Tíðindi

Á býráðsfundi eftir kl 17 í dag var nevndarval og val av borgarstjóra og 1. og 2. varaborgarstjóra. Heðin Mortensen varð einmælt valdur sum borgarstjóri, Annfinn Brekkstein varð valdur 1. varaborgarstjóri og Annika Olsen varð vald sum 2. varaborgarstjóri.

Valnevndin í Tórshavnar kommunu hevur í dag fíntalt býráðsvalið.

Bert smáar flytingar vóru, sum onga ávirkan hava á úrslitið millum flokkarnar og millum valevnini.

Havnar klintrifelag hevur í samstarvi við Tórshavnar kommuna ment eina verkætlan í Bacalao við klintrihøll, sum er lið um lið við skatehøllina, ið lat upp í fjør.

Arbeiðið við klintrihøllini er nú liðugt, høllin fingið nýtsluloyvi og klárt er at taka hana í nýtslu. Felagið hevur lagt stórt sjálvboðið arbeiði í verkætlanina, umframt stuðul frá Tórshavnar kommunu.

Býráðið tók í dag støðu til høvuðsarbeiðstøkusáttmála á 147.500 tkr. við P/F J&K Petersen um nýggja langhylin.

Hetta merkir, at umsitingin nú hevur fingið heimild at fara undir at gera sáttmála við J & K Petersen, so arbeiðið kann byrja beinanvegin.

Nú fáa íbúgvarnir niðast á Karlamagnusarbreyt møguleika at seta bilin frá sær, børnini fáa spælipláss, og grønu geirarnir verða varðveittir. Tórshavnar býráð hevur í kvøld játtað næstan 12 milliónir krónur til parkering, ferðslutrygd og trivnað við Karlamagnusarbreyt.

Tórshavnar kommuna ger komandi árið íløgur í trivnað og tryggleika. Kommunan er væl fyri fíggjarliga. Kommunan hevur seinastu fýra árini gjørt íløgur fyri eina heila milliard, samstundis sum skuldin hjá kommununi er goldin út. Tórshavnar kommuna er nú skuldarfrí og sostatt væl bjálvað til komandi tíðir.