Í mai 2026 bjóðar Westward Ho barnagarðsbørnum og forskúlabørnum at vitja umborð á sluppini.
Her kanst tú lesa um, hvat børnini uppliva umborð, og hvussu tú bíleggur flokkinum ella bólkinum eina vitjan.
Lat aftur
Forskúlabørn og elstu barnagarðsbørn vitja Westward Ho
Barnagarðsbørn vitja umborð á Westward Ho 2026
Westward Ho bjóðar í mai 2026 eldru barnagarðsbørnunum og forskúlabørnum at vitja umborð á sluppini. Vitjanirnar fara fram, meðan skipið liggur við kei.
Tá ið barnagarðsbørn vitja umborð á Westward Ho, sleppa tey at síggja umstøðurnar, sum langabbi ella oldurabbi teirra hava arbeitt og livað undir umborð á einari slupp, samstundis sum tey í stuttum hoyra um sluppsøguna. Børnini sleppa harumframt at royna ymiskt verkligt.
Á hesari síðuni kanst tú lesa um, hvat børnini uppliva umborð, og hvussu tú teknar bólkin til eina vitjan.
Soleiðis teknar tú tykkum
Finn eina tøka tíð
Niðanfyri sært tú, hvørjar dagar og klokkutíðir eru tøkar. So hvørt sum bíleggingarnar koma inn, síggjast tær sum »Bílagdar« í hesum yvirlitinum. Fær Westward Ho annað virksemið onkran dagin, boða vit viðkomandi barnagarðsbólki frá og finna ein annan dag.
Dagur | Fyrrapart kl. 10-12 |
| 4/5 | |
| 5/5 | |
| 6/5 | |
| 7/5 | |
| 8/5 | |
| 11/5 | |
| 12/5 | Skipið er bílagt |
| 13/5 | |
| 15/5 | |
| 18/5 | |
| 19/5 | |
| 20/5 | |
| 21/5 | |
| 22/5 | |
| 26/5 | |
| 27/5 | |
| 28/5 | |
| 29/5 |
Soleiðis teknar tú ein bólk
Tá tú hevur funnið eina hóskandi tíð í talvuni omanfyri, kanst tú tekna tín bólk til eina vitjan. Trýst á grøna knøttin niðanfyri og fyll út allar teigarnar. Eru ikki allir teigarnir fyltir út, ber ikki til at tekna bólkin.
Bílegg vitjan á Westward Ho
Soleiðis gongur vitjanin fyri seg
Tiltøk undir dekkinum
Børnini fara fyrst niðurundir gjøgnum leidaran og síðan í lugarið. Aftaná fara tey í messuna, har tey síggja stóra íslandskortið og síggja, hvar føroysk skip hava verið fyri vanlukku undir Íslandi. At enda fer bólkurin í maskinrúmið og síðani í afturskipið.
Kabúss og lugar
Vit spyrja børnini, um tey kenna nøkur serlig orð, ið verða nýtt umborð á einum skipi. Í lugarinum greiða vit teimum frá, hvat menn gjørdu á einum fiskitúri, og eisini sleppa tey at fara í nakrar koyggjur.
Maskinrúm og lugar aftan
Vit greiða frá um maskinuna og oljufýringina. Í lugarinum aftan síggja børnini neyðútgongdina og koyggjurnar, og onkur sleppur at liggja í eini koyggju.
Tiltøk á dekkinum
Á dekkinum fara børnini at royna ymiskt verkligt, millum annað at standa við róðursarmin, sláa skipsklokkuna, hála fokkuna upp og fiska við snøri. Tað er umráðandi, at børnini likamliga royna ymiskt, sum tey annars ikki hava møguleika fyri at royna í gerandisdegnum.
Børnini kunnu taka gamalt breyð við til dunnurnar.
Tá ið børnini hava roynt alt, eta tey matpakka saman. Er veðrið gott, verður matpakkin etin á dekkinum, men er tað ruskveður, eta tey í messuni undir dekkinum.
Upplatingartíðir
| Mánadag - hósdag | 9 | - | 16 |
| Fríggjadag | 9 | - | 15 |