Mikudagin 6. og leygardagin 9. mai taka vit aftur eitt tak fyri náttúru okkara.
Les meira her og kom við:
Lat aftur
Umhvørvisvikan 2026 – Saman um grønu framtíðina
Tórshavnar kommuna bjóðar øllum borgarum, felagsskapum og fyritøkum at taka lut í árligu umhvørvisvikuni, sum í ár verður 2. til 9. mai.
Undir heitinum »Saman um grønu framtíðina« skipa vit fyri einari viku, har vit í felag kanna, læra og luttaka í tí, sum kann gera okkum til virknar luttakarar í eini grønari menning — og saman taka fetini móti eini tryggari og burðardyggari framtíð.
Tórshavnar kommuna eggjar fyritøkum, felagsskapum og stovnum at seta sjóneykuna á umhvørvið hesa vikuna – bæði í mun til innanhýsis virksemi og í sambandi við átøk ella tiltøk, sum venda sær til almenningin.
Umhvørvisvikan bjóðar eina breiða skrá við fjølbroyttum tiltøkum. Á skránni er millum annað ruddingardagar í nærumhvørvinum, ymiskar verkstovur fyri børn og vaksin, kunnandi framløgur og kjak um burðadygga menning og náttúruupplivingar.
Ein serlig skrá verður gjørd til dagstovnar og skúlar. Tiltøkini eru løgd til rættis eftir aldursbólkum við tí fyri eyga at geva børnunum eina stuttliga og læruríka uppliving, sum styrkir teirra vitan og áhuga fyri náttúruni og umhvørvinum.
Afturvendandi tiltøkini verða sjálvandi eisini við í ár. Ruddingardagarnir savna á hvørjum ári nógv fólk í feløgum og grannaløgum, sum vilja taka eitt felags tak fyri okkara nærumhvørvi. Vælumtókta tiltakið Plantið eitt træ, har bæði børn og vaksin fáa høvi at seta sítt grøna fingramerki og skapa varandi broytingar í býarmyndini, verður til setanina av umhvørvisvikuni 2. mai.
Umhvørvisstuðulin til grønar verkætlanir, sum Tórshavnar kommuna letur á hvørjum ári, verður eisini latin á umhvørvisvikuni.
Tú kanst taka skránna niður sum pdf niðanfyri. Endaligu skránna við møguligum broytingum sært tú her á síðuni og á Tímanum. Tiltøkini eru øll ókeypis.
Skráin fyri umhvørvisvikuna
Leygardagin 2. mai
Kl. 10-17 Umbýting á Býarbókasavninum
Být um plantur, pløgg ella putlispøl. Eisini kanst tú leggja putlispøl á ungdómsbókasavninum.
Kl. 11 Setanin av umhvørvisvikuni á Vaglinum
Kristianna W. Poulsen, forkvinna í náttúru- og umhvørvisnevnd Tórshavnar býráðs, setir umhvørvisvikuna.
Kl. 11-14 Plantið eitt træ á Vaglinum
Tórshavnar kommuna letur húskjum ókeypis plantupakkar og grønmetisspírar á parkeringsøkinum við býráðssalin. Havið posa við til planturnar.
Plantið eitt træ - reglur og ráð
Kl. 11-14 Súkkluverkstaður á Vaglinum
Viðlíkahald og smærri umvælingar, soleiðis at súkklan er klár til summarið.
Kl. 11-16 Marknaður og spøl á gongugøtuni
Føroyskt framleiddar plantur, ráðgeving um kompost, maðkar, útispøl og annað.
Kl. 14-17 Vit knýta amplar til urtapottar á Býarbókasavninum
Støkk inn verkstova við Elini Lindenskov.
Sunnudagin 3. mai
Kl. 12-17 Familjudagur í Norðurlandahúsinum
Støkk inn verkstovur og virksemi fyri alla familjuna. Tita hevur opið.
Kl. 13-16 Umvælingarverkstovan
Tak tína mekanisku brotnu leiku við og fá hana umvælda.
Kl. 13-16 Komposthúsið – fá eina livandi vistskipan heim við
Tita skipar fyri praktiskari kompost- og gróðurverkstovu.
Kl. 13-16 Snikkaraverkstaðið - ger eitt gistingarhús fyri smákykt
Búnaðarstovan skipar fyri einfaldari byggiverkstovu.
Kl. 14 og 15 Rundvísing fyri børn við vaksnum
Løtt og hendingarík rundvísing inni og uttanfyri Norðurlandahúsið. Tilmelding á heimasíðuni hjá Norðurlandahúsinum
Familjudagur í Norðurlandahúsinum (nlh.fo)
Kl. 16-17 Familjubio – »Flow«
Virðisløntur animationsfilmur úr Baltikum. Einki mál. Atgongumerki 20 krónur. Bílegg atgongumerki á heimasíðuni hjá Norðurlandahúsinum.
Kl. 13 og 15 Útferð til Kolturs
Starvsfólk frá Tjóðsavninum greiða frá um Koltursverkætlanina. Siglt verður av Gomlurætt, og túrurin er ókeypis. Tilmelding á heimasíðuni hjá Visit Tórshavn.
Mánadagin 4. mai
Kl. 8.30 og 10 Umhvørvisveiða við Margarinfabrikkini
Tiltak fyri 1.-4. flokkar. Lærarar melda flokkar til við at skriva til fabrikkin@torshavn.fo.
Kl. 9 og 11 Vitjan á Kommunalu Brennistøðini
Tiltakið er fyri 5. flokkar. Lærarar melda flokkar til við at skriva til dagbjort@torshavn.fo ella á telefon 28 09 06.
Kl. 9-20 Blómuveiða á Býarbókasavninum
Leita eftir føroyskum blómum. Øll, sum luttaka, eru við í lutakasti um ferðaklárar Fjällräven ryggsekkir.
Kl. 9-20 Umbýting á Býarbókasavninum
Být um plantur, pløgg ella putlispøl. Eisini kanst tú leggja putlispøl á ungdómsbókasavninum.
Kl. 9-20 Knýt amplar til urtapottar á Býarbókasavninum
Vegleiðing og tilfar liggur til taks í listarúminum.
Kl. 19-20 Kvøldseta í Kirkjubøar kirkju - at røkja tað, sum okkum er givið
Gunnhild Dahl Niclasen, humanvistfrøðingur og bóndakona, hugleiðir. Upplestur við Marjuni Syderbø Kjelnæs, og Ólavur á Váli Olsen syngur nøkur løg. Eftir tiltakið verður drekkamunnur í Roykstovuni.
Týsdagin 5. mai
Kl. 8.30 og 10 Umhvørvisveiða við Margarinfabrikkini
Tiltak fyri 1.-4. flokkar. Lærarar melda flokkar til við at skriva til fabrikkin@torshavn.fo.
Kl. 9 og 11 Vitjan á Kommunalu Brennistøðini
Tiltakið er fyri 5. flokkar. Lærarar melda flokkar til við at skriva til dagbjort@torshavn.fo ella á telefon 28 09 06.
Kl. 9-20 Blómuveiða á Býarbókasavninum
Leita eftir føroyskum blómum. Øll, sum luttaka, eru við í lutakasti um ferðaklárar Fjällräven ryggsekkir.
Kl. 9-20 Umbýting á Býarbókasavninum
Být um plantur, pløgg ella putlispøl. Eisini kanst tú leggja putlispøl á ungdómsbókasavninum.
Kl. 9-20 Knýt amplar til urtapottar á Býarbókasavninum
Vegleiðing og tilfar liggur til taks í listarúminum.
Kl. 17-21 NýNý - seymiverkstova við endurnýtslutilfari
Seyma eitt plagg ella bøt tíni klæðir. Tilmelding á Facebook- ella Instagramvanganum hjá NýNý.
Kl. 19.30-21 Lær at skilja títt burturkast á Kommunalu Brennistøðini
Hoyr um, hvussu tú lætt kanst skilja meira burturkast í gerandisdegnum og síggj, hvussu vit handfara burturkastið víðari til endurvinningar. Tilmelding á heimasíðuni hjá Brennistøðini.
Mikudagin 6. mai
Kl. 8.30 og 10 Umhvørvisveiða við Margarinfabrikkini
Tiltak fyri 1.-4. flokkar. Lærarar melda flokkar til við at skriva til fabrikkin@torshavn.fo.
Kl. 9 og 11 Vitjan á Kommunalu Brennistøðini
Tiltakið er fyri 5. flokkar. Lærarar melda flokkar til við at skriva til dagbjort@torshavn.fo ella á telefon 28 09 06.
Kl. 9-20 Blómuveiða á Býarbókasavninum
Leita eftir føroyskum blómum. Øll, sum luttaka, eru við í lutakasti um ferðaklárar Fjällräven ryggsekkir.
Kl. 9-20 Umbýting á Býarbókasavninum
Být um plantur, pløgg ella putlispøl. Eisini kanst tú leggja putlispøl á ungdómsbókasavninum.
Kl. 9-20 Knýt amplar til urtapottar á Býarbókasavninum
Vegleiðing og tilfar liggur til taks í listarúminum.
Kl. 8-16 Ruddingardagur fyri skúlar, stovnar og virkir
Tilmelding á torshavn.fo. Øll, sum luttaka, eru við í lutakasti um tvey gávukort á 6000 krónur.
Tilmelding til Ruddingardagar 2026 (torshavn.fo)
Kl. 16.20-18.25 Vitja urtagarðin hjá Maud í Nólsoy
Kom við á matmentanartúr. Planta fræ og lær um, hvussu tú skipar ein urtagarð. Eisini verða brellbitar at fáa. Tilmelding á heimasíðuni hjá Visit Tórshavn.
Vitja urtagarðin hjá Maud (visittorshavn.fo)
Kl. 20 Filmsýning í Havnar Bio – »Eldur, Vatn, Jørð, Luft«
Filmsfelagið sýnir heimildarfilmin um náttúrubroytingar í Føroyum, Noregi, Svøríki og Danmark. Elsa Berg, borgarstjóri, innleiðir filmin. Bílegg ókeypis atgongumerki á bio.fo. Eru fólk ikki møtt 10 minuttir innan sýningina, kunnu atgongumerkini verða latin øðrum.
Hósdagin 7. mai
Kl. 8.30 og 10 Umhvørvisveiða við Margarinfabrikkini
Tiltak fyri 1.-4. flokkar. Lærarar melda flokkar til við at skriva til fabrikkin@torshavn.fo.
Kl. 9 og 11 Vitjan á Kommunalu Brennistøðini
Tiltakið er fyri 5. flokkar. Lærarar melda flokkar til við at skriva til dagbjort@torshavn.fo ella á telefon 28 09 06.
Kl. 9-20 Blómuveiða á Býarbókasavninum
Leita eftir føroyskum blómum. Øll, sum luttaka, eru við í lutakasti um ferðaklárar Fjällräven ryggsekkir.
Kl. 9-20 Umbýting á Býarbókasavninum
Být um plantur, pløgg ella putlispøl. Eisini kanst tú leggja putlispøl á ungdómsbókasavninum.
Kl. 9-20 Knýt amplar til urtapottar á Býarbókasavninum
Vegleiðing og tilfar liggur til taks í listarúminum.
Kl. 17-21 NýNý - seymiverkstova við endurnýtslutilfari
Seyma eitt plagg ella bøt tíni klæðir. Tilmelding á Facebook- ella Instagramvanganum hjá NýNý.
Kl. 19.30-21 Grøna kvøldið í Finsen – náttúran og vit
Kristianna Winther Poulsen, forkvinna í náttúru- og umhvørvisnevnd Tórshavnar býráðs, bjóðar vælkomin. Jensia Brodersen frá Náttúruterapi, greiðir frá sambandinum ímillum náttúru, menniskju og heilsu. Umhvørvisstuðulin verður kunngjørdur, og virðislønir verða handaðar. Kvartettin Vibra framførir, og okkurt gott verður til góman.
Fríggjadagin 8. mai
Kl. 8.30 og 10 Umhvørvisveiða við Margarinfabrikkini
Tiltak fyri 1.-4. flokkar. Lærarar melda flokkar til við at skriva til fabrikkin@torshavn.fo.
Kl. 9 og 11 Vitjan á Kommunalu Brennistøðini
Tiltakið er fyri 5. flokkar. Lærarar melda flokkar til við at skriva til dagbjort@torshavn.fo ella á telefon 28 09 06.
Kl. 9-18 Blómuveiða á Býarbókasavninum
Leita eftir føroyskum blómum. Øll, sum luttaka, eru við í lutakasti um ferðaklárar Fjällräven ryggsekkir.
Kl. 9-18 Umbýting á Býarbókasavninum
Být um plantur, pløgg ella putlispøl. Eisini kanst tú leggja putlispøl á ungdómsbókasavninum.
Kl. 9-18 Knýt amplar til urtapottar á Býarbókasavninum
Vegleiðing og tilfar liggur til taks í listarúminum.
Kl. 17-18.30 Høsnaverkstova á Hvítanesi
Vitja høsnagarðin hjá Gisleyg og Jóannesi. Tey greiða frá ágóðunum við at hava høsn, hvat skal til og hvussu hetta kann gagnnýtast. Eisini bjóða tey brellbitar. Tilmelding á heimasíðuni hjá Visit Tórshavn.
Leygardagin 9. mai
Kl. 9-16 Almenni ruddingardagurin fyri borgarar og feløg
Bólkar og feløg kunnu melda seg til á torshavn.fo og vera við í lutakasti um tvey gávukort upp á 6000 krónur.
Tilmelding til Ruddingardagar 2026 (torshavn.fo)
Kl. 9-16 Plantið eitt træ og ruddingardagur úti á bygd
Staðbundnu nevndirnar býta plantupakkar út og skipa fyri ruddingini.
Kl. 10-17 Blómuveiða á Býarbókasavninum
Leita eftir føroyskum blómum. Øll, sum luttaka, eru við í lutakasti um ferðaklárar Fjällräven ryggsekkir.
Kl. 10-17 Umbýting á Býarbókasavninum
Být um plantur, pløgg ella putlispøl. Eisini kanst tú leggja putlispøl á ungdómsbókasavninum.
Kl. 10-17 Knýt amplar til urtapottar á Býarbókasavninum
Vegleiðing og tilfar liggur til taks í listarúminum.
Bakgrundskunning
Umhvørvispolitikkurin hjá Tórshavnar kommunu
Eins og Grøna leiðin frá 2016 er nýggi umhvørvispolitikkurin eitt yvirskipað stýriamboð til at fyribyrgja útlát, burturkast og dálking. Grundleggjandi fyri umhvørvispolitikkin er visjónin um, at komandi ættarlið skulu hava somu møguleikar at gagnnýta náttúruna sum undanfarin ættarlið. Sum yvirskipað stýriamboð hevur politikkurin týdning fyri fleiri aðrar ætlanir í kommununi, til dømis kommunuætlanina, innkeypspolitikkin, orkupolitikkin og hitaætlanina. Umhvørvispolitikkin sært tú her:
Saman um grønu framtíðina – umhvørvispolitikkur fyri Tórshavnar kommunu 2026-2032
Leiðreglur fyri runnagirðingar og trø
Tað er sera umráðandi, at tú fylgir leiðreglunum, tá ið tú setir niður runnar ella plantar trø. Markið móti grannum og øðrum skal altíð virðast. Tú mást millum annað hava fyrilit fyri víddini á fullvaksna runninum. Tað vil siga, at tú skalt seta runnarnar niður 40 sentimetrar inni á tínum egna stykki.
Ætlar tú at planta trø, er tað umráðandi, at tú ikki kemur ov nær markinum hjá tínum granna. Ongar neyvar ásetingar eru um, hvussu høg einstøk trø kunnu vera í urtagørðum. Her er tí neyðugt at fylgja góðum grannasiði. Tú kanst lesa meira um okkara tilmæli í faldaranum um planting av trøum og runnum.
Umhvørvisdeildin
Upplatingartíðir
| Mánadag | 9 | - | 16 |
| Týsdag | 9 | - | 16 |
| Mikudag | 9 | - | 16 |
| Hósdag | 9 | - | 16 |
| Fríggjadag | 9 | - | 15 |