Tíðindi

Seinnapartin í gjár varð jólatræið í Hesti tendrað. Fitt av fólki var komið saman til hugnaligu løtuna.

Seinnapartin varð jólatræið á Vaglinum í Havn tendrað. Nógv fólk vóru savnaði saman til hugnaligu løtuna

Íløgur í framtíðina er yvirskriftin fyri hesa fíggjarætlanina. Tað segði Heðin Mortensen, borgarstjóri, undir aðru viðgerð av fíggjarætlanini hjá Tórshavnar kommunu fyri 2024. Við íløgum byggja vit bygd og bý, og tryggja vøkstur í Tórshavnar kommunu. Men vit átaka okkum eisini ábyrgdina sum høvuðsstaður, og við íløgum byggja vit eisini land, segði Heðin Mortensen, borgarstjóri, millum annað í røðu sínari.

Fíggjarætlanin hjá Tórshavnar Kommunu fyri 2024 varð endaliga samtykt á býráðsfundi í kvøld.

Í sambandi við umvælingararbeiði uttanfyri Posthúskjallaran í Tórsgøtu 8, verður Tórsgøta stongd frá Sverrisgøtu oman til Vágsbotn mánadagin 27. november frá kl. 8 til 16.

Tórshavnar kommuna arbeiðir við einari ætlan um stykkja út 14 grundstykkir á Velbastað. Verkætlanin er tó ikki endaliga samtykt í býráðnum enn, tí kommunan ynskir fyrst at kanna, um áhugin fyri grundstykkjum á Velbastað er til staðar. Freistin at tekna seg til lutakastið og harvið vísa, at tú ert áhugað í at seta búgv á Velbastað, er mikudagin 20. desember 2023.

Bólkurin Reyðar tomatir, sum vann silvur í føroyska partinum av kappingini First LEGO League, var og vitjaði á Ráðhúsinum í Havn í gjár.

Í gjár varð jólatræið sett upp á tinghúsvøllinum. Tað verður tendrað leygardagin. Samstundis verður liðugt pyntað og jólabýurin á Vaglinum er við at verða klárur at taka ímóti fólki. Myndirnar tók Ólavur Frederiksen í gjár seinnapartin.

Í sambandi við at jólatræið verður uppsett og pyntað, verður Niels Finsens gøta stongd frá Sverrisgøtu oman til Vaglið fríggjadagin 24. november frá kl. 8 til 12.

Sum borgarstjóri í Tórshavnar kommunu kann eg als ikki góðtaka, at landsstýrismaðurin í Samferðslumálum, Dennis Holm, letur hestsfólk sigla egnan sjógv. Tað sigur Heðin Mortensen, borgarstjóri í Tórshavnar kommunu.