Tú ritar inn í plássskipanina við Samleikanum, sum er ein trygg innritingarskipan.
Hevur tú ikki longu stovnað tær Samleikan, kanst tú gera tað á heimasíðuni hjá Samleikanum.
Plássskipan okkara er somuleiðis tengd at postskipanini MínBoks og sendir tær kvittanir fyri tað, tú hevur gjørt í skipanini. Tá tú hevur stovnað tær Samleikan, fært tú atgongd til tína MínBoks á Vanganum.
Í erva á byrjanarsíðuni sært tú eitt spjaldur við navninum á tínum barni. Trýst á navnið, so sleppur tú framat innskrivingarmøguleikunum.
Nú velur tú »Sjálvgreiðsla«:
Nú skalt tú í álmanakkanum áseta byrjanardagin til 16. august 2024. Tað er umráðandi, at tú ásetir rætta byrjanardagin, tí annars fært tú ikki røttu valmøguleikarnar fram á skíggjan.
Nú skal tú velja, hvønn skúla og frítíðarskúla, tú vilt skriva barnið inn í.
Tá tú hevur trýst á »Vel stovn«, sært tú allar valmøguleikarnar á einum lista.
Her finnur tú tann forskúlan, skúlan og frítíðarskúlan, tú leitar eftir. Skúlarnir eru skipaðir eftir stavraðnum. Síðan velur tú júst tað tilboðið, tú ætlar tær.
Tú kanst velja at skriva barnið inn til fylgjandi tilboð:
- Forskúla
- Forskúla og frítíðarskúla
- Frítíðarskúla hjá forskúla
- Skúla
- Skúla og frítíðarskúla 1. og 2. flokkur
- Frítíðarskúla hjá 3. flokki
Tá tú hevur valt rætta tilboðið, leitar skipanin eina løtu, til plássið er funnið.
Tá tú hevur valt rætta tilboðið, letur nýggjur gluggi seg upp, og tú verður spurd um at fylla út nakrar teigar við sambandsupplýsingum hjá hinum foreldrinum. Fyll sambandsupplýsingarnar út og trýst á »Goym«.
Gev gætur, áðrenn tú trýstir á goym: skrivar tú eitt barn inn í forskúla ella skúla, sum gongur í barnagarði, skalt tú vita, at plássið í barnagarðinum verður sagt upp, tá tú trýstir á »goym«. Orsøkin er, at tað letur seg ikki gera at hava pláss í barnagarði og forskúla ella skúla í senn.
Tá tú skrivar barnið inn í skúla frá 16. august 2024, verður plássið í barnagarðinum sagt upp við virknað frá 15. august 2024. Hetta verður eftirfylgjandi rættað av umsitingini til 31. juli 2024. Angrar tú, at tú hevur sagt barnagarðsplássið upp, og ynskir tú at fáa pláss í barnagarði aftur, mást tú bóka dagstovnapláss av nýggjum í bókingarskipanini.
