Tíðindi

Mikudagin 24. juli 2024 byrja vit at umvæla túnið framman fyri svimjihøllina í Gundadali. Vit heita í hesum sambandi vitjandi á vinarliga at fylgja bláu linjuni framvið grótgarðinum við parkeringsøkið fyri síðan at ganga beint oman til høvuðsinngongdina.

Rørslutarnaði kunnu brúka tey bæði vestaru parkeringsplássini. Fólk, sum seta rørslutarnaði av, kunnu annars koma inn á arbeiðsøkið til av-og ásetan.

Pole tekur við starvinum frá 1. august at rokna. Pole er 59 ára gamal, er ættaður av Strondum og býr í Hoyvík. Hann hevur fjølbroyttar útbúgvingar og royndir, hann er skipsførari, maskinsmiður, instruktørur í fyrstuhjálp, innsatsleiðari og hevur undirvíst á Vinnuháskúlanum seinnu árini.

Gjaldsleisturin fyri at leiga ítróttarhallir í Tórshavnar kommunu verður broyttur 1. august 2024.

Higartil er rokning send eftir at fólk hava leigað høllina.

Frá  1. august 2024 verður hesin gjaldsleisturin broyttur til at goldið verður beinanvegin.

Frá hósdegnum 18. juli 2024 fer kommunan at gera ferðsluteljingar á parkeringsøkjunum á Skálatrøð og á Svínaryggi. Ferðsluteljingarnar verða gjørdar við rørslusensitivum upptøkutólum. Talan er ikki um myndatøku, men um hagtalsteljingar, har myndirnar verða strikaðar aftaná 0,2-0,4 sekund, tá upptøkan er vorðin til dulnevnd hagtøl.

Í Tórshavnar kommunu gera borgarar, feløg og grannaløg nógv fyri at skapa trivnað, menning og grøn øki m.a. á kommunalum felagsøkjum. Tórshavnar kommuna fegnast um, at borgarar fríðka um og menna felagsøkini. Kortini er umráðandi at hava ymiskt í huga, tá átøk verða gjørd á kommunalum ognum.

Býarlundin í miðbýnum í Havn er nú liðug. Við býarlundini fáa fólk eitt uttandura øki, har børn og vaksin kunnu njóta løtuna og býin. Longu nú er býarlundin væl vitjað. Fleiri vitjandi nýta høvið at royna ljóðførini, ið eru sett upp.

Nú frá 1. juli at rokna er Mortan Simonsen settur í starv sum fíggjarleiðari í Tórshavnar kommunu.

Tømingin av grøna ílatinum (papp og pappír) koyrir sum vanligt eftir álmanakkanum aftaná verkfallið. Hetta merkir, at tey, sum ikki fingu tømt grøna ílatið undir verkfallinum, mugu bíða til næstu ferð grøna ílatið skal tømast sambært álmanakkanum.

Ein meiriluti í Tórshavnar býráð samtykti á býráðsfundi í kvøld leigusáttmálan millum Tórshavnar kommunu og Almanna- og mentamálaráðið um økið at staðseta nýtt tjóðleikhús.

Fleiri dagstovnar hjá Tórshavnar kommunu lótu aftur, tá verkfall var. Hesa tíðina høvdu foreldur ikki møguleika at fáa børn á stovn, og rindaðu tískil fyri eina tænastu, sum tey ikki fingu. Tórshavnar Býráð hevur í kvøld samtykt at endurrinda dagstovnagjald, sum varð rindað, tá stovnar lótu aftur vegna verkfall.