drekkivatnskanning  
03.06.2020 Víðkað drekkivatnskanning  
03.06.2020 Víðkað drekkivatnskanning  
03.06.2020 Víðkað drekkivatnskanning  
03.06.2020 Víðkað drekkivatnskanning  
03.06.2020 Víðkað drekkivatnskanning  
03.06.2020 Víðkað drekkivatnskanning  
03.06.2020 Mikrobiologiskt / kemiskt  
04.06.2020 Mikrobiologiskt / kemiskt (ums.)  
16.06.2020   Mikrobiologiskt
07.07.2020 Mikrobiologiskt / kemiskt  
08.07.2020 Mikrobiologiskt / kemiskt (ums.)  
09.07.2020 Mikrobiologiskt / kemiskt (ums.)  
20.07.2020   Mikrobiologiskt
21.07.2020   Mikrobiologiskt (ums.)
05.08.2020 Mikrobiologiskt / kemiskt  
06.08.2020 Mikrobiologiskt / kemiskt (ums.)   
15.09.2020    Mikrobiologiskt
21.09.2020   Mikrobiologiskt (ums.)
06.10.2020 Mikrobiologiskt / kemiskt  
07.10.2020 Mikrobiologiskt / kemiskt (ums.)  
11.10.2020 Mikrobiologiskt / kemiskt (ums.)  
12.10.2020 Mikrobiologiskt / kemiskt (ums.)  
20.10.2020   Mikrobiologiskt
03.11.2020 Mikrobiologiskt / kemiskt  
06.11.2020   Mikrobiologiskt
17.11.2020   Mikrobiologiskt
01.12.2020 Mikrobiologiskt / kemiskt  
15.12.2020   Mikrobiologiskt
18.12.2020   Mikrobiologiskt (ums.)
22.12.2020   Mikrobiologiskt (ums.)
Komandi sýnskanningar

Niðanfyri sært tú eitt yvirlit yvir komandi vatnsýnini í 2021.

Yvirlit yvir vatnsýn 2021

Eldri vatnkanningar
Vatnkanningar 2019

Her sært tú úrslitini av mánaðarligu vatnkanningunum í 2019. Her sært tú eisini mikrobiologisk umsýn, sum vórðu gjørd, tá ið drekkivatnið ikki lúkaði markvirðini. Aloftast eru bakteriur í drekkivatninum orsøk til, at drekkivatnið ikki lýkur ásetingarnar.

Kanningarúrslit 2019

Sýnað Uttanhýsis Innanhýsis
08.01.2019 Mikrobiologiskt / kemiskt  
09.01.2019 Mikrobiologiskt / kemiskt (ums.)  
16.01.2019   Mikrobiologiskt
17.01.2019   Mikrobiologiskt (ums.)
     
05.02.2019 Mikrobiologiskt / kemiskt  
19.02.2019   Mikrobiologiskt
     
05.03.2019 Mikrobiologiskt / kemiskt  
06.03.2019 Mikrobiologiskt / kemiskt (ums.)  
19.03.2019   Mikrobiologiskt
     
02.04.2019 Mikrobiologiskt / kemiskt  
03.04.2019 Mikrobiologiskt / kemiskt (ums.)  
15.04.2019   Mikrobiologiskt
     
07.05.2019 Mikrobiologiskt / kemiskt  
08.05.2019 Mikrobiologiskt / kemiskt (ums.)  
13.05.2019 Mikrobiologiskt / kemiskt (víðkað)  
20.05.2019   Mikrobiologiskt
     
04.06.2019 Mikrobiologiskt / kemiskt  
05.06.2019 Mikrobiologiskt / kemiskt (ums.)  
06.06.2019 Mikrobiologiskt / kemiskt (ums.)  
24.06.2019   Mikrobiologiskt
06.06.2019   Mikrobiologiskt (ums.)
     
02.07.2019 Mikrobiologiskt / kemiskt  
03.07.2019 Mikrobiologiskt / kemiskt (ums.)  
04.07.2019 Mikrobiologiskt / kemiskt (ums.)  
16.07.2019   Mikrobiologiskt
17.07.2019   Mikrobiologiskt (ums.)
     
13.08.2019 Mikrobiologiskt / kemiskt  
14.08.2019 Mikrobiologiskt / kemiskt (ums.)  
15.08.2019 Mikrobiologiskt / kemiskt (ums.)  
21.08.2019   Mikrobiologiskt
22.08.2019   Mikrobiologiskt (ums.)
     
03.09.2019 Mikrobiologiskt / kemiskt  
06.09.2019 Mikrobiologiskt / kemiskt (ums.)  
08.09.2019 Mikrobiologiskt / kemiskt (ums.)  
17.09.2019   Mikrobiologiskt
     
01.10.2019 Mikrobiologiskt / kemiskt   
02.10.2019 Mikrobiologiskt / kemiskt (ums.)  
15.10.2019   Mikrobiologiskt
17.10.2019   Mikrobiologiskt (ums.)
     
06.11.2019 Mikrobiologiskt / kemiskt   
07.11.2019 Mikrobiologiskt / kemiskt (ums.)  
19.11.2019   Mikrobiologiskt
     
03.12.2019 Mikrobiologiskt / kemiskt   
17.12.2019   Mikrobiologiskt

 

Vatnkanningar 2004 - 2018

Hevur tú tørv á úrslitunum frá eldri vatnkanningum, kanst tú venda tær til Viggo Christiansen á Teknisku deild við at senda ein teldupost til viggo@torshavn.fo.

 

Kókitilráðingar
Nær skal eg kóka vatnið?

Tú skalt kóka vatnið, tá kommunan hevur givið kókitilráðing. Kommunan gevur kókitilráðing, tá vatnið ikki lýkur góðskukrøvini. Hetta kann serliga koma fyri á sumri og tíðliga á heysti, tá tað er áarføri og heitt í veðrinum.

Hvussu skal vatnið kóka?

Tá tú verður biðin um at kóka vatnið, merkir hetta, at vatnið skal fáast upp á kók (100⁰C) og síðan spruttkóka í ein minutt. Tú kanst kóka vatnið í í ketli ella grýtu.

Brúkar tú el-ketil, skalt tú kóka vatnið tvær ferðir við einum millumbili á 2-5 minuttir.

Hóast kaffimaskinur ikki koma upp á 100⁰C í ein minutt, er framvegis ráðiligt at nýta tær kaffimaskinur og ídnaðaruppvaskimaskinur, sum í minsta lagi koma upp á 80⁰C. Tá eru flestu smákyknini frá dálkingini annaðhvørt deyð ella óvirkin.

Hvat noyðist eg at kóka mær vatn til?
  • Tá tú skalt drekka vatnið
  • Tá tú skalt skola grønmeti og frukt
  • Tá tú skalt busta tenn
  • Tá tú skalt vaska hendur í samband við matgerð
  • Tá tú skalt vaska upp
  • Tá tú skalt vaska køksborð, døgurðaborð og tílíkt
Hvat er ikki neyðugt at kóka mær vatn til?
  • At kóka epli, pasta og annað
  • Vanligt hondvask – undantikið í sambandi við matgerð
  • Brúsubað og karbað. Ansa eftir, at børn ikki drekka vatnið
  • Klædnavask og reingerð – hetta fevnir ikki um køksborð, døgurðaborð og tílíkt
  • Húsdjór kunnu drekka ókókað vatn
Hvussu leingi skal eg halda fram við at brúka kókað vatn?

Tú skalt halda á við at kóka vatnið, inntil nýtt vatnsýn staðfestir, at vatnið er reint aftur, og kókitilráðingin er tikin úr gildi.

Rottangatøming og tipt kloakkrør
Rottangatøming

Býrt tú í Tórshavnar kommunu, ert tú fevnd av kommunalu tømingarskipanini. Hetta merkir, at vit tøma rottangan, reinsiverk og annað eina ferð um árið.

Vit senda tær eitt fráboðanarbræv umleið tvær vikur áðrenn tømingina. Í brævinum boða vit tær frá, nær vit tøma tangan.

Rúmdin á einum vanligum húsarhaldstanga skal vera í minsta lagi tveir rúmmetrar sambært leiðbeiningini hjá Umhvørvisstovuni og ásetingunum hjá Heilsufrøðiligu Starvsstovuni. Hetta svarar til, at fimm fólk eru í húsinum.

Er tín tangi minni enn tveir rúmmetrar, kunnu vit gera av, at tangin skal tømast oftari.

Tú kanst lesa nærri um treytir og skyldur í reglugerðini um rottangatøming niðanfyri. Hevur tú spurningar um rottangatømingina, kanst tú ringja til Kommunalu Brennistøðina á tel. 30 20 40.

Reglugerð um rottangatøming

Tipt kloakkrør

Eru tíni kloakkrør tipt í vanligari arbeiðstíð, kanst tú ringja til Brennistøðina á tel. 30 20 40. Uttan fyri vanliga arbeiðstíð kanst tú ringja til Tórshavnar Sløkkilið á tel. 30 21 00.

Kostnaðirnir fyri kloakktænastuna eru ymiskir fyri privat húsarhald og vinnuligt virksemi.

 

PRIVAT HÚSARHALD

  • Í vanligari arbeiðstíð er tímaprísurin 750 kr. íroknað MVG
  • Uttan fyri vanliga arbeiðstíð er tímaprísurin 1000 kr. íroknað MVG

 

ALMENT OG VINNULIGT VIRKSEMI

  • Í vanligari arbeiðstíð er tímaprísurin 800 kr. uttan MVG
  • Uttan fyri vanliga arbeiðstíð er tímaprísurin 1000 kr. uttan MVG
Tekniska deild
Tekniska deild

Niels Finsens gøta 17, 100 Tórshavn

Les um Teknisku deild

torshavn@torshavn.fo

Tel. 30 20 10

Upplatingartíðir
Mánadag - hósdag 9 - 16
Fríggjadag 9 - 15