Tíðindi

Bjarni Beder og Anna Dalsgaard eru sett sum eindarleiðarar á dagstovnaøkinum í Tórshavnar kommunu.

Tey eru bæði útbúgvin námsfrøðingar. Bæði hava drúgvar royndir á dagstovnaøkinum.

Tey byrja í starvi 1.januar.

Aftur í dag hevur hálkan darvað ruskinnsavningini. Støðini, har burturkastið ikki er tikið í dag, noyðast at bíða til næstu ferð, ruskinnsavningin heintar burturkast í økinum.

Tórshavnar býráð hevur samtykt at seta Jóan Petur Hentze í starvið sum kommunustjóri í Tórshavnar kommunu.

Jóan Petur Hentze byrjar í starvinum sum kommunustjóri 1. januar 2024.

Aftur í dag hevur hálkan órógvað ruskinnsavningina. Støðini, har burturkastið ikki er tikið í dag, noyðast at bíða til næstu ferð, ruskinnsavningin heintar burturkast í økinum.

Í gjárkvøldið var jólatræið á Velbastað tendrað.

Jón Brian Hvidtfeldt, tíðindamaður, og Bergtórur Hjelm Bjarkhamar, prestur, hildu røðu.

Øll kommunalu jólatrøini í Tórshavnar kommunu eru nú tendraði.

Sjey eigarafeløg í Hoyvík handaðu í dag Heðini Mortensen, borgarstjóra í Tórshavnar kommunu, skriv.

Tey vildu gera vart við ferðsluviðurskifti á Løgmannabreyt og Vegnum Langa.

Aftur í dag er ruskinnsavningin tarnað av hálku. Støðini, har burturkastið ikki er tikið í dag, noyðast at bíða til næstu ferð, ruskinnsavningin heintar burturkast í økinum.

Hálkan hevur tarnað ruskinnsavningini seinastu dagarnar. Fríggjadagin 1. desember bar ikki til at taka burturkastið í fleiri støðum í Kollafirði, í Kaldbak og á Argjum. Í dag, mánadagin 4. desember, er ruskinnsavningin aftur darvað av hálkuni. Støðini, har burturkastið ikki er tikið í dag, noyðast tíverri at bíða til næstu ferð, ruskinnsavningin heintar burturkast í økinum.

Í góðveðrinum í kvøld varð jólatræið á Argjum tendrað.

GHM spældi, og Anne Mette Greve Klemensen, prestur, og Kristianna Winther Poulsen, býráðslimur, hildu røðu.

Jólamaðurin vitjaði eisini.

Seinnapartin var móttøka í nýggju læknahúsunum á Berjabrekku. Læknaviðtalurnar eru gjørdar av nýggjum, og verða nú tiknar alment í nýtslu.

Fimm kommunulæknar verða í nýggja læknahúsinum.