Leita

Lat aftur

Lurta

Til lesiveik

Bussleiðin

Bussleiðin Í Tórshavnar kommunu er ein týdningarmikil bindiliður millum høvuðsstaðin og bygdirnar í kommununi.

Átta bussleiðir røkja samferðsluna í kommununi, og bussarnir eru bæði lættir og umhvørvisvinarligir. Tær átta kommunalu bussleiðirnar eru allar ókeypis.

Bussleiðir

Leið 1: Hamarin, Landssjúkrahúsið, Berjabrekka, inni á Gøtu

Leið 2: Norðasta Horn, Landssjúkrahúsið, Eysturskúlin, Norðurlandahúsið

Leið 3: AB-vøllurin, Grønlandsvegur, Tjaldurvegur, Hvítanes

Leið 4: Glasir, Undir Brúnni, Tróndargøta, Musikkskúlin

Leið 5: Glasir, Høllin á Hálsi, SMS, Musikkskúlin

Leið 6: Kirkjubøur, Velbastaður, Sandvíkarhjalli, Kaldbak

Leið 7: Kollafjørður, Hvítanes, Glasir, Landssjúkrahúsið, Farstøðin

Leið 8: Kollafjørður, Kaldbak, Musikkskúlin, Velbastaður, Kirkjubøur

Hvar er bussurin beint nú?

Á kortinum niðanfyri kanst tú síggja, hvar bussarnir eru staddir í løtuni.

Trýst á kortið fyri at gera myndina størri og leita eftir ávísari bussleið.

Gev gætur, at talgilda skipanin kann svíkja, soleiðis at ein bussur stendur í stað ella hvørvur av kortinum.

Bussleiðirnar á korti

Kort

iFrames understøttes ikke på denne side.

Samlað ferðaætlan

Niðanfyri sært tú samlaðu ferðaætlanina fyri bussleiðirnar í kommununi. Ferðaætlnanin kom í gildi 5. august 2019. Trýst á leinkið fyri at lata samlaðu ferðaætlanina upp.

Samlað ferðaætlan

Skilhald

Vegleiðing

Hjálp bussinum at halda ferðaætlanina. Ger vart við teg, tá bussurin nærkast og ver til reiðar at fara í bussin og úr bussinum, tá hann steðgar.

Barnavognar

Bussarnir hava pláss fyri tveimum barnavognum í senn ella fyri einum barnavogn og einum koyristóli.

Súkklur

Tú kanst hava súkklu við í bussin eftir kl. 17, um pláss er fyri henni.

Hundar

Tú hevur loyvi at hava førarahund við í bussin.

Allir aðrir hundar skulu annaðhvørt vera í kurv ella í tasku.

Gloymdir ella burturmistir lutir

Gloymdir og burturmistir lutir verða latnir Kunningarstovuni í Steinatúni. Ring til kunningarstovuna á tel. 30 24 25.

Í summum førum verða lutir latnir kommununi. Tú kanst ringja til okkum á tel. 30 20 10 millum kl. 9 – 16.

Klagur

Bussvirksemið í Tórshavnar kommunu er lagt út til privatan veitara, og tað merkir, at bussførararnir starvast ikki hjá Tórshavnar kommunu, men hjá Gundurs Bussum.

Vilt tú klaga um, at bussurin er seinkaður, ella hevur tú spurningar um bussferðsluna, kanst tú ringja til Snarskivuna á tel. 30 20 10 ella senda ein teldupost til torshavn@torshavn.fo. Vit syrgja fyri at senda klaguna víðari til Gundurs Bussar.

Fyri at okkara veitari kann gera nakað við klaguna, skalt tú minnast til at greiða nærri frá í tínari klagu. Tú skalt minnast til at viðmerkja:

Hvørja leið, talan var um (til dømis leið 1)
Hvønn veg, leiðin koyrdi (til dømis leið 1 móti Steinatúni)
Klokkutíðina (til dømis kl. 8:10)
Dagfesting (til dømis 20.08.2020)
Hvat klagan snýr seg um (til dømis, at bussurin fór ov tíðliga frá steðgiplássinum)

Kommunan skrásetur allar klagur og hevur eftirlit við, at klagurnar verða viðgjørdar.

Um tú vilt hava svar á tína klagu, skalt tú minnast til at upplýsa títt navn og telefonnummar í teldupostinum.

Klaga um bussleiðina

Hjálp okkum at gera síðuna so góða sum gjørligt - send okkum hugskot ella viðmerking Send viðmerking