Rokningar og rokningaportalur
Skalt tú senda okkum eina rokning sum veitari, er mest vanliga mannagongdin, at tú sendir rokningina í XML-skapi umvegis MínRokning.
Er talan um eina einnýtisrokning ella rokningar í øðrum skapi, kanst tú innlesa rokningina á Rokningaportalinum, sum er ein ískoytisskipan, kommunan nýtir til at avgreiða rokningar, sum veitarar ikki fáa sent okkum umvegis MínRokning.
INNLES rokning á Rokningaportalinum
Ivast tú í, hvussu tú skalt brúka Rokningaportalin, kanst tú annaðhvørt lesa tekstvegleiðing okkara ella hyggja at myndavegleiðingini, sum tú finnur her:
Skalt tú senda kommununi rokning sum veitari, skalt tú senda rokningina umvegis MínRokning. MínRokning er sami portalur, sum virkir brúka til at heinta sínar rokningar frá ALS, Arbeiðsmarknaðareftirlønargrunninum og Barsilsskipanini. MínRokning kann sostatt eisini brúkast til at senda talgildar rokningar.
Elektron umsitur MínRokning og hevur sent tínum virki eitt brúkaranavn og loyniorð, fyrstu ferð virkið rindaði løn. Hevur tú gloymt ella mist tínar innritanarupplýsingar, ella hevur tú tørv á at endurnýggja tær, kanst tú venda tær til kundatænastuna hjá Elektron. Kundatænastan er at hitta yrkadagar frá kl. 8-16.30.
Rokningaportalurin er ein ískoytisskipan, sum kommunan nýtir til at avgreiða tær rokningar, sum tú sum veitari ikki fært sent umvegis MínRokning.
Vanliga senda veitarar talgildar rokningar og fakturar í sonevndum XML-skapi. Er hinvegin talan um eingangsrokningar ella rokningar í øðrum skapi, kanst tú innlesa tær á Rokningaportalinum. Tú kanst eisini leggja onnur skjøl við á Rokningaportalinum. Slíkar rokningar verða síðan gjørdar til XML-fílu og lagdar inn í vanligu rokningaverkgongdina.
Ivast tú í, hvussu tú skalt brúka Rokningaportalin, kanst tú annaðhvørt lesa tekstvegleiðing okkara ella hyggja at myndavegleiðingini, sum tú finnur niðanfyri:
Innles rokning á Rokningaportalinum
