Tíðindi

Bæði leið 5 og leið 6 koyra nú aftur.

Vegna ring koyrilíkindi og jarðrok eru leið 5 (Kaldbak-Kirkjubøur) og leið 6 (Kollafjørður) fyribils givnar at koyra.

Í sambandi við niðurtøku av jólapynti, verður niðasti partur av Tinghúsvegnum stongdur frá Vaglinum niðan til Sverrisgøtu í dag frá kl. 9 til 10.

Tyrvingar- og avgrevstrarplássið hjá Kommunalu Brennistøðini er stongt í dag vegna jarðrok.

Kavi og hálka eru orsøkin til, at vanliga húsarhaldsburturkastið, og í summum førum grøna ílatið, ikki eru tikin í fleiri økjum í gjár og í dag. Kommunan kunnar nærri, tá ið til ber at siga, nær írestandi ruskið verður tikið.

Í sambandi við niðurtøku av jólapynti, verður niðasti partur av Tinghúsvegnum, frá Vaglinum niðan til Sverrisgøtu, stongdur týsdagin 16. januar frá kl. 9 til 10.

Stóru hondbóltstjóðirnar eru tiknar á bóli, nú føroyingar gera vart við seg – spælarar og áskoðarar.

Freistin at skriva børn inn í skúla til skúlaárið 2024/25 er 17. januar 2024 klokkan 13.

Tórshavnar kommuna hevur latið nýggja bíðilistaskipan upp til dagstovnaøkið, har møguleiki er at skriva seg á bíðilista á upp til 4 dagstovnar og at raðfesta hesar. Heitt verður á foreldur um skriva børn teirra á bíðilista til dagstovn skjótast gjørligt og at raðfesta síni ynski.

Aftur í ár er møguligt at søkja um stuðul til filmsframleiðslu frá Tórshavnar kommunu.

Stuðul verður latin til filmsverkætlanir, sum eru viðkomandi og virðisskapandi fyri filmsumhvørvið, vinnulívið í høvuðsstaðnum og fyri Tórshavnar kommunu.

Umsóknarfreistin er mánadagin 12. Februar 2024.