Tíðindi

Árligi Oyggjadagurin hjá Tórshavnar kommunu verður leygardagin 13. juni.

Leygardagin 6. juni er vegastrekkið frá Norðuri á Heyggi til Úti á Heyggi á Velbastað stongt fyri ferðslu í sambandi við tiltakið Summarsól. Av tí sama koyrir leið 7 eftir Ervavegnum allan dagin.

Kom við og uppliv Havnina uttan bilar, men við súkklum í staðin. Mikudagin 3. juni eru øll boðin við til eitt hugnaligt súkklutiltak í miðbýnum. Frá klokkan 15 til 19 verða vegir stongdir fyri bilaferðslu og gjørdir um til eitt stórt súkkluøki, har børn og vaksin kunnu njóta býin á ein nýggjan og stuttligan hátt. Tiltakið er fyri øll – stór sum smá, skjót sum spakulig.

Ferðsluljósini á vegamótinum R.C. Effersøes gøtu og Bøkjarabrekku eru óvirkin og koma ikki at rigga aftur fyrrenn mikudagin 3. juni.

Mikudagin 3. juni er altjóða súkkludagur, og tá eru fleiri vegir stongdir í miðbýnum frá klokkan 15 til 19 í sambandi við eitt alment súkklutiltak.

Saman við Nólsoyarnevndini skipar Tórshavnar kommuna fyri borgarafundi í Nólsoy, har fleiri týðandi mál eru sett á skrá. Fundurin verður í Bygdarhúsinum Royndin mánadagin 8. juni 2026. Fundurin byrjar kl. 19.30.

Almenna vesið í Mylnugøtu fór illa av eldsbruna í november 2024, og nú verður eitt heilt nýtt alment vesi gjørt. Talan er um stórarbeiði, sum neyvan verður liðugt fyrr enn í fyrsta lagi um eitt ár.

Týsdagin varð skipað fyri lítlum hátíðarhaldi á Tjarnargarði í sambandi við, at Hildebjørt Mortensen rundaði tey 100 árini. Elsa Berg, borgarstjóri, var boðin við og helt røðu.

Enn 20-25 hval at fáa

Øll vælkomin til Havnar at fáa sær grind.