Útboð av matrikklum undir Fjalli til bygging av íbúðum
Tórshavnar kommuna bjóðar við hesum tríggjar matriklar út til bygging av íbúðum. Talan er um matr. nr. 1108, 1107 og part av matr. nr. 1166c undir Fjalli í Tórshavn.
Freistin at lata inn tilboð er 13. februar 2023 klokkan 12.
Um útboðið
Matriklarnir liggja í markinum millum tann bygda býin og hagan, og tískil skulu vegur og tekniskar leiðingar leggjast til stykkið. Matriklarnir liggja tó tætt við gerandishentleikar, so sum Glasir, Skúlan á Fløtum og Bónus, ið liggja undir 500 metrar frá økinum.
Matriklarnir liggja í brattlendi, og byggingin í økinum skal sostatt leggja seg í lendið á ein hátt, sum byggir uppundir og undirstrikar landslagið. Økið er upplagt til høga bygging og ynskiligt er, at íbúðarhúsini skulu vera skiftandi í skurði við høgari takreisn og vaksa í hædd upp móti fjallasíðuni.
Matriklarnir liggja í A2-øki í almennu byggisamtyktini fyri Tórshavnar kommunu, ið er lagt av til høga bústaðarbygging.
Útboðið verður skipað á tann hátt, at tilboðsgevari gevur prís upp á økið, har treyt er sett um, at tað einans kunnu byggjast íbúðir á stykkinum.
Tilboðini skulu latast inn á útboðsportalinum í seinasta lagi 13. februar 2023 klokkan 12.
Spurningar í sambandi við uppgávuna og útbjóðingartilfarið kunnu sendast á útboðsportalinum í seinasta lagi 23. januar 2023 og verða somuleiðis svaraðir umvegis portalin í seinasta lagi 30. januar 2023. Fyri at kunnu lata tilboð inn á útboðsportalinum, má tilboðsgevi vera skrásettur sum brúkari. Øll kunning og samskifti verður frameftir á útboðsportalinum.
Útbjóðingartilfarið sæst í fullum líki her: