Tíðindi - 07. desember 2023
Móttøka fyri heimsmeistaranum
Seinnapartin var móttøka á Ráðhúsinum, har Heðin Mortensen, borgarstjóri í Tórshavnar kommunu, tók ímóti Halli Holm, sum herfyri gjørdist heimsmeistari í 24 tímarenning í aldursbólkinum 55+.
“Tú hevur víst, at tú setur tær mál, og at tú røkkur teimum. Tað er ein góður eginleiki at hava”, segði Heðin Mortensen, borgarstjóri, millum annað í røðu sínari.
Hallur Holm rann tilsamans 233 kilometrar í kappingini, sum var í Taivan. Hann greiddi frá avbjóðingunum við at renna so langt. Men at koma um málstrikuna var ein sera góð kensla, greiddi Hallur Holm frá.