Býráðið

Býráðið er evsti politiski myndugleiki í Tórshavnar kommunu. Býráðslimirnir eru 13 í tali og verða valdir fyri eitt fýra ára skeið sambært reglunum í løgtingslógini um val til kommunur.

Býráðið ger av, nær og hvar regluligu býráðsfundirnir skulu vera. Hetta verður kunngjørt fyrst í hvørjum álmanakkaári. Vanliga hevur býráðið almennan fund eina ferð um mánaðin. Býráðið heldur eisini eykafundir viðhvørt, tá býráðið skal taka støðu til átrokandi mál.

Býráðslimirnir í Tórshavnar kommunu eru borgaravald umboð. Øll hava stillað upp í politiskum flokkum. Limirnir skipa seg í ein meiriluta og ein minniluta. Meirilutin er at líkna við samgonguna í landspolitikki.

Í listanum niðanfyri sært tú eitt yvirlit yvir býráðslimirnar.

Býráðið

Dagsskráir og fundarfrásagnir

Niðanfyri finnur tú skránna fyri komandi býráðsfundir og fundarfrásagnir frá býráðsfundum.

Les dagsskráir og fundarfrásagnir

Flestu málini, sum býráðið viðger á fundunum, eru viðgjørd frammanundan í einum ella fleiri politiskum nevndum.

Fundir í býráðnum

Øll eru vælkomin at fylgja við á býráðsfundum. Fundirnir verða hildnir í býráðssalinum á Vaglinum og byrja vanliga kl. 16.

Á síðu okkara niðanfyri um dagsskráir og fundarfrásagnir frá býráðnum sært tú, nær býráðið heldur sínar fundir. Her kanst tú eisini stroyma fundir beinleiðis og hyggja at eldri upptøkum úr býráðssalinum.

Dagsskráir og fundarfrásagnir frá býráðnum

Kommunustýrisviðtøkur – karmurin um býráðsarbeiðið

Býráðið arbeiðir innan fyri karmarnar í løgtingslógini um kommunustýri. Nærri reglur fyri, hvussu kommunan verður stýrd, eru ásettar í kommunustýrisskipanini fyri Tórshavnar kommunu, sum býráðið samtykkir.

Kommunustýrisskipanin fyri Tórshavnar kommunu ásetur millum annað, hvussu býráðsarbeiðið skal skipast, og hvussu ábyrgd er býtt millum býráð, fíggjarnevnd og aðrar nevndir í kommununi.

Niðanfyri finnur tú kommunustýrisskipanina fyri Tórshavnar kommunu.

Kommunustýrisskipan fyri Tórshavnar kommunu

Fundarskipan fyri býráðið

Fundarskipanin ásetur millum annað reglurnar fyri, hvussu býráðsfundir verða hildnir, reglur fyri fundarskráir og reglur fyri atkvøðugreiðslur.

Niðanfyri finnur tú fundarskipanina fyri Tórshavnar býráð.

Fundarskipan fyri Tórshavnar býráð

Samsýningar til limir í býráðnum

Býráðslimir fáa samsýning fyri arbeiðið í býráðnum og fyri nevndararbeiði. Samsýningarnar eru ásettar sambært kommunustýrislógini.

Tórshavnar býráð 2021 - 2024