Tíðindi

Fríggjadagin var samkoma á Heiminum í Vallalíð fyri fleiri starvsfólkum, sum høvdu merkisdagar, harav tvey starvsfólk, sum høvdu 30 ára starvsdag.

Arbeiðið at byggja høll í Kaldbak varð boðið út í innbodnari lisitatión sambært samtykt 15. desember 2021. Spf ÁTS skal byggja høllina. Sáttmálin varð undirskrivaður í gjár.

Nú er avtalan millum Tórshavnar kommunu og Uttanríkis- og mentamálaráðið viðvíkjandi kampusøkinum á Frælsinum undirskrivað av Heðin Mortensen, borgarstjóra, og Jenisi av Rana, uttanríkis- og mentamálaráðharra.

Í gjár hátíðarhelt Boðanesheimið 10-ára dagin. Borgarstjórin ynskti góða ársveitslu í vón um, at eisini hesin dagurin fer at økja um trivnað og samanhald og at stór nytta verður í teimum átøkum og tilboðum, sum standa øllum í boði á Boðanesheiminum.

Í gjár og í dag er orkuráðstevnan Ósvart í Norðurlandahúsinum. Tað var Heðin Mortensen, borgarstjóri, sum setti ráðstevnuna gjáramorgunin.

Tórshavnar kommuna bjóðar út tvey lendi í Hesti til bygging av frítíðarhúsum. Eitt lendi er við havnarlagið og er umleið 1900 m2, meðan eitt er inni í bygdini, sum er 3.300 m2.

Freistin at lata inn tilboð er 16. januar 2023 klokkan 12.

Í sambandi við arbeiði verður Heygsbreyt, frá Dalavegnum til Sjúrðargøtu, stongd fyri allari ferðslu hósdagin 3. november frá kl. 13 til 15.

Í sambandi við arbeiði verður ein partur av Nólsoyar Pálls gøtu, frá Tinghúsvegnum til C. Pløyensgøtu, stongdur fyri allari ferðslu hósdagin 3. november frá kl. 8 til kl. 13.

Bilegg tær eitt prát um tykkara bústað á orkuráðstevnuni Ósvart 3. og 4. november.

Hvør hitaloysn er best til okkum? Skulu vit bjálva meir, áðrenn vit umhugsa at skifta? Hvat er best - jarðhiti ella luft-til-vatn? Og hvat hevur aldurin á húsunum at siga?

Á orkuráðstevnuni Ósvart, sum verður hósdagin 3. og fríggjadagin 4. november í Norðurlandahúsinum, ber til at fáa eitt prát við umboð frá Umhvørvisstovuni, Tórshavnar kommunu og ráðgevandi verkfrøðingafyritøkuni Martin E. Leo.

Hvussu hita vit húsini í framtíðini? Er tað upp til hvønn einstakan, ella skulu vit hava ein upphitingarpolitikk? Um vit skulu læra av dønum, fara landið og kommunurnar at gera yvirskipaðar ætlanir fyri, hvussu vit skulu hita okkum húsini. Og í ætlanini hjá dønum – Varmeplan Danmark 2021 - standa orkusparing og meira fjarhiti fremst.

Tveir danskir serfrøðingar innan orkuplanlegging og fjarhita koma at greiða frá á orkuráðstevnuni Ósvart í Norðurlandahúsinum hósdagin 3. november og fríggjadagin 4. november 2022.