Tíðindi

Árligi fundurin í Grunninum Nuuk, Reykjavík, Tórshavn hevur verið í Havn hesa vikuna. Í ár fingu tíggju føroyskir umsøkjarar stuðul úr grunninum Nuuk, Reykjavík, Tórshavn á 300.000 tilsamans.

Í dag skrivaðu Heðin Mortensen, borgarstjóri í Tórshavnar kommunu, og Rógvi Mikkelsen, formaður í Tórshavnar Golffelag, undir leigusáttmála um felagshús til Tórshavnar Golffelag á Glyvursnesi.

Opið er nú fyri at melda til frítíðartilboðið til 3. flokk fyri skúlaárið 2024/25.

Verkfallið hevur við sær, at nógv rusk sløðist í gøtunum. Kommunan skal í hesum sambandi minna á, at matsølubúðirnar hava ruddingarskyldu.

Seinastu árini er íbúgvaratalið í Tórshavnar kommunu vaksið heilt nógv, og er tí stórur tørvur á nýggjum bústøðum í kommununi. Politiskt ynski er at seta gongd á bústaðarbyggingina við Stórutjørn. Tørvurin á sethúsum í Hoyvík er stórur. 

Tórshavnar býráð samtykti í dag at fara undir at fáa tilfar til vega, sum vísir, hvussu flogvøllur, ið er upp til 3 km langur og sum lýkur krøv til breidd til altjóða flúgving, best kann staðsetast í økinum. 

Samskifti hevur verið við katólsku meinigheitina seinastu tíðina, og Tórshavnar kommuna hevur nú boðið meinigheitini at keypa Skt. Jósefs barnagarð fyri eina upphædd uppá 8 milliónir. Meinigheitin hevur tikið av hesum tilboði.

Nú verkfall er, og burturkastið ikki verður heintað, er umráðandi, at allir borgarar og vinnan goyma burturkastið á skilabesta hátt. Tá ið burturkast hópar seg upp, er vandi fyri at rotta og onnur skaðadjór dragast at tí. Tískil er ikki óhugsandi, at tað kann gerast heilsuskaðiligt, tí smittuvandin økist munandi, tess longur burturkastið verður standandi. Fylg tí ráðunum frá myndugleikunum, so vit kunnu fyribyrgja skaðadjórum og smittu, meðan verkfallið er.

Fleiri stovnspláss verða tøk í Miðstovninum í Kongagøtu frá 1. september 2024. Talan er fyrst og fremst um pláss í vøggustovuni og barnagarðinum í Kongagøtu, meðan pláss í Miðstovninum í Realskúlanum væntandi verða boðin út seinni.

Í gjár var serlig hátíðarløta, tá ið seinastu prógvini í lærugreinini føroyskt sum annaðmál vórðu handað á Tórshavnar Kvøldskúla.