Tíðindi

Tórshavnar kommuna er í eini tilgongd at gera ein arkitekturpolitikk og skipar í hesum sambandi fyri borgarafundum við áhugabólkar. Harumframt er ein spurnarkanning løgd út á heimasíðuna hjá Tórshavnar kommunu, ið hevur til endamáls at fáa innlit í hugburð og meiningar, ið skulu leiðbeina arkitekturpolitikkin.

Gríms Kambans gøta er stongd frá Landavegnum oman til Bøgøtu mikudagin 27. mai frá klokkan 9 til 11 í sambandi við arbeiði.

Í dag var Handverkaramessa í Havn. Heðin Mortensen, varaborgarstjóri, setti dagin. 

Eystari Ringvegur er stongdur frá Hvítanesvegnum til Hoyvíksvegin frá hósdegnum 21. mai klokkan 22.30 til fríggjamorgunin 22. mai klokkan 6 í sambandi við asfaltering.

Mylnugøta er stongd frá Vágsbotni niðan á Vaglið hósdagin 21. mai frá klokkan 18 til 22 í sambandi við kaðalarbeiði hjá SEV.

Parkeringsøkið við Badmintonhøllina í Gundadali er stongt frá 26. mai 2026 klokkan 18 til 30. mai 2026. Økið er stongt í sambandi við tiltakið »1-1-2-dagur« og flutningi og uppsetan av modulum til nýggja frítíðarskúlan við Badmintonhøllina.

SEV grevur á vegamótinum Løgmannabreyt/Jørundargøta í Hoyvík frá í kvøld klokkan 23 til í morgin árini klokkan 6. Bilførarar mugu vísa varsemi, tá ið koyrt verður framvið arbeiðinum.

Tórsgøta er stongd frá Sverrisgøtu oman til Vágsbotn týsdagin 26. mai frá klokkan 8.30 til klokkan 23 í sambandi við kaðalarbeiði og tiltak í Reinsarínum og Perluni. Parkeringsøkið í Tórsgøtu verður avsperrað fyri parkering mánakvøldið 25. mai klokkan 18.

Stórur tørvur er á heilsustarvsfólki í Heilsu- og umsorganartænastuni í Tórshavnar kommunu. Tað er tí sera gleðiligt, at tað nú verður lættari at nema sær útbúgving sum heilsuhjálpari og sum heilsurøktari. Sum nakað nýtt fer Heilsuskúli Føroya at skipa fyri einum heilsuhjálparaflokki við staðseting í Havn. Freistin at søkja inn á útbúgvingarnar er fríggjadagin 22. mai 2026.

Pedda við Steins gøta er stongd frá Varðagøtu til Lauritsargøtu frá týsmorgni 19. mai klokkan 8.30 til mikumorgunin 20. mai klokkan 6 í sambandi við asfaltering.