Dagstovnurin Kura

Botnavegur 9
410 Kollafjørður
Tel. 22 13 23
conniel@torshavn.fo

Dagstovnaleiðari: Connie Lassen
Tel. 22 13 23
conniel@torshavn.fo

Lurta

Dagstovnurin Kura

Dagstovnurin Kura liggur í náttúruvøkrum og friðarligum umhvørvi við Botnánna. Stovnurin varð tikin í nýtslu í november mánaði 2016.

Stovnurin er í tveimum bygningum í Kollafirði. Á dagstovninum Kura eru tríggjar barnagarðsstovur og tvær vøggustovur. Her eru børnini ávikavist 0-3 ár og 3-7 ár. Ein vøggustova húsast fyri seg millum Bóla, og har eru børnini í aldrinum 0-3 ár. Børnini fara víðari í dagstovnin Kura, tá tey hava aldur at fara í barnagarð.

Í løtuni ganga 81 børn á stovninum, og starvsfólkini eru 30 í tali. Millum hesi eru námsfrøðingar, hjálparfólk, køksfólk og vikarar.



Um Dagstovnin Kura
Upplatingartíðir

Vøggustovurnar: Mánadag til fríggjadag frá kl. 7.15 – 17.

Barnagarðurin: Mánadag til fríggjadag frá kl. 7.30 – 17.

Samband

Dagstovnaleiðari

Connie Lassen
Tel. 22 13 23
conniel@torshavn.fo

Grøna stova (barnagarðsstova)

Tel. 22 47 11

Gula stova (barnagarðsstova)

Tel. 22 58 11

Bláa stova (barnagarðsstova)

Tel. 22 69 11

Reyða stova (vøggustova)

Tel. 28 59 11

Lilla stova (vøggustova)

Tel. 22 52 11

Millum bóla (vøggustova)

Tel. 22 53 11

Afturlatingardagar í 2022
  • Allar vanligar halgidagar og serstakar merkisdagar – stovnurin stongdur
  • Skírhósdag til 2. páskadag 14. – 18. apríl – stovnurin stongdur
  • Flaggdagin 25. apríl – stovnurin stongdur
  • Dýra biðidag 13. mai – stovnurin stongdur
  • Kristi himmalsferðardag 26. mai – stovnurin stongdur
  • Grundlógardag 5. juni ­– stovnurin stongdur frá kl. 12
  • Summarfrítíð vika 29, 30 og 31 – møguleiki fyri at melda til samanlagt virksemi
  • Ólavsøkuaftan 28. juli – stovnurin opin til kl. 12
  • Ólavsøkudag 29. juli – stovnurin stongdur
  • Jólafrítíð 24. desember 2022 – 1. januar 2023 – stovnurin stongdur
  • Stovnurin hevur tveir ráðleggingardagar um árið. Hesar báðar dagar er stovnurin stongdur. Tað er ymiskt, nær ráðleggingardagarnir eru, men foreldur fáa boð í seinasta lagi seks vikur frammanundan

SAMANLAGT VIRKSEMI

Samanlagt virksemi vil siga, at dagstovnarnir í Tórshavnar kommunu leggja sítt virksemi saman, soleiðis at ein dagstovnur er opin í frítíðartíðini.

Hevur tú tørv á tí, kann títt barn sostatt fáa pláss í samanlagda virkseminum í summarfrítíðini, tá stovnarnir annars eru stongdir.

FREISTIR AT BIÐJA UM PLÁSS Í SAMANLØGDUM VIRKSEMI:

Summarfrítíð 2022: 1. juni 2022

Gev gætur, at heldur tú ikki freistina, kunnu vit ikki tryggja tínum barni pláss í samanlagda virkseminum.

Hevur tú tørv á plássi í samanløgdum virksemi, kanst tú kunna teg nærri og søkja her:

Samanlagt virksemi í frítíðarskeiðum

Starvsfólk

Connie Lassen, leiðari
Birna Gunnarsson | námsfrøðingur og motorikkvegleiðari
Malan Stórá | námsfrøðingur
Marjun J. Hentze | námsfrøðingur avloysari
Heidi Borum Davidsen | námsfrøðingur og motorikkvegleiðari
Ásla Andreasen | námsfrøðingur
Eyðgunn Bjarnason | námsfrøðingur
Jóna Djurhuus | námsfrøðingur
Svanna Geisler Olsen | námsfrøðingur
Kristian Erling | námsfrøðingur
Harald Joensen | námsfrøðingur og motorikvegleiðari
Birna Mikkelsen | námsfrøðingur
Lina Egholm | námsfrøðingur
Randi Slættanes | námsfrøðingur
Emly Djurhuus | námsfrøðingur og motorikkvegleiðari
Elsa Nielsen | námsfrøðingur
Kristin Bjørk Tungá | námsfrøðingur
Unn Andreasen | hjálparfólk  
Unnur Joensen | hjálparfólk 
Duan Dam Godtfred | hjálparfólk
Ellfríð Dam | hjálparfólk
Jacobina Dam | hjálparfólk
Katrin Lamhauge | hjálparfólk
Jenný Joensen | hjálparfólk
Karina Joensen | hjálparfólk
Lillian Marie Olsen | hjálparfólk
Tórunn Højgaard Joensen | hjálparfólk
Karin Klakk | námsfrøðingur, avloysari
Fríðbjørg Joensen | hjálparfólk, avloysari
Diana Johansen | hjálparfólk, avloysari
Anita Fagraklett | hjálparfólk, avloysari
Elin Gunnarstein | hjálparfólk, avloysari
Anja Skýlindal Hammar | køksfólk

Vitja okkum

Tit eru altíð vælkomin at vitja okkum.

Vit vísa fegin stovnin fram, og tit hava møguleika at vera saman við okkum á eini stovu ein vanligan gerandisdag.

Ring til Connie Lassen á tel. 22 13 23 ella send ein telupost til conniel@torshavn.fo fyri at avtala eina vitjan.

Matur og drekka

Børnini skulu hava matpakka við hvønn dag, um vit ikki hava avtalað annað.

Eru børnini svong á morgni, bjóðar stovan hjá barninum morgunmat. Vit bjóða havragreyt, frukt ella tílíkt, og børnini fáa gularøtur hvønn morgun.

Vit bjóða millummála hvønn dag. Millummálin kann vera bollar ella breyð, spjót við kjøti og onkrum grønum, terta, frukt, bananbreyð og annað.

Viðhvørt bjóðar stovnurin døgurða. Um so er, kunna vit foreldrini frammanundan.

Vit leggja dent á góðan borðsið, so vit fáa eina góða og hugnaliga løtu saman við nærveru og práti. Vit skapa góðar karmar rundan um máltíðirnar, og eitt starvsfólk situr við hvørt borðið. Børnini rudda upp eftir sær, tá tey eru liðug at eta.

Tá børnini hava føðingardag, eru tey vælkomin at hava okkurt við at bjóða. Um barnið gongur í barnagarði og til dømis hevur køku við, fáa børnini á stovuni ein køkubita í part. Í vøggustovuni fáa børnini ikki køku ella annað søtmeti, so um børnini bjóða okkurt, kann tað verða frukt og grønt ella annað sukurfrítt.

Trygdarskeið

Vit bjóða starvsfólki fyrstuhjálparskeið hvørt ár ella annað hvørt ár. Seinasta skeiðið var í mai mánaði 2021.

Vit hava venjingar á stovninum umleið fýra ferðir um árið.

Foreldraráð

Vit skipa foreldraráðið fyri at styrkja trivnaðin og sambandið millum starvsfólk, heim, foreldur og børn á stovninum.

Sum limur í foreldraráðnum kanst tú gera títt fyri, at stovnurin er eitt gott stað at vera. Tú fært ávirkan og innlit í gerandisdagin á stovninum og í námsfrøðiliga leistin. Sum limur í foreldraráðnum ert tú eisini hugskotsgevi og ert við til at kjakast um menningina og átøk á stovninum.

Tú verður við til at skifta orð um og viðgerða virðini handan námsfrøðiliga leistin, sum í ávísan mun eru stýrandi fyri tey ítriv, børnini og tey vaksnu eru saman um á stovninum.

Sí á korti

Námsfrøðiligur leistur
Soleiðis arbeiða vit

MÓTTØKA

Tað kann vera ein stór broyting fyri børn og foreldur, tá barnið byrjar á stovni. Tað hevur týdning, at foreldrini geva sær stundir, tá tey koma við barninum, so barnið fær eina góða byrjan á stovninum.

Vit leggja stóran dent á at taka væl ímóti børnunum hvønn dag. Tað er umráðandi, at bæði foreldur og børn kenna seg trygg, tá barnið verður latið okkum. Eisini er týdningarmikið at siga farvæl og veittra, so barnið veit, at foreldrini fara avstað. Hetta ger barnið trygt. Saman við starvsfólkunum á stovuni finna foreldrini tann mátan, ið best hóskar barni teirra at siga farvæl.

Somuleiðis er týdningarmikið, at tann, ið kemur við ella eftir barninum, sigur einum vaksnum á stovuni frá, at tey eru komin, ella at tey fara. Kemur onkur annar enn foreldrini eftir barninum, skulu foreldrini siga okkum frá.

NÁMSFRØÐILIGA ARBEIÐIÐ

Vit skipa dagliga fyri túrum í hagan, fram við ánni, oman í fjøruna, oman í bátahylin og í viðarlundina. Hetta gera vit, fyri at børnini skulu koma tætt at náttúruni. Tey fáa áhuga fyri tí, tey síggja, sleppa at kanna, smakka, spyrja og brúka hugflogið. Soleiðis gerast tey tilvitað um náttúruna, um, hvussu ymisk støð eita, hvat tey kunnu kropsliga, hvussu tað kennist at vera úti, tá sólin sær, og tað er stilt, tá stormur og regn er, og tá tað kavar. Tey hoyra og síggja, hvussu árstíðirnar skifta, og hvussu náttúran broytist. Tey varnast, at tað er gott at vera úti, eisini tá nógvur vindur og regn er, hóast klæðini skulu hóska til veðrið.

Børnini læra at taka ábyrgd, læra um nærumhvørvið, og tey læra at ganga í haganum. Tá vit lata portrið upp, skal tað eisini latast aftur. Tá tað regnar, eru steinarnir hálir at ganga á. Tá áin er grøn av vøkstri, er hon hál. Tá tað er fjøra, riggar betur at fanga krabbar og annað, og tá tað fløðir, sær øðrvísi út. Børnini læra, hvørjum vit skulu ansa eftir, tá vit ganga í fjøruni, haganum, ánni, bátahylinum, viðarlundini og eftir vegnum.

Kroppurin skal mýkjast hvønn dag, og børn skulu sleppa at brúka allar sansir fyri at læra. Tey læra gjøgnum spæl og við at kanna tað, tey hava áhuga fyri og síggja, hvørjum hini børnini hava áhuga í. Soleiðis fáa tey eisini áhuga fyri nýggjum tingum.

Umframt at brúka náttúruna dagliga, so svimja vit, eru í fimleikahøll, ítróttarhøll og á bókasavni. Hetta lærir børnini at taka ábyrgd fyri sær og sínum. Tey uppliva kropsliga, hvat hendir í eini ítróttarhøll, svimjihøll og á bókasavni. Tað, sum hevur størstan týdning, er, at børnini sleppa at spæla og menna ymisk vinaløg. At tey fáa kensluna av at hoyra til, kenna seg trygg í tryggum umhvørvi, tora at gera mistøk og læra av teimum. Barnið sleppur at vera seg sjálvt saman við vaksnum, sum stuðla og vegleiða.

Hvønn dag bjóða vit børnunum at vera við til at gera mat. Tey sleppa at skera grønmeti, frukt, kjøt og annað. Tey gera eina máltíð til hini á stovninum og leggja gaflar, knívar, gløs og serviettar á borðið. Tey fáa høvi at royna ymiskan mat, ið altíð er sunnur matur. Tað er í lagi at ikki dáma okkurt, men sum oftast fara børnini at dáma matin. Tey síggja sínar vinir eta og gera tað sama. Av tí, at vit vaksin og børn sita saman og eta, læra børnini eisini at sita til borðs og at duga góðan borðsið.

Børn eru forvitin og vilja hava svar. Tað fáa tey við at uppliva og at hava vaksin rundan um seg, sum tíma at uppliva saman við teimum.

Hvørt vár síggja vit, at tey børnini, sum skulu í skúla eftir summarfrítíðina, hava stóran áhuga fyri bókstavum, at lesa nøvn hjá hvørjum øðrum, at hoyra gátur, og at hoyra um ymiskt, sum hendi fyrr í tíðini. Teimum dámar at sita í rundingi og spæla borðspøl til størri børn, tey megna perlumynstur, at klistra og skriva. At hoyra søgur dámar børnum ógvuliga væl, og vit lesa dagliga fyri teimum. Teimum størru børnunum dámar ógvuliga væl at hoyra søgur uttan tekst. Tey eru við í søgunum og liva seg inn í tær.

Vilt tú lesa meira um námsætlan okkara, finnur tú hana her:

Dagstovnurin Kura – námsætlan

TILTØK

Á stovninum hava vit ymiskar siðir og tiltøk. Hvørt ár í februar mánaði bjóða vit foreldrunum til sólarkaffi, tá sólin kemur um tað hægsta á Kambi. Tá er høvi at hitta hini foreldrini hjá børnunum á stovuni og tosa við starvsfólkini. Eisini er stuttligt hjá børnunum at foreldrini hava stundir, og kanska er okkurt, sum barnið hevur hug at vísa foreldrunum.

Føstulávintsmánadag kunnu børnini koma grýluklædd. Børnini sláa tunnu og hugna sær saman á stovuni. Stovnurin bjóðar børnunum døgurða tann dagin.

Vit hátíðarhalda jólini í desember mánaði við hugna, ítrivi, jóladøgurða og jólamanni. Vit hava framførslu fyri foreldrum, og vit fara á túrar í náttúruni, har vit leita eftir jólamanninum.

Føðingardagurin hjá stovninum er 26. november, og tá hátíðarhalda vit dagin við foreldrakaffi.

FORELDRASAMSTARV

Fyri foreldrini skal stovnurin vera eitt trygt, innihaldsríkt, læruríkt og mennandi stað hjá børnunum, har vit taka ímóti teimum í einum umhvørvi merkt av virðing, áliti, opinleika og góðum samskifti.

Vit leggja dent á at hava eitt gott dagligt samskifti við foreldrini, bæði tá barnið kemur og fer. Er okkurt, sum foreldrini vilja vita ella práta um, kunnu tit altíð seta tykkum í samband við starvsfólkini á stovuni ella við leiðaran.

Hvørt ár hava vit ein ella tveir felags foreldrafundir. Harafturat eru foreldraviðtalur tvær ferðir um árið ella eftir tørvi, og vit bjóða foreldrunum til foreldrakaffi og jólahugna.

BØRN OG SVØVNUR

Vilt tú lesa um sovipolitikkin á Kuru, finnur tú hann her:

Sovipolitikkur fyri Dagstovnin Kuru

Hvørji eru vit?

Á stovninum starvast tilsamans 24 starvsfólk.

Vit draga øll somu línu, tá tað snýr seg um námsfrøði, bæði  innan umsorgan, motorikk, útilív og gleði. Neyðugt er at hava námsfrøði á høgum støði, og at hon mennist.

Orðing fyri stovnin

Í arbeiði okkara leggja vit dent á, at:

  • Barnið mennist, bæði sálarliga og likamliga
  • Pláss er fyri at síggja og menna einstaka barnið
  • Vit í arbeiðnum brúka okkum sjálvi og okkara søgu- og sangmentan
  • Náttúran er eitt av bestu amboðunum til at røkka hesum málum


Námsfrøðiligt mál

Okkara námsfrøðiliga mál er, at:

  • Síggja barnið
  • Lurta eftir barninum
  • Geva barninum avbjóðingar, ið hóska til menningarstigið
  • Virða barnið javnbjóðis
  • Menna sjálvvirði og sjálvsálit, so at barnið gerst sjálvstøðugt
  • Læra barnið at vera millum onnur og í størri bólkum
  • Møta og vera saman við fremmandum
  • Arbeiða við og uttan rós
  • Gera eina uppgávu lidna
  • Læra barnið at siga, hvat tað meinar, ætlar og vil
  • Læra barnið at "eg kann"
  • Kenna og brúka náttúruna
  • Kenna samfelagið
  • Kenna søgu okkara


Fyri at røkka hesum málum er neyðugt, at:

  • Børn, foreldur og starvsfólk trívast
  • Børnini fáa avbjóðingar bæði innandura og uttandura, ið vit laga til einstaka barnið
  • Gott samstarv er millum stovn og foreldur. Vit skipa fyri foreldrahugna og foreldrakaffi, foreldrafundum og hava foreldraráð
  • Karmarnir á stovninum, bæði garður, hús, innbúgv og tilfar eru í lagi
  • Starvsfólkini fáa møguleikar at menna seg á skeiðum og øðrum
  • Leiðslan hevur ábyrgdina av, at omanfyrinevnda er í lagi
ForeldraGluggin
Hvat er ForeldraGluggin?

ForeldraGluggin er ein ókeypis app til snildfon, sum tú kanst brúka, um tú ert foreldur at dagstovnabarni í Tórshavnar kommunu.

Tænastan fevnir um dagstovnarnar og frítíðarskúlarnar í kommununi og verður brúkt til samskifti millum foreldur og dagstovn. Í ForeldraGlugganum kallar stovnurin til dømis inn til foreldraviðtalur og kunnar um gerandisdagin, og tað er somuleiðis her, tú boðar frá feriu:

  • foreldur kunnu fylgja við í gerandisdegnum hjá børnunum
  • foreldur kunnu skráseta frí og frítíð hjá barninum
  • foreldur og stovnur kunnu senda boð sínámillum
  • stovnurin kann skjótt og lætt kalla inn til foreldraviðtalur og tiltøk
  • foreldur fáa trygga atgongd til myndir og filmsbrot av barninum

Appin er royndarkoyrd á úrvaldum stovnum, og nú verður fyrsta verkætlanarstig so líðandi sett í verk á øllum dagstovnum í kommununi.

Hví brúka vit ForeldraGluggan?

So hvørt sum Føroyar vórðu raktar av Covid-19 aldunum í fjør, gjørdist tað kommununi greitt, at okkum tørvar ein skjótan og tryggan samskiftisfarveg, sum er felags fyri alt dagstovnaøkið: boðini og tilmælini til foreldur vóru mong, og tey broyttust ofta. Talan var eisini mangan um bráðfeingisboð, ið vóru umráðandi at fáa skjótt út til øll foreldur.

Harafturat kom nýggja dátuverndarlógin í gildi í januar 2021, og sambært henni eiga vit øll at tryggja okkum, at persónsupplýsingar og myndir verða handfarnar á so tryggan hátt sum gjørligt.


Tín persónligi gluggi

ForeldraGluggin verður tó ikki bara settur í verk fyri at geva stovnum ein farveg til bráðfeingisboð og tilmæli til foreldur. ForeldraGluggin er eisini partur av talgildingarætlanini hjá kommununi, sum millum annað hevur til endamáls at hækka kommunala tænastustøðið. Ítøkiliga er ForeldraGluggin, soleiðis sum orðið leggur upp til, ein lættur snarvegur hjá tær, sum ynskir at fáa skjótt og ómakaleyst innlit í gerandisdagin hjá tínum barni.

Tað er ein kend avbjóðing millum foreldur, at tað kann vera trupult at fáa rættiligt innlit í tann ofta stóra partin av gerandisdegnum, børnini eru á stovni. Børnini eru ikki altíð før fyri sjálvi at velja úr rúgvuni av upplivingum og greiða frá hendingunum í einum degi á stovni. Og foreldur hava viðhvørt knappa tíð at tosa og hyggja at myndum, tá tey koma eftir børnum sínum.

Higartil hava dagstovnar havt boðtalvur, facebookbólkar og teldur við myndum í gongini fyri at kunna foreldur um virksemið á stovninum. Dagstovnarnir hava eisini brúkt gott gamalt munnligt samskifti. ForeldraGluggin kemur ikki í staðin fyri munnliga samskiftið, men letur upp fyri fleiri miðvísum samskiftismøguleikum, soleiðis at tú sum foreldur hevur lætta atgongd til mangt av tí í gerandisdegnum, sum tú og barnið kunnu hava gagn av at tosa um.

Taka vit hesa skipanina til okkum og læra okkum at brúka hana miðvíst, so bæði skipar og tryggjar hon samskiftið fyri okkum og kann samstundis vera við til at tryggja trivnaðin og sambandið millum foreldur og barn.

Hvussu stovni eg ForeldraGluggan?

Soleiðis gert tú, um tú frammanundan hevur skrásett fartelefon og teldupost í BARN-skipanini

Hevur tú frammanundan skrásett títt fartelefonnummar og tín teldupostbústað í BARN-skipanini, kann stovnsleiðarin senda tær ein teldupost við einum leinki, tá ið barnið byrjar á stovninum.

Í teldupostinum stendur:

»Góði brúkari av ForeldraGlugganum

Fyri at kunna rita inn á ForeldraGluggan, skalt tú stovna brúkaranavn og loyniorð. Trýst á leinkið og vel brúkaranavn og loyniorð«

Tá ið tú trýstir á leinkið í teldupostinum og ritar inn, fært tú eina QR-kotu, sum tú skannar við snildfonini. So verður ForeldraGluggin tikin niður á tína telefon.

Tá tú hevur gjørt hetta, kanst tú fara til stig 4 í vegleiðingini niðanfyri.

Fært tú ikki ein teldupost sendandi, mást tú sjálv stovna teg sum brúkara. Tað gert tú við at fylgja stig 1-3 í vegleiðingini niðanfyri.

Soleiðis gert tú, um tú ikki hevur skrásett fartelefon og teldupost í BARN-skipanini, ella um tú ikki fært teldupost frá stovninum

1. Stovna teg sum brúkara

Fært tú ikki ein teldupost sendandi við einari QR-kotu, mást tú sjálv stovna teg sum brúkara fyri at brúka ForeldraGluggan. Tað gert tú í bókingarskipanini BARN. Tað tekur áleið ein minutt at stovna seg sum brúkara.

Tú ritar inn í bókingarskipanina BARN við tínum Samleika. Hevur tú ikki fingið tær Samleikan, kanst tú bíleggja tær hann á heimasíðuni hjá Samleikanum. Tú ritar inn í bókingarskipanina BARN her:

RITA INN Í BARN-SKIPANINA

Fá tær Samleikan (samleikin.fo)

Tá tú hevur ritað inn í BARN-skipanina, skalt tú trýsta á spjaldrið við tínum egna navni. Hevur tú foreldramyndugleikan yvir barninum, eigur tú at síggja teigin »Stovna ForeldraGluggan« í høgra bredda niðanfyri á síðuni:

Her skalt tú:

  • velja eitt brúkaranavn
  • velja eitt loyniorð
  • upplýsa títt fartelefonnummar, sum verður brúkt, tá tú tekur appina í nýtslu fyrstu ferð

2. Tak appina niður á snildfonina

Far inn á App Store (um tú hevur iPhone) ella GooglePlay (um tú hevur Android) og leita eftir »ForeldraGluggin«. Tak síðan appina niður.

3. Skriva brúkaranavn og loyniorð

Tá ið tú hevur tikið appina niður, trýstir tú á appina fyri at lata hana upp. Nú verður tú biðin um at skriva brúkaranavnið og loyniorðið, tú valdi tær í BARN-skipanini.

Tá tú hevur tøppað brúkaranavnið og loyniorðið inn, fært tú eini SMS-boð sendandi við einum trygdartali, sum tú skalt tøppa inn.

SMS-boðini við trygdartali verða bara send fyrstu ferðina, tú ritar inn - aftaná hetta tørvar tær bara at nýta brúkaranavnið og loyniorðið, tú valdi tær í BARN-skipanini.

4. Vel títt barn í appini og fyll kartotekskortið út

Hevur tú fleiri børn á stovni, sært tú byrjanarstavirnar hjá hvørjum barni í appini. Tú kemur inn á einstaka barnið við at trýsta á runda ikonið við byrjanarstavunum í.

Nú trýstir tú niðast høgrumegin á ikonið »Meira«.


Síðan trýstir tú á »kartotekskort« næstniðast í valmyndini.


Her svarar tú spurningum um títt barn og velur, hvørji loyvi tú vilt lata. Gev gætur, at hesar upplýsingarnar eru neyðugar fyri at skipanin riggar og handfer upplýsingarnar rætt.

Á kartotekskortinum kanst tú velja, um tú vilt lata stovninum ymiskar fulltrúir ella ikki. Tað eru fulltrúir til:

  • at fara útferðir
  • svimja undir námsfrøðiligum eftirliti
  • at barnið kann koyrast í privatbili, lógliga íbundið trygdarbelti
  • at barnið, sambært munnligari avtalu, kann avheintast av øðrum

Somuleiðis kanst tú geva fulltrúir til myndir og video alt eftir, hvat tú ynskir. Tú kanst velja, um:

  • øll foreldur at børnum á stovuni hjá barninum skulu kunna síggja myndir og filmar av tínum barni
  • øll foreldur at børnum á stovninum hjá barninum skulu kunnu síggja myndir og filmar av tínum barni
  • myndir og filmar av barninum skulu kunna vísast á almennu heimasíðuni hjá stovninum

Aðrar upplýsingar skulu eisini gevast, um serlig viðurskifti og atlit skulu takast til sjúkur, kost, lívsneyðugan heilivág og ovurviðkvæmi.

Somuleiðis verður tú biðin um at upplýsa:

  • tryggingar
  • kunning um barnið
  • kunning um familjuna
Soleiðis fært tú appina á føroyskum

Tú kanst velja at brúka appina á føroyskum. Ynskir tú tað, skalt tú fara til »generelt« í stillingunum á sjálvari telefonini, velja »Sprog og område« og velja »føroyskt« sum mál.

Tú mást somuleiðis ansa eftir, at føroyskt eisini stendur ovast undir »foretrukken sprogrækkefølge« í yvirskipaðu stillingunum.

Soleiðis boðar tú frá frí og frítíð

Fyri at kunna leggja arbeiðið til rættis á stovnunum, ynskja vit, at tú boðar frá, nær barnið heldur frí. Hesum boðar tú frá í ForeldraGlugganum.

Soleiðis boðar tú frá:

1. Lat ForeldraGluggan upp og rita inn

2. Trýst á »meira« niðast í høgra horni


3. trýst á »Frí og frítíð«


4. syrg fyri at swipe-knøtturin ovast er grønur


5. Vel fyrsta og seinasta dag í álmanakkanum og trýst á flugubeinið ovast í høgra horni

So er frítíðin skrásett. Hevur tú eina viðmerking til tína fráboðan, kanst tú skriva hana í teigin niðast. Minst til at trýsta á flugubeinið, tá tú ert liðug.

Hvar samskifta vit um hvat?

UPPSLØG

Í uppsløgunum finnur tú kunning um gerandisdagin á stovninum. Tað kunnu vera lýsingar av námsfrøðiliga gerandisdegnum, tiltøk ella ítriv, sum fara fram í nærmastu framtíð, áheitanir um at hava regnklæðir við og tílíkt. Tað ber ikki til at gera viðmerkingar til uppsløg.


BOÐ

Undir Boð sært tú samskiftið við ein ella fleiri úrvaldar móttakarar. Her hevur tú møguleika fyri at svara boðunum. Tað kann til dømis vera eini boð, har starvsfólkini ynskja at gera avtalu um eina foreldraviðtalu, ella tað kann vera eini boð við einum stuttum spurningi.

Tá tú sendir eini boð til starvsfólkini á dagstovninum, verða boðini send til felags postkassan hjá stovninum. Øll viðkomandi starvsfólk eru knýtt at hesum postkassanum, og tey kunnu sostatt svara tínum boðum.

Tað ber ikki til at senda boð til onnur foreldur á stovninum.


ÁLMANAKKI

Í álmanakkanum sært tú millum annað tiltøkini á stovninum, til dømis foreldrafundir, jólahald, páskahald og tílíkt. Her sært tú eisini, um tú ert boðin til foreldraviðtalu.


MYNDASAVN

Í myndaskjáttuni sært tú allar tær mappur og myndir, sum eru deild við teg. Í mappuni »Myndir av tær og tínum børnum« verða allar myndir og øll filmsbrot savnað, sum hava títt barn frámerkt á teimum.

Eg síggi ikki mítt barn í ForeldraGlugganum

Títt barn verður stovnað sjálvvirkið í ForeldraGlugganum við upplýsingum úr fólkayvirlitinum. Sostatt eru tað bara foreldur við foreldramyndugleika, sum síggja upplýsingar um barnið.

Sært tú ikki barnið í ForeldraGlugganum kanst tú:

  • spyrja stovnin, um barnið er skrásett í einari stovu á stovninum. Tá ið dagstovnurin hevur skrásett barnið í einari stovu, verður barnið sjónligt í appini, og tú kanst fylla kartotekskortið og tínar sambandsupplýsingar út

Sært tú ikki barnið, hóast barnið er skrásett á einari stovu, kanst tú:

  • kanna um foreldramyndugleikin er rætt skrásettur í fólkayvirlitinum. Hetta gert tú við at ringja til fólkayvirlitið á tel. 30 20 10.
Hevur tú aðrar spurningar um ForeldraGluggan?

Hevur tú fleiri spurningar um, hvussu tú skrásetur ella brúkar ForeldraGluggan, so finnur tú ofta settar spurningar og svar á síðu okkara um ForeldraGluggan. Har kanst tú eisini lesa brúkaratreytirnar.

TEMA - ForeldraGluggin

Dagligt samskifti
Bólkar á Facebook

Vit hava afturlatnar bólkar á Facebook til foreldur. Hvør stova hevur egnan bólk, har starvsfólk leggja kunning og myndir út við námsfrøðiligum teksti frá degnum ella frá vikuni.

Her kunnu foreldur sjálvi prenta myndir út og annars síggja, hvat stovan fæst við um dagarnar.

Eftirlit og dygd
Námsfrøðilig dygd

Ein dygdarmennari úr Barna- og ungdómsdeildini hjá Tórshavnar kommunu kemur við jøvnum millumbilum út á dagstovnarnar í kommununi at eygleiða námsfrøðiliga innihaldið og umstøðurnar, sum námsfrøðiliga arbeiði fer fram í.

Dygdarmennarin samskiftir síðan við dagstovnaleiðaran og starvsfólkini um sínar eygleiðingar, og funnið verður fram til ítøkiligar menningarmøguleikar.

Talan er um skipaðar eygleiðingar (KIDS), sum skulu vera við til at tryggja, at vit framhaldandi arbeiða við, og savna okkum um, námsfrøðiligu dygdina á hvørjum einstøkum dagstovni. KIDS er eitt viðurkent og granskingargrundað amboð til eftirmeting og menning av námsfrøðiligu dygdini á dagstovnum.

Eygleiðingarnar eru innanhýsis arbeiðsamboð til einstaka stovnin at brúka í sínum menningararbeiði.

Eftirlit við spæliplássi

Triðja hvørt ár skipar kommunan fyri einari kanning av trygdarviðurskiftunum á øllum dagstovnaspæliplássum í Tórshavnar kommunu.

Í løtuni er tað Nordisk Legepladsinstitut, sum hevur kanningararbeiðið um hendi. Tórshavnar kommuna fær eina útgreinaða støðulýsing av hvørjum spæliplássi og ger neyðugu umvælingarnar ella tiltøkini, sum støðulýsingin mælir til.

Seinasta trygdareftirlit fór fram í 2018. Næsta eftirlitið verður í 2021.

Kommunalu húsavørðarnir hava dagliga eftirlitið við spæliplássunum.

Lyklatøl
Pláss á stovninum

Dagstovnurin Kura hevur pláss fyri umleið 80 børnum.

Gjald og uppskriving til stovnspláss
Bóka pláss

Tú nýtir talgildu bókingarskipanina BARN, tá tú skalt bóka dagstovnapláss.

Fyri at nýta bókingarskipanina, skalt tú rita inn við Samleikanum, sum er ein trygg innritingarskipan. Hevur tú ikki Samleikan, kanst tú bíleggja tær hann her:

Fá tær Samleikan (samleikin.fo)

Bókingarskipanin er somuleiðis knýtt at postskipanini MínBoks. Tú fært atgongd til tína MínBoks, tá tú hevur fingið Samleikan.

Hevur tú ikki møguleika fyri at nýta bókingarskipanina BARN, kanst tú fylla umsóknarblaðið niðanfyri út og lata tað inn á Snarskivuni á Vaglinum í Tórshavn. Tú noyðist tá at vera til staðar í Snarskivuni, meðan skipanin leitar eftir stovnsplássi fyri teg. Finnur skipanin hóskandi pláss, mást tú taka av stovnsplássinum og vátta beinanvegin. Orsøkin er, at eitt pláss, sum er tøkt, kann verða bókað hvørja løtu av foreldrum, sum sjálvi bóka pláss í skipanini.

Bóka pláss

Umsókn um pláss á dagstovni

Upptøkureglur

Her kanst tú kunna teg um galdandi reglurnar fyri upptøku av børnum til dagstovnarnar í Tórshavnar kommunu:

Upptøkureglur

Dagstovnagjøld

Gjøldini fyri dagstovnapláss sært tú her:

Dagstovnagjøld

Frípláss

Sum foreldur kunnu tit søkja um fíggjarligt frípláss til barnið.

Hvørt frípláss verður játtað, og hvussu nógv verður játtað, veldst um tykkara inntøku. Tú kanst kunna teg nærri á síðu okkara um frípláss.

Søk um frípláss

Uppsøgn

Ynskir tú at siga stovnsplássið frá tær ella biðja um farloyvi frá stovninum, er uppsagnartíðin tveir mánaðir. Tú kanst lesa meira her:

Sig upp stovnspláss