Tíðindi

Ruskinnsavningin er seinkað hesa vikuna orsakað av kavanum. Vilt tú tryggja tær, at vit taka títt húsarhaldsburturkast við, mást tú syrgja fyri at rudda kavan burtur, so vit sleppa framat.

Er tín posi ikki heintaður, kanst tú seta tveir gráar posar út komandi viku, ella tú kanst koyra posan niðan á Endurnýtsluna.

Móttøka var í Tilhaldinum í Tórsgøtu í øllum kavarokinum í morgun, nú Tilhaldið fyllir 25 ár. Veðrið forðaði ikki fyri, at hópur av fólki møttu til hátíðarhaldið.

Nógvi kavin hevur við sær, at ruskinnsavningin er seinkað hesa vikuna.

Í gjár skrivaðu Heðin Mortensen, borgarstjóri, og Edwin Roald, golfvallararkitektur, undir ráðgevarasáttmála um fyrsta byggistig.

Í sambandi við fyrireikingar til grækarismessuhald sunnudagin 12. mars, verður parkeringsøkið á Vaglinum stongt fyri allari ferðslu og parkering frá leygarkvøldinum 11. mars klokkan 20 til sunnudagin 12. mars klokkan 16.

Sunnudagin 12. mars verða Niels Finsens gøta, frá Sverrisgøtu oman á Vaglið, og Mylnugøta somuleiðis stongdar fyri allari ferðslu frá kl. 14.30 til 16.

Og í tí sambandi var móttøka í ungdómshølinum “Hollywood” í Niels Finsensgøtu nú seinnapartin. Borgarstjórin var á staðnum við eini lítlari heilsan, nú Dakko leggur frá sær sum aðalskrivari og hevur latið starvið upp í hendurnar á Edvu Jacobsen.

Hevur tú tørv á frítíðarskúlaplássi í páskafrítíðini, 3.-5. apríl 2023, tá frítíðarskúlarnir annars eru stongdir, kanst tú søkja um pláss í einum frítíðarskúla, sum er opin í frítíðini.

Freistin at biðja um pláss í samanlagda virkseminum er 17. mars 2023 kl. 12.

Herfyri varð Martin Zachariasen settur í starvið sum rektari á Fróðskaparsetrinum. Í gjár var hann á gátt á Ráðhúsinum í sambandi við fund í stýrisbólkinum fyri samstarvið, sum er millum Tórshavnar kommunu og Fróðskaparsetur Føroya.

Tá ið kavi og hálka er, koyrir leið 5 ikki eftir niðara vegi á Velbastað (Norðuri á Heyggi og Úti á Heyggi).

Koyrt verður tá eftir Ervavegi oman til Gerðisbreyt at venda og niðan aftur.

Í góða kavaveðrinum í gjáramorgunin fóru Undirhúsið og Yvirhúsið í Miðvági ein túr til Havnar at vitja Heðin Mortensen, borgarstjóra. Borgarstjórin tók ímóti gestunum í  móttøkuhúsunum hjá Tórshavnar kommunu, har hann greiddi frá søguni um húsið og hvat virksemið er í húsinum í dag.