Kommunan dagførir gjøldini fyri eldratænastur 1. januar 2026

Á býráðsfundi 20. november 2025 samtykti Tórshavnar býráð broytingar í gjøldum fyri búpláss, heimahjálp og umlætting sambært uppskoti til felags leist hjá Kommunufelagnum fyri 2026.

Tórshavnar kommuna dagførir gjøldini fyri eldratænastur frá 1. januar 2026. Nýggj kunngerð um eldratænastur kom í gildi 1. apríl 2023, sum gav kommununi heimild til sjálv at áseta gjøld fyri sínar eldratænastur eftir leisti, sum er lýstur í kunngerðini.

Sambært kunngerðini skal kommunan í seinasta lagi 1. desember lýsa gjøldini fyri komandi ár. Broytingarnar í gjøldunum fyri eldratænasturnar í Tórshavnar kommunu sært tú her:

Búfólk á eldrabúplássum og heimabúgvandi, sum rinda fyri heimatænastu, fáa skriv við kunningini.
Málsviðgerðina í Tórshavnar Býráð finnur tú á síðu okkara um dagsskráir og fundarfrásagnir.

Finn dagsskráir og fundarfrásagnir

Nýggja kunngerðin kom í gildi 1. apríl 2023. Hon avloysti kunngerð nr. 126 frá 17. desember 2014.

Kunngerð nr. 126 frá 17. desember 2014 um heimatænastu og gjald fyri heimatænastu, eldrarøkt o.a., sum seinast broytt við kunngerð nr. 6 frá 30. januar 2023