Ja. Búgva tit til dømis uttanlands, og skulu tit flyta til Tórshavnar kommunu, ber til at skriva barnið inn, hóast tað ikki hevur fingið føroyskt p-tal enn. Tá skulu tit útvega barni tykkara eitt TK-tal frá Tórshavnar kommunu, sum tit kunnu brúka, tá tit skriva barnið inn í skúla í talgildu pláss-skipanini.

Kunna teg nærri á síðu okkara um TK-tal:

TK-tal

Spyr leiðaran og námsfrøðingarnar í barnagarðinum um skiftið úr barnagarði í forskúla. Summir barnagarðar hava mannagongdir fyri, hvussu børnini best fyrireikast til at fara í skúla.

Finn dagstovn

Á kortinum niðanfyri sært tú, hvar forskúlarnir eru. Skriva tín bústað í leititeigin, so sært tú, hvør forskúli er næstur tínum bústaði. Trýstir tú á frámerkini á kortinum, verður tú beind víðari til heimasíðuna hjá einstaka forskúlanum og kanst lesa meira um virksemið á skúlanum.

Summir skúlar skipa fyri kunningarfundi í januar mánaða, áðrenn freistin fyri innskriving í skúlarnar er farin. Kunna teg nærri á heimasíðunum hjá skúlunum.

Finn skúla

Børn kunnu bíða við at byrja í forskúla, til tey eru eldri enn seks ár. Kunna teg nærri á síðu okkara um útsetan av skúlabyrjan. Har kanst tú eisini lesa meira um, hvussu tú kannar, um títt barn skal byrja seinni í skúla.

Eg vil útseta skúlabyrjan

Ja. Hevur tú skrivað títt barn inn í skúla og fingið boð frá Mentamáladeildini í Tórshavnar kommunu um, at einki pláss er tøkt, bjóða vit tær pláss á bíðilistanum til skúlan, tú hevur ynskt. Verður pláss tøkt, fært tú boð frá skúlanum.

Treytir fyri bíðilistar til skúlar

Bíðilistarnirnir til forskúla og 1. flokk fylgja somu leiðreglum, sum tá børn fáa pláss í skúla. Leiðreglurnar finnur tú við at trýsta á leinkið niðanfyri. Hevur tú aðrar spurningar um bíðilistar til skúlarnar, kanst tú venda tær til viðkomandi skúlarnar, sum umsita bíðilistarnar.

Leiðreglur fyri upptøku av næmingum í kommunalu fólkaskúlarnar

Finn skúla

Frítíðarskúlarnir eru fyri børn í forskúla til og við 3. flokk. Ynskir tú, at títt barn skal ganga í frítíðarskúla, skalt tú sjálv syrgja fyri at skriva barnið inn í sambandi við skúlainnskrivingina. Tá ið tú skrivar títt barn inn í skúla, velur tú, um barnið skal í frítíðarskúla ella ikki.

Tú kanst ikki velja ein og hvønn frítíðarskúla. Frítíðarskúlarnir eru skipaðir soleiðis, at hvør frítíðarskúli tekur børn inn úr ávísum skúla. Tað vil siga, at valið av frítíðarskúla er tengt at skúlavalinum.

Tað er ikki neyðugt at skriva børnini, sum frammanundan ganga í frítíðarskúla, inn av nýggjum á hvørjum ári. Vilt tú hinvegin siga plássið í frítíðarskúla frá tær komandi skúlaár, kanst tú rita inn pláss-skipanina og siga plássið upp har. Tú fært atgongd til pláss-skipanina frá síðu okkara um uppsøgn av frítíðarskúla:

Skriva inn í frítíðarskúla

Sig upp frítíðarskúla

Tú fært svar frá skúlanum í februar mánaða, um pláss er á skúlanum.

Hevur skúlin ikki pláss fyri tínum barni, fært tú skrivlig boð frá Mentamáladeildini í Tórshavnar kommunu. Er pláss í einum av hinum skúlunum, kanst tú taka av plássi í forskúla har.

Í hesum sambandi geva vit tær møguleika fyri at skriva barnið upp á bíðilista til skúlan, sum tú hevur ynskt.

Set teg í samband við skúlan fyri at fáa meira at vita um skiftið úr barnagarði í forskúla.

Finn skúla

Skúlarnir hava upptøkuøki

Bæði skúlarnir í miðstaðarøkinum og smáu skúlarnir á bygd hava upptøkuøki. Tó er tað soleiðis, at meðan mørkini fyri upptøkuøkini í miðstaðarøkinum kunnu flyta seg frá einum ári til tað næsta, tí tey verða lagað eftir talinum á børnum í økjunum, so eru upptøkuøkini fyri smærri skúlarnar føst (Kollafjarðar skúli, Kaldbaks skúli, Velbastaðar skúli og Nólsoyar skúli). Bara tey, sum búgva í hesum økjunum, kunnu skrivast inn í skúlarnar, sum hoyra til økini:

• Velbastaðar skúli er til næmingar búsitandi í Kirkjubø og á Velbastað
• Kaldbaks skúli er til næmingar búsitandi í Kaldbak og í Kaldbaksbotni
• Nólsoyar skúli er til næmingar búsitandi í Nólsoy
• Kollafjarðar skúli er til næmingar búsitandi í Kollafirði, í Signabø og á Oyrareingjum

Tá tilgongdin til ein skúla er størri enn talið av tøkum plássum, verða plássini lutað út við støði í politiskt samtyktum leiðreglum, sum tú finnur leinki til niðast á hesari síðuni.

Forskúlar í Tórshavnar kommunu

Forskúlar eru ikki í øllum skúlum. Sostatt er ikki pláss í forskúlunum fyri øllum seks ára gomlum børnum í Tórshavnar kommunu. Plássini eru býtt soleiðis:

• Sankta Frans skúli hevur pláss fyri 48 forskúlabørnum
• Skúlin á Argjahamri hevur pláss fyri 48 forskúlabørnum
• Skúlin á Fløtum hevur pláss fyri 72 forskúlabørnum
• Lítliskúli hevur pláss fyri 18 forskúlabørnum
• Nólsoyar skúli hevur pláss fyri seks ára gomlu børnunum, sum búgva í Nólsoy
• Kaldbaks skúli hevur pláss fyri seks ára gomlu børnunum, sum búgva í Kaldbak og í Kaldbaksbotni
• Velbastaðar skúli hevur pláss fyri teimum seks ára gomlu børnunum, sum búgva á Velbastað og í Kirkjubø

Forskúlalíknandi tilboðini í Nólsoy og í Velbastaðar skúla eru skipað samstarv millum dagstovn og skúla. Endamálið er at geva børnunum eitt gott og samanhangandi tilboð, har fakliga grundarlagið hjá lærarum og námsfrøðingum stuðla upp undir eitt tvørfakligt undirvísingar- og frítíðartilboð. Børnini eru í skúlanum tveir tímar um dagin og á dagstovninum restina av degnum.

Á kortinum niðanfyri sært tú, hvar skúlarnir og upptøkuøkini eru í Tórshavnar kommunu. Tøppa tín bústað inn í leititeigin á kortinum, so sært tú, hvørjum upptøkuøki tit búgva í, og hvønn skúla tit hoyra til. 

Tá tú skrivar títt barn inn í forskúla, skalt tú velja, um barnið skal í frítíðarskúla ella ikki. Tú kanst ikki velja ein og hvønn frítíðarskúla: Frítíðarskúlarnir eru skipaðir soleiðis, at hvør frítíðarskúli tekur børn inn úr ávísum skúla. Tað vil siga, at valið av frítíðarskúla er tengt at skúlavalinum.

Leiðreglur fyri upptøku av næmingum í kommunalu fólkaskúlarnar

Flyt skúla ella tilflytari

Gestanæmingar

Tað er skúlin, sum ger av, hvønn flokk barnið fer í. Hevur tú spurningar, kanst tú venda tær til skúlan, tú hevur skrivað barnið upp til.

Finn skúla

Vit royna altíð at lata barnið sleppa í skúla so nær heiminum sum gjørligt. Búgva stórir árgangir av børnum nærindis einum ávísum skúla, kunnu vit tó vera noydd at flyta næmingar í annan skúla enn tann, sum er næstur heiminum.

Vit taka avgerð um pláss við støði í hesum meginreglum:

Forskúli

1. Innskrivingin er komin, áðrenn freistin er farin
2. Barnið hevur systkin í skúlanum
3. Barnið býr í upptøkuøkinum hjá skúlanum

1. flokkur

1. Barnið gongur í forskúla í skúlanum
2. Innskrivingin er komin, áðrenn freistin er farin
3. Barnið hevur systkin í skúlanum
4. Barnið býr í grundupptøkuøkinum hjá skúlanum
5. Onnur serlig viðurskifti

Treytirnar fyri at skriva títt barn inn í skúla eru hesar:

• Tit mugu vera búsitandi í Tórshavnar kommunu
• Tú mást hava foreldramyndugleikan yvir barninum
• Tú og barnið mugu vera skrásett á sama bústaði 

Búgva tit uttanlands ella í aðrari kommunu, og skulu tit flyta til Tórshavnar kommunu, kunnu tit flyta skúla. Les meira á síðu okkara um at flyta skúla.

Flyt skúla/tilflytari

Tú kanst søkja um at broyta títt val av skúla. Tú skalt tá fylgja somu mannagongd, sum tá tú flytur skúla.

Flyt skúla/tilflytari

Fyri at nýta talgildu innskrivingina, skalt tú í minsta lagi hava:

• Teldu, teldil ella snildfon
• Netsamband
• Samleikan og MínBoks

Eigur tú onga teldu ella snildfon, ert tú vælkomin at nýta teldurnar í Snarskivuni í Havn. Adressan er Vaglið 11.

Hevur tú ikki fingið tær Samleikan, kanst tú bíleggja tær hann á heimasíðuni hjá Samleikanum.

Fá tær Samleikan (samleikin.fo)

Hevur tú ikki møguleika fyri at nýta talgildu bókingarskipanina ella Samleikan og MínBoks, kanst tú brúka umsóknarblaðið, sum tú finnur niðanfyri. Send umsóknarblaðið til torshavn@torshavn.fo. Letur tú umsóknina inn sum teldubræv, minst so til at skriva »Innskriving í forskúla« í evnisteigin.

Skriva inn í forskúla