Tíðindi

Ásannandi at tørvur støðugt er á fleiri bústøðum í Tórshavnar kommunu, og at neyðugt er at útvega fleiri byggiøki, fer kommunan undir at bjóða økið við Miðhorn út í almennari sølu. Talan er um 48 leiguíbúðir, umframt eitt sethúsaøki.

Ein sonn kollvelting innan almenna tænastu byrjar í dag, tá føroyingar á fyrsta sinni sleppa at brúka sín talgilda samleika. Tíðin fer nú frá undirskrift á pappíri og skannaðum skjølum. Tú kanst vátta fyri teg og hvør tú ert, beinleiðis á telefonini ella telduni. Harafturat kemur ein opinleiki á heilt nýggjum stigi við Vanganum, felags portalinum, har hvør einstakur kann síggja upplýsingar um seg sjálvan.

Seinasta freist at velja til eldraráðið í Tórshavnar kommunu var í gjar kl. 12. Uppteljingin var liðug seint í gjárkvøldið.

Í gjárkvøldið var framløga av heildarætlanini fyri Karlamagnusarbreyt. Hópur av nýggjum hugskotum komu inn, sum verða tikin við í arbeiðið at gera ítøkiligar loysnir.

Tórshavnar kommuna hevur gjørt eina heildarætlan fyri Karlamagnusarbreyt, sum skal liggja til grund fyri eini endaligari loysn í samstarvi við borgararnar í økinum.

Heildarætlanin varð løgd fram á kunningarfundi í Skúlanum við Løgmannabreyt í gjárkvøldið, har væl av fólki var møtt til fundar.

Tórshavnar kommuna vil í samstarvi við borgarar við Karlamagnusarbreyt menna økið til frama fyri virksemi og trivnaðin.

Kunningarfundur um heildarætlanina fyri Karlamagnusarbreyt verður í Skúlanum við Løgmannabreyt mánakvøldið 19. oktobur kl.19.

Eysturoyartunnilin verður tikin í nýtslu fyrst í komandi ári, og tá verður roknað við øktari ferðslu. Innkomuvegurin hevur onga játtan havt í áravís, men nú er hann loksins komin á fíggjarlógina.

Borgarafundur skuldi eftir ætlan verða í Nólsoy mikukvøldið. Men vegna koronu er fundurin fluttur til seinni í ár.

Kunngjørt verður í næstum, nær útsetti fundurin í oynni verður hildin.

Nú verður flett, vigað og hongt upp um alt landið. Skynsamt er at burturbeina allar leivdir eftir fletting á rættan hátt, tað vil siga í afturlatnum plastposum í bingjurnar, sum eru merktar til lívrunnið.