Tíðindi

Seinnapartin í gjár var hugnaløta í Býlingshúsinum á Norðasta Horni. Malan Houman, námsfrøðingur, hevur starvast hjá Tórshavnar kommunu í meira enn 25 ár, og fer samstundis frá.

Væleydnað jólaborðhald var í Dansifrøði í dag fyri fólk, ið búgva á ellisheimum í Tórshavnar kommunu. Góður matur og gott lag var á fólki. Starvsfólkini høvdu gjørt nógv burtur úr at hugna um. Heðin Mortensen, borgarstjóri, var boðin við at siga nøkur orð.

Fráfaringarløta var í gjár fyri Hera Thorsteinsson, sum nú fer frá fyri aldur. Heðin Mortensen, borgarstjóri í Tórshavnar kommunu, og starvsfelagarnir hjá Hera Thorsteinsson vóru savnaðir saman til ein kaffimunn og prát, nú Heri fer frá.

Parkeringsøkið á Skálatrøð við tíðaravmarkingini 2 tímar (9-18) yrkadagar er nú víðkað við 10 básum úr 24 til 34 básar.

Frítíðarskúlin í Badmintonhøllini skipaði í gjár fyri jólahugna. Á skránni var millum annað Luciagongd og køkukapping. Foreldraráðið var dómari og valdi vakrastu køkuna og stuttligastu køkuna. Heðin Mortensen, borgarstjóri, varð boðin við, og skuldi avdúka hvør, ið hevði vunnið.

Í sambandi við viðlíkahaldsarbeiði á reinsiverkinum í Nólsoy, skrúva vit fyri vatninum í Nólsoy mikudagin 29. november 2023 frá klokkan 10 til 12.

Í sambandi við umvæling av vatnleiðing skrúva vit fyri vatninum í Djóna í Geil gøtu, við síðugøtum, oman til Bókbindaragøtu, mikudagin 29. november 2023 frá klokkan 10 til 12.

Í samband við, at Læknahúsið í Berjabrekku er nýumvælt, verður skipað fyri almennari móttøku í hølunum í Berjabrekku 1 fríggjadagin 1. desember 2023 frá kl. 14 til 16. Øll eru hjartaliga vælkomin!

Ljós og lív er nú aftur á gamla Kondittarínum í Havn. Tað eru Durita Thomsen og Rebekka á Fjallinum, sum havið latið upp handil við føroyskari framleiðslu. Talan er um klæðir, ið tær sjálvar sniðgeva og framleiða.

Á býráðsfundi 23. november 2023 samtykti Tórshavnar býráð at lýsa broytingar í gjøldum fyri búpláss, heimahjálp og umlætting sambært uppskotinum til felags leist hjá Kommunufelagnum.