Lendis- og kirkjugarðstænastan

Lendis- og kirkjugarðstænastan er stovnur undir Býarskipanardeildini, ið er skipað sum partur av teknisku fyrisiting.

Jákup N. S. Nolsøe er stovnsleiðari í Lendis- og kirkjugarðstænastuni.

Á stovninum starvast 11 starvsfólk afturat leiðaranum:

• Trý fólk starvast á Lendisliðnum – summaravloysarar hjálpa harafturat til í summarhálvuni
• Trý fólk starvast á Moldgoymsluni
• Fimm fólk starvast í kirkjugørðunum – umframt tímalønt starvsfólk, tá ið tørvur er á tí

Lendisliðið

Lendisliðið hevur ábyrgd av at fríðka og røkja almennu grønu økini, lendisgøturnar og onnur øki í kommununi. Arbeiði okkara fevnir um planting, viðlíkahald og samskipan av útbodnari lendisrøkt. Endamálið er at tryggja eitt vakurt og væl røkt býarrúm.

Moldgoymslan

Moldgoymslan í Húsahaga umsitur avgrevstrarmóttøkuna. Moldgoymslan veitir einamest tænastur til privat virksemi. Ein høvuðsuppgáva okkara er harumframt at avrigga niðurlagda tyrvingarplássið. Virksemið skal í framtíðini í størri mun fevna um gagnnýtslu av tilfari, soleiðis at tilfarið verður endurnýtt.

Kirkjugarðstænastan

Kirkjugarðstænastan hevur um hendi raksturin og røktina av teimum 13 kirkjugørðunum í kommununi. Vit leggja dent á virðiliga røkt av grøna vøkstrinum í kommunalu kirkjugørðunum. Okkara arbeiði fevnir harumframt um gravaravirksemi, samskifti við avvarðandi og fyrisiting av kirkjugarðsprotokollini.

Tú sært mannagongdir, reglugerðir og vegleiðingar á viðkomandi síðum her á heimasíðuni:

• Jarðarferð
• Talgildir kirkjugarðar – finn eina grøv ella rætta navn á grøv
• Plantið eitt træ í góðum grannalag
• Garðar, hegn og gongubreyt

Á starvssíðu okkara kanst tú kunna teg um leys størv í Lendis- og kirkjugarðstænastuni. Trýst á leinkið niðanfyri og hygg undir teiginum »Teknikkur og rakstur«, um nakað starv er leyst.

Leys størv í Tórshavnar kommunu

Lendis- og kirkjugarðstænastan er eitt fjølbroytt arbeiðspláss. Her starvast bæði verkafólk, gartnarar og skrivstovufólk.