Tíðindi

Flaggdagin, leygardagin 25. apríl, lata allar støðir hjá Kommunalu Brennistøðini aftur klokkan 12. Hetta merkir, at Endurnýtslan á Hjalla bert er opin frá klokkan 10 til 12.

Flaggdagin 25. apríl 2026 eru fleiri vegir stongdir í miðbýnum í Havn millum klokkan 11 og 17. Meðan renningin fer fram, koyrir leið 2 ikki eftir Jónas Broncks gøtu, Yviri við Strond og Tórgarðsgøtu. Leiðin koyrir í staðin úr Steinatúni eftir Gripsvegnum, Hoyvíksvegnum, Stoffalág og víðari eftir ferðaætlanini.

Skipar tú fyri tiltaki á ólavsøku, og skal tiltakið vera við í ólavsøkuskránni, mást tú minnast til at søkja loyvi áðrenn 1. juni 2026 og senda tilfar til skránna áðrenn 1. juli 2026.

Eingin gjøgnumkoyrandi ferðsla er loyvd frá Hamarsgøtu til Skúlagøtu í kvøld frá kl. 18 til 24. Vegurin verður asfalteraður. Leið 2 koyrir eftir Gripsvegnum, Hoyvíksvegnum, Stoffalág og víðari eftir ferðaætlanini, meðan arbeiðið fer fram.

Føroyahúsið var fullsett av hugagóðum ungfólki fríggjakvøldið, tá ið borgarstjórin vitjaði Føroyahúsið í Keypmannahavn. Borgarstjórin var boðin at leggja fram í sambandi við afturvendandi tiltakið Vel Føroyar, sum í ár snúði seg um bústaðarviðurskifti.

Vit steingja fyri gjøgnumkoyrandi ferðslu frá Gilsvegi til Hjaltarók frá mánamorgni 20. apríl klokkan 9 til týsdagin 21. apríl klokkan 16 í sambandi við, at vit taka rørportrið burtur við Nordbil á Oyggjarvegnum. Víst verður til at koyra eftir Havnarvegnum/Gilsvegi. Koyrandi er til Skotarók og Írarók eftir Oyggjarvegnum.

Grunnurin Nuuk, Reykjavík, Tórshavn hevur havt sín árliga fund, sum í ár var í Nuuk.

Tórshavnar kommuna fer undir eina størri KT-umlegging seinnapartin fríggjadagin 17. apríl. Arbeiðið hevur við sær, at fleiri av okkara talgildu tænastum ikki eru tøkar. Arbeiðið ávirkar millum annað Pláss-skipanina, ForeldraGluggan, umsóknarmøguleikarnar á Vanganum, kommunalu heimasíðuna og tiltakskalendaran Tímin.

Í gjár varð hátíðarhald í Kollafirði, tá nýggi frítíðarskúlin við Botnánna varð tikin alment í nýtslu.

Vit skrúva fyri vatninum til Flatnagerði, Lambagerði, Øksnagerði og Purkugerði hósdagin 16. apríl frá klokkan 10 til klokkan 12 í sambandi við vatnleiðingsarbeiði.