Á hesari síðuni kanst tú taka skránna niður, kunna teg um broytingar, fáa yvirlit yvir ferðsluna og lesa um trygdarviðurskiftini á ólavsøkuni.
Fríggjadagin 28. juli kl. 13 verður middagssangur á Trappuni í Vágsbotni. Jensina Olsen skipar fyri. Í sangheftinum eru 10 ymiskir sangir, sum tú sært við at trýsta á leinkið niðanfyri.
Ólavsøkuróðurin verður fríggjadagin 28. juli kl. 13-18. Klokkan 13 byrjar barnaróðurin, og klokkan 15 byrjar vaksnaróðurin. Atgongumerki til kappróðurin kunnu keypast á alnótini.
Atgongumerki til ólavsøkuróðurin (atgongumerki.fo)
Niðanfyri kanst tú taka sangheftið niður á snildfonina. Sangheftið fæst eisini í Snarskivuni og Visit Tórshavn í vanligari upplatingartíð. Tá midnáttarsangurin er, býta vit eisini sanghefti út við ovaru hurðina í býráðssalinum.
Á ólavsøku verður miðbýurin stongdur fyri ferðslu, og tað ber ikki til at koyra oman í Steinatún. Undantøk verða tó gjørd fyri bussleiðina, bygdaleiðir og fyri akfør, ið flyta fólk, ið nýta rullistól, og sum ynskja at verða sett av í Steinatúni.
Fyri at sleppa innum avmarkingarnar í Bøkjarabrekku og Niels Winthers gøtu er tó neyðugt, at serflutningsakfarið er eyðmerkt við skrásetingarnummari og kontaktpersóni áðrenn ólavsøku, soleiðis at vaktarhaldið á staðnum veit, hvørji akfør eru góðkend at koyra oman í Steinatún.
Serflutningsbussurin hjá Tórshavnar kommunu, sum verður nógv bílagdur til flutning av fólki í rullustóli, er góðkendur frammanundan. Fólk, ið brúka hendan bussin, nýtast tí ikki at gera vart við seg. Onnur, ið vara av akførum til flutning av fólki í rullistóli, verða biðin um at siga kommununi frá, um tey ynskja at nýta henda møguleikan á ólavsøku. Tað kanst tú gera við at senda kommununi ein teldupost á torshavn@torshavn.fo við navn og telefonnummar hjá kontaktpersóni umframt skrásetingarnummarið á akfarinum.
Legg til merkis, at tað ber eisini til at koyra oman á parkeringsøkið á Skálatrøð á ólavsøku, og eftir kappróðurin er koyrandi til parkeringsøkið á Bursatanga.
Framman fyri H.N. Jacobsens bókahandli eru pláss sett av til fólk í rullistólum undir setanini ólavsøkuaftan og undir skrúðgonguni og kórsanginum ólavsøkudag.
Partar av miðbýnum eru stongdir fyri ferðslu, meðan ólavsøkan er. Ferðsluforðingar verða settar upp av trygdarávum. Í ávísum støðum er vaktarhald, ið kann loyva neyðsynjarakførum, bussleiðini og øðrum frammanundan góðkendum akførum inn. Á kortunum niðanfyri sært tú, hvar og nær ferðsluavmarkingar eru í býnum.
Eins og í fjør ber til at seta bilin frá sær á Skálatrøð. Innkoyringin til Skálatrøð er tó broytt soleiðis, at tú skalt koyra omaneftir Gríms Kambans gøtu og Bøgøtu og snara inn niðanfyri Smiðjuna í Lítluvík fyri at sleppa inn á parkeringsøkið á Skálatrøð. Ein fyribils innkoyring er gjørd við Smiðjuna í Lítluvík.
Bilar, ið fara av Skálatrøð, sleppa bara niðan eftir Sigmundargøtu.
Vilt tú stuðla ítróttarfeløgunum á ólavsøku, skalt tú leita tær oman í gongugøtuna og oman á parkeringplássið í Tórsgøtu, har fótbólts- og handbóltsfeløgini hava básar við sølu og spæli Við Betri banka í gongugøtuni standa tjøldini hjá B36 og FC Hoyvík, og hinumegin vegin við Býráðssalin stendur tjaldið hjá HB og pylsuvognurin hjá AB.
Á parkeringsplássinum niðast í Tórsgøtu halda handbóltsfeløgini í kommununi til. Har standa tjøldini hjá H71, Kyndli og Neistanum umframt vognurin við 7D-biografinum hjá ÍA.
| Mánadag - hósdag | 9 | - | 16 |
| Fríggjadag | 9 | - | 15 |