Leita

Lat aftur

Tema

Nýggjar skiljistøðir til metal og glas

Nærskiljing í grannalagnum

Nú eru skiljistøðir til ávikavist metal og glas komnar upp í nøkrum grannaløgum í Tórshavnar kommunu.

Talan er um eina royndarverkætlan, har endamálið er at finna útav, hvørja loysn vit frameftir kunnu brúka, tá ið húskir skulu skilja metal og glas.

Nýggjar skiljistøðir til metal og glas

Skiljistøðir til metal og glas eru settar upp í fleiri grannaløgum í Tórshavnar kommunu. Talan er um eina royndarverkætlan, har endamálið er at finna útav, hvør loysn riggar best at brúka frameftir, tá ið húskir skulu skilja metal og glas. Les meira her og kanna, um títt húski hoyrir til eina skiljistøð.

Nýggja burturkastkunngerðin er á veg, og hon setir nýggj krøv til skiljing av burturkasti. Vit skulu tí kanna nærri, hvørjar loysnir rigga best til føroysk viðurskifti. Sum er, endar ein stórur partur av glasi og metali í restburturkastinum. Við at skilja hesar burturkastbólkar, minka vit munandi um restburturkastið og kunnu senda tilfeingið til endurvinningar.

Í royndarverkætlanini verða tvey sløg av spannum brúktar: Plastspannir, ið kunnu standa, har tær eru vardar móti nógvum vindi, og spannir úr rustfríum stáli, sum tola at standa á opnum øki.

Niðanfyri sært tú, hvussu tú skilir glas og metal á skiljistøðini, og hvussu tú skilir burturkast heima við hús. Tú sært eisini, hvørja skiljistøð, títt húski hoyrir til.

Nærskiljing - soleiðis gert tú

Skiljing av glasi

Allar glasfløskur, drekkigløs og glaskrukkur kunnu latast í skiljistøðina.

Bæði klárt og litað glas kann latast í. Best er, um glasið er so lítið brotið sum møguligt.

Glasluturin skal vera tómur og skolaður við vatni.

Áskriftir (etikettir) kunnu vera á glaslutinum, men tak lok og proppar av, og lat teir í metalílatið.