Tíðindi

Hátíðarhald var á Argjum seinnapartin í dag, í sambandi við at ein partur av útstykkingini varð avhendað.

Mánadagin 24. juni klokkan 14 lata vit upp fyri tilmeldingum til Ungt Summar. Hetta er ein verkætlan hjá Tórshavnar kommunu, ið fevnir um alskyns verkstovur, sum 13-15 ára gomul kunnu luttaka í. Endamálið er at skapa upplivingar, góðar felagsskapir og trivnað millum tey 13-15 ára gomlu í kommununi umvegis skapandi verkstovur.

Tórshavnar kommuna takkar øllum sum luttóku í ruddingardøgunum í Umhvørvisvikuni og hava sent okkum myndir. Vinnararnir av ruddingardøgunum gjørdust Eigarafelagið Vesturi á Flat og Dagstovnurin í Løkjatúni. Tórshavnar kommuna ynskir Eigarafelagnum Vesturi á Flat og Dagstovninum í Løkjatúni hjartaliga tillukku við vinninginum.

Mentamálanevnd Tórshavnar Býráðs valdi at stuðla seks størri listaligum verkætlanum í ár eftir tilmæli frá stuðulsbólkinum, sum fevndi um umboð fyri fyrisitingina og mentanarstovnarnar hjá Tórshavnar kommunu. Endamálið við stuðlinum er at stuðla uppundir dygd og menning innan list og mentan í kommununi. 1.000.000 krónur vórðu settar av til endamálið.

Lønarlyftið hjá Pedagogfelagnum, Heilsuhjálparafelagnum og Heilsurøktarafelagnum, sum kom í gildi tann 1. januar 2024, bleiv útgoldið fyri fyrstu ferð í apríl og mai 2024. 

Nú seinnapartin setti borgarstjórin Heðin Mortensen hol á úti á Molanum, har nýggja farstøðin kemur at standa. Sostatt er byggingin av nýggju farstøðini farin í gongd.

Í kvøld klokkan 21 verður árliga tiltakið Summarsólstøða í Sandagerði, sum Tórshavnar kommuna skipar fyri. Ólavur á Váli syngur og spælir, meðan fólk savnast. Síðan verður felagssangur, røða, bál og føroyskur dansur. Skótarnir selja bollar og kaka. Røðuna heldur Bogi Sigurstein, bólkaleiðari hjá KFUM.

Tórshavnar kommuna skipar aftur í ár fyri tiltakinum Ungt Summar, ið er ætlað ungdómum í kommununi í aldrinum 13-15 ár.

Ungt summar hevur til endamáls at skapa upplivingar, góðar felagsskapir og trivnað millum tey ungu í summarfrítíðini.

Fæst tú við handarbeiði og/ella føroyska handarbeiðsmentan, so ber til at søkja úr Minnisgrunni Sonnu av Skarði.

Endamálið hjá grunninum er at menna og lívga føroyskum handarbeiði, føroyskari handarbeiðsmentan og at veita fólki, sum fáa sær handarbeiðsútbúgving í tóvirki (tekstil), fíggjarligan stuðul.

Umsóknarfreistin er 18.juli 2024.

Nú ber til at søkja um stuðul til sangarar, sum ætla at útbúgva seg meira í solosangi. Sanglegatið til minnis um Sonnu Dahl Waagstein letur stuðul til sangarar, sum hava víst serstakar gávur, og sum ætla at útbúgva seg meira í solosangi.

Umsóknarfreistin er 18. juli 2024.