Tíðindi

Vilt tú brenna bál á nýggjárinum, skalt tú søkja Tórshavnar Sløkkilið um loyvi. Umsóknin skal vera Sløkkiliðnum í hendi í seinasta lagi 31. desember 2023 klokkan 12.

Tórshavnar kommuna er til reiðar at taka ímóti Oyggjaleikunum, sum verða í Føroyum 2027. Kommunan hevur umstøður til at kalla allan ítrótt. Tað sigur Heðin Mortensen, borgarstjóri í Tórshavnar kommunu.

Endurnýtslan er stongd 25. og 26. desember 2023 og 1. januar 2024. Endurnýtslan er annars opin sum vanligt.

Eitt risa fet fyri Sandoynna, - eitt skarvslop fyri allar Føroyar.

"Tí í dag gerast Føroyar størri nú fast samband er millum Sandoynna og Streymoynna.” Tað segði Heðin Mortensen, borgarstjóri í Tórshavnar kommunu, millum annað í røðu sínari, tá Sandoyartunnilin lat upp seinnapartin.

Kom og vitja básin hjá Tórshavnar kommunu á Jobmatch og fá tær eitt gott prát við ein kommunalan deildarleiðara. Bílegg tær eitt prát á heimasíðuni hjá Jobmatch ella støkk inn í bás okkara 29. desember kl. 12-18.

Vegna bilkaos á landsvegnum oman til Gomlu rætt, koyrir leið 5 ikki til Kirkjubøar frá nú av og til kl. 17. Leið 5 koyrir tó til Velbastaðar.

Fyrrapartin vórðu fyrstu fetini tikin gjøgnum Sandoyartunnilin, tá fólk súkklaðu, gingu og runnu gjøgnum Sandoyartunnilin.

Her er røðan, sum Heðin Mortensen, borgarstjóri í Tórshavnar kommunu, helt, áðrenn fólk fóru gjøgnum tunnilin.

Tórshavnar kommuna hevur ætlanir um at gera nýggja útstykking í Kollafirði til bústaðarbygging og trivnaðarøki.

Ovnurin á Brennistøðini á Hjalla er í løtuni sløktur, tí ein oxygen fløska sprongdist í ovninum í gjárkvøldið.

Hetta hevur kortini onga ávirkan á ruskið hjá húsarhaldum, tí Endurnýtslan er opin, sum vanligt.

Fyritøkur og virki hava fingið áheitan at skilja rusk, eitt nú byggitilfar, í vátt og turt rusk. Síðani verður tað handfarið á Brennistøðini.

Soleiðis koyra leið 1, 2 og 3 um jóla-og nýggjárshøgtíðina. Koyrt verður eina ferð um tíman, tað vil siga eftir sunnudagsferðaætlanini. Eingin koyring verður til bygdirnar.