Tíðindi

Ferðslan í Fríðriks Petersens gøtu verður tarnað av vegarbeiði mánakvøldið 22. juni frá klokkan 18 til 23. Frá klokkan 23 til 6 er vegurin stongdur. Strekkið verður eisini stongt týskvøldið 23. juni og mikukvøldið 24. juni frá klokkan 23 til 6.

Tórshavnar býráð samtykti á fundi 5. mai 2026 uppskot um at broyta byggisamtykt nummar 7 fyri Eysturbýin. Uppskotið til broytingina er í sambandi við ætlaða íbúðarverkætlan á matrikkli 1314 í Havn.  Í hesum sambandi bjóðar kommunan øllum áhugaðum til framløgu um íbúðarverkætlanina. Framløgan verður í Posthúskjallaranum, Tórsgøta 8, mánadagin 22. juni klokkan 17.

Fríggjadagin var hátíðarhald á Rakstrarstøðini við Oyggjarvegin í sambandi við, at Pól Jakobsen og Bogi Hentze hava starvast hjá Tórshavnar kommunu í ávikavist 30 og 20 ár.

Mánakvøldið 22. juni klokkan 21 verður árliga tiltakið Summarsólstøða í Sandagerði. Ester Skála syngur og spælir, meðan fólk savnast. Síðan verður felagssangur, røða og bál. Skótarnir bjóða kaffi, bollar og kaku. Røðuna heldur Jensia Brodersen.

Leygardagin 20. juni klokkan 14.30 til 18.30 eru fleiri vegir stongdir í miðbýnum í sambandi við, at jóansøkukappróðurin verður vístur á stórskíggja.

Nógv fólk ætla sær ivaleyst suður til Vágs at halda jóansøku, men tey, sum ikki kunnu fara suður, hava nú møguleikan at síggja kappróðurin beinleiðis á stórskíggja við Trappuna í Vágsbotni.

Í dag, fríggjadagin 19. juni, er Miðfyrisitingin ikki at hitta. Vit lata upp aftur mánamorgun klokkan 9.00.

Tórshavnar býráð hevur samtykt eina fríplássskipan, sum skal gera tað lættari at geva so nógvum børnum og ungum sum gjørligt møguleika at fáa tónleikaundirvísing á Tórshavnar musikkskúla.

Tórshavnar kommuna fær hvørt ár nógvar umsóknir um íbúðarverkætlanir. Tí er tørvur á greiðum mannagongdum, so tilgongdin verður greið fyri allar partar – umsøkjara, umsiting og politisku skipanini. Somuleiðis er eisini týdningarmikið, at allar íbúðarverkætlanir verða viðgjørdar eins.

Í Umhvørvispolitikkinum hjá Tórshavnar kommunu stendur, at allur hiti og streymur hjá kommununi skal koma frá varandi orkukeldum í 2030.  

Sum ein liður í tí, hevur býráðið nú samtykt at játta pengar til at fleiri kommunalir bygningar fáa eina sólorkuskipan.