Fólkatingsval

Sum kunngjørt av ríkisumboðsmanninum verður fólkatingsval týsdagin 24. mars 2026.

Valt verður soleiðis

1. Fólk í Havn, Mjørkadali, Norðradali, á Hvítanesi, Sundi, Hesti og Koltri velja í ítróttarhøllini á Hálsi
2. Fólk í Hoyvík velja í Hoyvíkshøllini
3. Fólk á Argjum velja í Skúlanum á Argjahamri
4. Fólk í Kaldbak og Kaldbaksbotni velja í Høllini í Kaldbak
5. Fólk í Kollafirði, Signabø og Oyrareingjum velja í skótahúsinum í Kollafirði
6. Fólk í Kirkjubø, á Velbastað og í Syðradali velja í skúlanum á Velbastað
7. Fólk í Nólsoy velja í felagshúsinum hjá Ungmannafelagnum Royndini í Nólsoy

Atkvøðugreiðslan verður millum klokkan 9-20, og so leingi veljarar møta uttan steðg.

Tey, sum av sjúku ella øðrum orsøkum ikki kunnu koma á valstaðið, kunnu boða frá í Snarskivuni, telefon 30 20 10, til fríggjadagin 20. mars 2026 klokkan 15.

Tað ber til at brævatkvøða í Snarskivuni vanligu upplatingartíðirnar til og við fríggjadagin 20. mars 2026 klokkan 15.

Samstundis verður sagt frá, at valkort til fólkatingsvalið verða send øllum teimum, ið standa á vallistanum. Um so er, at valkortið ikki er komið innan hósdagin 19. mars 2026, orsakað av t.d. bústaðarflyting, skal boðast Snarskivuni frá hesum sum skjótast á telefon 30 20 10.

Valstýrini í Tórshavnar kommunu