Arkitekturpolitikkur fyri Tórshavnar kommunu

Býráðið hevur samtykt, at ein arkitekturpolitikkur fyri Tórshavnar kommunu skal gerast. Ein arkitekturpolitikkur er ein ætlan, sum ítøkiligger og verjir hugsjónina um góða býar- og bygdamenning í allari kommununi. Sum ein liður í arbeiðstilgongdini verður dentur lagdur á borgaraluttøku og almenna talgilda spurnakanning.

Trýst á leinkið niðanfyri fyri at taka lut.

Svara spurnakanningini

Arkitekturpolitikkurin fevnir um alla kommununa, og verður eftir ætlan dagførdur fimta hvørt ár ella eftir tørvi.

Endamálið við arkitekturpolitikkinum er at:

• Tryggja eina arkitektoniska kós fyri, hvussu Tórshavnar kommuna skal mennast í býi, bygd og í náttúruni
• Styrkja tilvitskuna um arkitektoniskt virði, býarskipanarligar dygdir, søgu, samleika og staðbundni
• Geva borgarum, arbeiðstakarum og umsiting greiðar karmar, sum kunnu nýtast í verkætlanum og politiskum raðfestingum