Broyting av almennu byggisamtyktini fyri Tórshavnar kommunu

Tórshavnar býráð samtykti á fundi 23. november 2023 uppskot um at broyta almennu byggisamtyktina fyri Tórshavnar kommunu. Uppskotið snýr seg um at leggja nýggjan umráðispart til vinnu, B7, afturat 3. grundumráði í almennu byggisamtyktini.

Ásetingar fyri B7-øki eru:

1. Umráðisparturin verður lagdur til smærri vinnuvirki
2. Virkini skulu kunna flokkast í umhvørvisflokkunum 2 til 4 sambært
   reglum hjá Tórshavnar kommunu
3. Grundstykkini skulu vera í minsta lagi 200 m² og í mesta lagi 500 m²
4. Útstykking verður einans loyvd sambært útstykkingarætlan fyri eitt
   natúrliga avmarkað øki
5. Byggistigið skal ikki fara upp um 0,5
6. Nýtslustigið skal ikki fara upp um 1,0
7. Hús skulu ikki verða hægri enn 9 m

Broytingaruppskotið liggur frammi á hesari síðuni og í Snarskivuni frá 29. november
2023 til 17. januar 2024.

Møgulig mótmæli ella broytingaruppskot skulu sendast skrivliga til torshavn@torshavn.fo í seinasta lagi 17. januar 2024.