Tíðindi
- Vel øki
- Á Hjalla
- Argir
- Hestur
- Hoyvík
- Hvítanes
- Kaldbak
- Kaldbaksbotnur
- Kirkjubøur
- Kollafjørður
- Koltur
- Nólsoy
- Norðradalur
- Oyrareingir
- Signabøur
- Sund
- Syðradalur
- Tórshavn
- Velbastaður
- Vel evni
- Burturkast
- Bústaður
- Býarmenning
- Bygging
- Dagstovnur
- Heilsa
- Mentan og frítíð
- Náttúra og umhvørvi
- Politikkur
- Skúli og frítíðarskúli
- Vegir og ferðsla
- Vinna
Tórshavnar Kommuna hevur í dag undirskrivað sáttmála við PM Pluss í samband við reingerð av kommunulæknahølum í Tórshavnar Kommunu.
Tórshavnar býráð samtykti í gjárkvøldið at upploysa Grunn Jóhannes Nolsøes, skraddara, og lata fæið í grunninum til Kvinnuhúsið.
Tilsamans er talan um umleið 2,2 milliónir krónur. Peningurin verður útgoldin, tá grunnmynduleikin endaliga hevur góðkent, at grunnurin verður upploystur.
Áhugafelagið ListGraFo fegnast um góðu umstøðurnar hjá listafólkum at virka á grafiska verkstaðnum í Finsen. Eitt prýði til stóra gleði fyri Havnina.
Tórshavnar havn er vorðin partur av netverkinum EPI – Enviromental Port Index. Hetta er eitt týðandi stig á burðardyggari kós hjá Tórshavnar havn og Tórshavnar kommunu. Serstakliga, tá tað ræður um cruiseferðavinnuna.
Hvørt ár velur Umhvørvisdeildin í Tórshavnar kommunu eitt ella fleiri umhvørvisevni í sambandi við umhvørvisvikuna og umhvørvisstuðulin. Umhvørvisevnið í 2024 er vatn. Freistin at søkja um umhvørvisstuðul er 31. mars 2024.
Skipað varð í dag fyri forvitnisligari móttøku á bryggjarínum í OY, nú komið er á mál við átakinum “Nýskapan í landbúnaðarferðavinnuni” og verkætlanirnar eru til reiðar at royna flogið. Um 200 áhoyrarar luttóku á endatiltakinum á bryggjarínum OY í dag. Átakið er skipað sum eitt samstarv millum Hugskotið, Visit Tórshavn og Visit Faroe Islands. Endamálið er at menna nýggjar spírar innan landbúnaðarferðavinnu og tryggja hesum bestu møguleikar at eydnast.
Mannagongdirnar fyri tyrving verða nú broyttar, og tí fer Brennistøðin á Hjalla at hava kunnandi fund fyri vinnuni í Tórshavnar kommunu týsdagin 12.mars klokkan 19. Fundurin er í kantinuni á Brennistøðini á Hjalla.
Nú ber til at tekna seg til lutakast um grundstykkir í Hamrabøi í Kollafirði, ið eru latin inn aftur til Tórshavnar kommunu. Talan er um trý grundstykki í útstykking frá 2017. Freistin at tekna seg til lutakastið er 4. apríl 2024.
Býarlundin er fyrsta stig í at fremja ætlanina um grønu gongugøtuna og býarlundina. Arbeiðið varð boðið út í høvuðsarbeiðstøku til 5 veitarar á heysti í 2023, og komu 4 tilboð inn. Grønt og grátt góvu besta tilboðið og fara komandi vikurnar at seta skjøtil á arbeiðið, sum eftir ætlan verður liðugt á sumri í 2024.
Nú ber aftur til at ynskja pláss í Lonunum í Hoydølum. Meðan arbeitt hevur verið við staðsetingini av stovninum, hevur ógreiða valdað um, hvørt stovnurin skuldi halda áfram í Hoydølum. Tískil hevur heldur ikki verið møguligt at seta seg á bíðilista til Lonirnar í Hoydølum.