Tíðindi

Í seinasta lagi 14. mai skulu garðar og hegn í Tórshavnar kommunu vera so mikið høgir, at seyður ikki leypur innum.

Seyðurin skal eftir hetta vera uttangarðs. Antin skal seyðurin út í hagan ella verða á traðunum.

Umhvørvisgóðkenningin kemur frá danska Green Sport Facility og vísir, at hallirnar liva upp til høg umhvørviskrøv.

Várvøksturin byrjar at síggjast, og tí heita vit á fólk um at klippa av trøum og runnum móti gøtu, vegi og almennum øki samsvarandi reglunum. Tað er umráðandi fyri ferðslutrygdina og trivnaðin, at runnar og annar vøkstur út móti vegi, skeltum, grannum og serliga vegamótum verður kliptur.

Tórshavnar býráð hevur samtykt at leiga eini sethús yvir av Smílibýlinum sum eina fyribils loysn uppá hølistrupulleikarnar hjá frítíðarskúlanum.

Vit skrúva fyri vatninum til Heiðaveg, Heiðastubba, Heiðaskákið og Dvørgastíg 7. mai frá klokkan 13 til 15 í sambandi við endurnýggjan av vatnleiðingum. 

Á býráðsfundi týskvøldið 5. mai samtykti Tórshavnar býráð ársroknskapin hjá Tórshavnar kommunu fyri 2025, sum vísir eitt avlop uppá 41 mió. kr. samanborið við eitt hall uppá 184 mió. kr. árið fyri.

Nú tað várar, síggja vit fleiri fólk á gøtunum, og súkklurnar eru eisini við at koma til sjóndar. Súkklubreytir eru gjørdar á fleiri av høvuðsvegunum í býnum, men framvegis mangla súkklubreytir nógvastaðni. Tað er tí alneyðugt, at bilførarar vísa ábæru ferðsluni og fólki á súkklu serligan ans.

Eftir 11 árum við eindarleiðarum í heilsu- og umsorganartænastuni verður nú farið aftur til at hava stovnsleiðarar.

Mikudagin vórðu fýra kvinnur heiðraðar fyri drúgva og trúgva tænastu hjá barnatannrøktini hjá kommununi.

Í fíggjarætlanini fyri 2026 hevur Tórshavnar kommuna sett 21 mió. krónur av til nýgerð og dagføring av kloakkum í kommununi.