Tíðindi - 29. januar 2021
Urtagarðsrøkt í útboði
Arbeiðið at røkja grønu økini í Tórshavnar kommunu verður boðið út í næstum.
Útboðið verður skipað í tveimum umførum. Fyrst verða úrvald øki boðin út í februar, og restin verður síðani boðið út í mars.
Tíðarskeiðið, arbeiðstøkan fevnir um, er tvey ár.
Veitarar, sum hava førleikar at røkja urtagarðar og annað urtagarðsarbeiði, eru vælkomnir at bjóða uppá arbeiðið. Arbeiðsuppgávurnar verða tøkar á útbjóðingarportalinum hjá Tórshavnar kommunu í næstum.
Neyðugt er at stovna ein vanga á útbjóðingarportalinum fyri at kunna bjóða uppá økini.
