Bústaðir og HVT byggja leiguíbúðir við Villingardalsvegin

37 nýggjar leiguíbúðir skulu byggjast við Villingardalsvegin. Býráðið hevur samtykt at selja Bústøðum lendið, har íbúðirnar skulu byggjast í samstarvi við HVT.

Verkætlanin fevnir um 37 íbúðir í trimum ymiskum støddum - 20 íbúðir á 53 fermetrar, tríggjar íbúðir á 73 fermetrar og 14 íbúðir á 85 fermetrar.

Í gjár varð skeytið undirskrivað.

^{Ingibjørg Berg (stýrisforkvinna, Bústaðir), Elsa Berg (borgarstjóri) og Jógvan Ósá (stjóri, Bústaðir).}

Vit eru sera spent upp á hesa verkætlanina. Fleiri leiguíbúðir eru eitt týdningarmikið íkast til ein fjølbroyttari bústaðarmarknað. At fáa fleiri ymiskar bústaðarmøguleikar er ein týðandi fortreyt fyri, at fólk kunnu finna sær ein bústað, støðast og trívast í kommununi, sigur Elsa Berg, borgarstjóri.

^{Jóan Petur Hentze (kommunustjóri), Anja Weyhe (forkvinna í Byggi- og býarskipanarnevndini), Elsa Berg (borgarstjóri), Jógvan Ósá (stjóri, Bústaðir), Kaysten Rasmussen (fíggjarleiðari, Bústaðir) og Regin Petersen (stjóri, HVT).}

Vit fegnast um, at Bústaðir og HVT fara undir hesa sera góðu verkætlan. Tí eitt av okkara høvuðsmálum er at fáa fjølbroyttar bústaðarmøguleikar í allari kommununi, sigur Anja Weyhe, forkvinna í Byggi- og býarskipanarnevndini.

Sølan av lendinum er fyrsta stigið á leiðini at fremja íbúðarverkætlanina, og er týðandi liður í tilgongdini at økja um talið av leigubústøðum í Tórshavn. Væntað verður, at íbúðirnar verða lidnar á vári 2028.

Býráðið samtykti málið 22. oktober 2026.