Finn skúla

Ert tú tilflytari, og hevur tú børn, sum ganga í skúla, kanst tú leita eftir kommunalu fólkaskúlunum á kortinum niðanfyri. Tú kanst eisini finna sambandsupplýsingarnar hjá skúlunum í listanum niðanfyri.

Tøppar tú tín bústað inn í leititeigin á kortinum, sært tú, hvørjum upptøkuøki tit búgva í, og hvønn skúla tit hoyra til.

Bæði skúlarnir í miðstaðarøkinum og smáu skúlarnir á bygd hava upptøkuøki. Tó er tað soleiðis, at meðan mørkini fyri upptøkuøkini í miðstaðarøkinum kunnu flyta seg frá einum ári til tað næsta, tí tey verða lagað eftir talinum á børnum í økjunum, so eru upptøkuøkini fyri smærri skúlarnar føst (Kollafjarðar skúli, Kaldbaks skúli, Velbastaðar skúli og Nólsoyar skúli). Bara tey, sum búgva í hesum økjunum, kunnu skrivast inn í skúlarnar, sum hoyra til økini:

• Velbastaðar skúli er til næmingar búsitandi í Kirkjubø og á Velbastað
• Kaldbaks skúli er til næmingar búsitandi í Kaldbak og í Kaldbaksbotni
• Nólsoyar skúli er til næmingar búsitandi í Nólsoy
• Kollafjarðar skúli er til næmingar búsitandi í Kollafirði, í Signabø og á Oyrareingjum