Tórshavnar kommuna

Hevur tú minst til at klippa runnar og trø?

Tað er umráðandi fyri ferðslutrygdina og trivnaðin í grannalagnum, at tú minnist til at klippa runnar og annan vøkstur út móti vegi, skeltum, grannum og serliga vegamótum. Les meira her:

Minst til at klippa trø og runnar móti vegi

Snarvegir

Bussleiðin Hvar er bussurin? Tímin Leys størv Preia okkum Býráðið Ítróttur Dagstovnur Frítíðarskúli Bygging Burturkast Skúli Eldrabúpláss Vegarbeiði Kort Parkering English

FERÐSLA

Partur av Tinghúsvegnum stongdur 5. oktober til 20. november

Tinghúsvegurin er stongdur fyri allari ferðslu frá klubbagarðinum niðan til Sverrisgøtu frá mánadegnum 5. oktober klokkan 8 til fríggjadagin 20. november klokkan 16. Teinurin er stongdur í sambandi við umvæling av umsitingarbygninginum hjá løgtinginum.

Veg- og grevstrararbeiði í gerð

Útboð í kommununi

Útboðið at byggja bústaðir á Lygnnesi á Útboðsportalinum

Økið á Lygnnesi er nú boðið út av nýggjum við broyttum fortreytum. Freistin at lata inn tilboð er 12. oktober 2026 klokkan 12 umvegis Útboðsportalin hjá Tórshavnar kommunu.

Útboðið at byggja bústaðir á Lygnnesi tøkt á Útboðsportalinum

Baðivatn

Vatngóðskan til útisvimjing

Tórshavnar kommuna ger regluligar sýnistøkur av vatninum, har fólk í kommununi svimja og dyppa. Fylg við her:

Soleiðis er vatngóðskan til útisvimjing í løtuni

Orka og umhvørvi

Skráset tín oljutanga og tak hann úr nýtslu rættstundis

11. september 2018 kom nýggj kunngerð í gildi fyri oljutangar. Lógarbroytingin inniber, at tú skalt skráseta oljutangan og syrgja fyri at taka hann úr nýtslu, áðrenn hann gerst ov gamal, soleiðis at tú sleppur undan kostnaðarmiklari umhvørvisdálking og upprudding.

Skráset tín oljutanga og tak hann úr nýtslu rættstundis

Tíðindi

Vís øll tíðindi

02. oktober 2026

Partur av Tinghúsvegnum stongdur 5. oktober til 20. november

01. oktober 2026

Virðislønir M. A. Jacobsens 2026 handaðar

Seinnapartin vórðu virðislønir M. A. Jacobsens 2026 handaðar í Auluni í Finsen.

01. oktober 2026

Íslandsvegurin verður stongdur fyri ferðslu hóskvøldið 1. oktober

Íslandsvegurin verður asfalteraður hóskvøldið 1. oktober frá kl. 18 til 24.

Íbúgvar á Bjarnoyarvegnum verða bidnir um at brúka Grønlandsvegin.

Íbúgvar á Orknoyarvegnum og Hetlandsvegnum verða bidnir um at brúka Noregsvegin.

30. september 2026

Hátíðarhald nú húsarhaldsrusk verður heintað við el-bilum

Hátíðarhald er á Kommunalu Brennistøðini á Hjalla klokkan 14 í dag í sambandi við, at nýggir el-ruskbilar verða tiknir í nýtslu

30. september 2026

Líðin í Kollafirði stongd fyri gjøgnumkoyring 1. oktober kl. 8-17

Líðin í Kollafirði er stongd fyri gjøgnumkoyrandi ferðslu hósdagin 1. oktober frá klokkan 8-17 í sambandi við grevstrararbeiði. Leið 6 koyrir eftir landsvegnum frá Langasandi til Við Sjógv, meðan vegurin er stongdur.

29. september 2026

Ferðslan á Íslandsvegnum verður tarnað mikudagin 30. september

Ferðslan á Íslandsvegnum verður tarnað mikudagin 30. september frá kl. 8 til 24. Vegurin verður fyrst fresaður og síðan asfalteraður, roknast kann tí við larmi frá maskinum.

Tema

Vís øll temu

Býarmenning

Áhugakanning – vilt tú byggja í Hesti?

Vit kanna í løtuni áhugan fyri at byggja sethús og frítíðarhús í Hesti. Vísir áhugin seg at vera nóg stórur, ætlar kommunan at stykkja út smærri grundstykkir í sunnara enda av bygdini. Les meira og gev tín áhuga til kennar her.

Mentan og frítíð

Ólavsøka 2026

Kom við til skrúðgongu, kappróður, framsýningar, spælibásar, middagssang, midnáttarsang, føroyskan dans og mangt annað. Les alt um ólavsøkuna her.

Býarmenning

Arkitekturpolitikkur fyri Tórshavnar kommunu

Býráðið hevur samtykt, at ein arkitekturpolitikkur fyri Tórshavnar kommunu skal gerast. Sum ein partur av arbeiðstilgongdini verður dentur lagdur á borgaraluttøku og almenna talgilda spurnakanning um evnið. Les meira og tak lut her.

Hoyringar

Vís allar hoyringar

Almenn hoyring

Uppskot til broyting av almennu byggisamtyktini og avtøka av serstakari byggisamtykt á Lygnnesi í Kollafirði

Tórshavnar býráð samtykti á fundi 17. september 2026 uppskot um broyting av almennu byggisamtyktini fyri part av matrikklunum 203c, 309, 209a og 308 í Kollafirði. Endamálið við uppskotinum er at skipa økið til íbúðarbygging.

Freistin at senda inn mótmæli ella broytingaruppskot er 2. november 2026.

Almenn hoyring

Uppskot til broyting av almennu byggisamtyktini fyri matrikklarnar 42i, 200a og 200e, Kirkjubøur (Argir)

Tórshavnar býráð samtykti á fundi 17. september 2026 uppskot um at broyta almennu byggisamtyktina fyri part av matrikklunum 42i, 200a og 200e, Kirkjubøur (Argir). Uppskotið snýr seg um at broyta part av matrikklunum 42i og 200e, Kirkjubøur, frá umráðisparti A1 til umráðispart D1 og at broyta part av matrikkli 200a, Kirkjubøur, frá umráðisparti D1 til umráðispart A1.

Møgulig mótmæli ella broytingaruppskot skulu sendast Tórshavnar kommunu skrivliga til torshavn@torshavn.fo í seinasta lagi 2. november 2026.

Almenn hoyring

Uppskot til broyting av serstøku byggisamtyktini millum Skotarók og Oyggjarvegin

Uppskotið hevur áður ligið til almenna hoyring og er nú broytt, soleiðis at krav til felagshøli er hækkað og vegurin í fylgiskjali 2 ikki verður nágreinaður. Uppskotið snýr seg um at skipa økið til bústaðarbygging. Freistin at lata inn viðmerkingar og mótmæli er 30. oktober 2026.