Almenn hoyring
Almenna byggisamtyktin
Hoyringstíðarskeiðið er frá 26. juni 2020 til 21. august 2020.
Tórshavnar býráð samtykti á fundi 25. juni 2020 uppskot um endurskoðan av almennu byggisamtyktini fyri Tórshavnar kommunu.
Uppskotið um endurskoðanina fevnir í høvuðsheitum um hesi viðurskifti:
- Endurskoðan í mun til Bygningskunngerðina 2017. Flestu ásetingarnar, sum standa í almennu byggisamtyktini fyri Tórshavnar kommunu, kap. 6-13 verða tiknar úr, og skulu ásetingarnar í Bygningskunngerðini 2017, kap. 3-8, nýtast ístaðin.
- Endurskoðan av býarskipanini. Uml. 100 tillagingar og broytingar í býarskipanini (kortinum).
- Endurskoðan av byggifyriskipandi ásetingunum. Broytingar av økjum, orðingum, uppsetan o.t.
Tilfar, sum lýsir uppskotið um endurskoðan av almennu byggisamtyktini liggur frammi á torshavn.fo í Snarskivuni frá 26. juni 2020 til 21. august 2020.
Møgulig mótmæli ella broytingaruppskot skulu sendast skrivliga til torshavn@torshavn.fo í seinasta lagi 21. august 2020.