Tíðindi

Býráðið samtykti í kvøld einmælt eina prinsippavtalu, ið sum frálíður fer at slóða fyri at seta gongd á stóru campus-verkætlanina hjá Fróðskaparsetrinum á Frælsinum, býráðsumsitingin kann øll sum hon er flyta inn í Sjóvinnuhúsið – og kommunan yvirtekur gamla studentaskúlan í Hoydølum.

Í sambandi við fyrireikingararbeiðið til verkætlanina at lata ein part av Havnará upp, hevur verið neyðugt at kanna fleiri viðurskifti, áðrenn farast kundi í holt við sjálvt projekteringsarbeiðið. Arbeitt hevur somuleiðis verið við uppskoti til tekniska loysn, hvussu áin kann latast upp við reinum vatni, har dálkað vatn verður leitt uttan um sjálva ánna.

Fíggingin uppá kr. 218,9 mió til stórhøllina er nú fingin til vega. Seinastu mánaðirnar eru prísirnir á tilfari, veitingum og flutningi hækkaðir, serliga vegna kríggið í Ukraina. Vísandi til óvissuna, ið valdar á marknaðinum, er ikki møguligt at gera avtalur um tilfar og veitingar við undirveitarar og harvið fastlæsa byggiprísin, fyrr enn endalig avgerð er tikin um, at farið verður undir at byggja stórhøllina.

Summarsólstøður vóru í Sandagerði í gjárkvøldið, har Annfinn Brekkstein, varaborgarstjóri og formaður í mentamálanevnd Tórshavnar býráðs helt røðu.

Fríggjadagin fingu 26 tilflytarar prógv í føroyskum sum annaðmál. Talan er um tríggjar flokkar á Tórshavnar Kvøldskúla, og eru flokkarnir á stigi eitt, tvey og trý.

ì hesum døgum verða nøgdsemis -og trivnaðarkanningar gjørdar á eldraøkinum í Tórshavnar kommunu. Tað er fyritøkan Lóður, sum stendur fyri kanningunum, og øll, sum luttaka, eru dulnevnd.

Heðin Mortensen, borgarstjóri, og Sigurd Lamhauge, stjóri á Landsverk, undirskrivaðu í morgun avtalu um avhandan av landsvegum. Tórshavnar kommuna hevur gjørt eina avtalu við Landsverk um at yvirtaka fleiri landsvegateinar. Talan er um eitt nú Hvítanesvegin, Kúrdalsveg, part av Oyggjarvegnum og part av Velbastaðvegnum.

Skeið 2: Føroyskt fyri ukrainar – undirvísing á enskum við tulki 11. – 15. juli kl. 09:00 – 12:30 í J. H. Schrøtersgøtu 1. Tórshavn.

Tórshavnar kommuna fer nú at gera nøgdsemis- og trivnaðarkanningar á eldraøkinum. Kanningarnar, sum fevna um brúkarar, avvarðandi og starvsfólk, eru liður í arbeiðinum at framtíðartryggja eldraøkið.

Kvøldskúlin hevur í mong ár undirvíst vaksnum tilflytarum í føroyskum og virka integratiónini at frama. Tilboðið er víðkað til eisini at fevna um børnini. Avgjørt er nú, at Kvøldskúlin fyribils skal hýsa móttøkuflokkinum í eitt ár afturat.