Tíðindi

Nú verkætlanin við listini til langhylin í Gundadali er liðug, varð skipað fyri lítlari samkomu í nýggju svimjihøllini hósdagin.

Vanligur stuðul er ein av tveimum stuðulstættum hjá Tórshavnar kommunu, sum eru ætlaðir verkætlanum. Vanligur stuðul verður latin tríggjar ferð um árið, og næsta freist at søkja er mánadagin 1. desember 2025 á midnátt.

Sverrisgøta er stongd frá Niels Finsens gøtu oman til Tórsgøtu frá mánamorgninum 17. november klokkan 8 til leygarkvøldið 22. november klokkan 22. Strekkið er stongt í sambandi við niðurtøku av bygningi.

Ein størri vatnleki á Hoyvíksvegnum hevur við sær, at vit taka vatnið í økinum millum Posta og Leif Mohr á Hoyvíksvegnum frá klokkan 10.55. Tað er ikki vist, hvussu langa tíð lekin tekur at umvæla.

Í oktober í fjør hevði Poula Johansen 40 ára starvsdag hjá Tórshavnar kommunu

Nú ber til at tekna seg til lutakast um tíggju nýggj raðhús, ið verða bygd í næstum. Harumframt ber til at tekna seg til lutakast um átta grundstykkir, ið eru latin kommununi aftur. Freistin at tekna seg til lutakast er 14. desember 2025.

Doktara Jakobsens gøta er stongd frá Bøgøtu til Dalavegin mikudagin 12. november frá klokkan 8.30 til 10.30 í sambandi við umvælingararbeiði.

Vit skrúva fyri vatninum til Spógvavegin mikudagin 12. november frá klokkan 9 til 13 í sambandi við umlegging av vatnleiðingini.

Mikudagin í farnu viku skipaði Boðanesheimið fyri ársveitslu fyri búfólkunum á heiminum

Skipað varð fyri Barna OL fyri forskúlabørnum og seksára stovum á stovnum sum partur av Fjølmentanarvikuni 2025. Aldursbólkurin var sera væl umboðaður við 274 tilmeldingum. Altjóðahúsið hjá Tórshavnar kommunu samskipaði tiltakið saman við m.a. ÍSF, og við Tjarnir var karmur um tiltakið.