Tímaseðil og útlegg til Barnaverndartænastuna í Tórshavnar kommunu

Her kanst tú senda uppgerð yvir tímar, umlættingardagar og útlegg, tú hevur havt í sambandi við arbeiði sum mentor, stuðul ella sum umlættingarforeldur.

Send inn tímar og útlegg

Nær skal eg senda tímar inn?

Tú kanst senda tímar inn sama dag, tú hevur verið stuðul/havt børnini til umlætting. Tú kanst eisini savna tímarnar saman fyri eina viku ella ein mánað. Hetta er upp til tín.

Lønarútgjalding er síðst í hvørjum mánaði. Tú mást senda uppgerðina inn seinast 15'anda í mánaðinum, fyri at fáa tína løn við.

Dømi: 

• Tú sendir uppgerð inn 14. januar - lønin verður útgoldin síðst í januar.
• Tú sendir uppgerð inn 20. januar - lønin verður útgoldin síðst í februar.

Hevur tú spurningar, ert tú altíð vælkomin at venda tær til Barnaverndartænastuna á 30 20 60 ella á barnavernd@torshavn.fo.