»Tað gevur nógv at síggja, hvussu loysnir okkara verða brúktar – til dømis, tá borgarar nýta kortini á heimasíðuni ella brúka bussappina til at finna næstu fráferðina«
Sjálvgreiðsla
Leita
Lat aftur
Beinta Højgaard Thomsen – Umhvørvisfólk
»Eg arbeiði ikki bert við ruski – eg arbeiði við framtíðini«
Kai Arzdorf – KT-trygdarserfrøðingur
»Tað besta við mínum starvi er, at tað er fjølbroytt, og at mítt arbeiði hevur týdning – ikki bara fyri kommununa, men fyri samfelagið sum heild«
Margreta Petersen – Fulltrúi
»Tað týdningarmesta fyri meg er, at arbeiðsplássini røkka sínum málum – og at broytingarnar ikki bert eru skjótar loysnir, men varandi og haldgóðar«
Pole Hansen – Leiðari fyri Ítróttaranlegg
»Saman tryggja vit, at øll ítróttarøkini eru rein og klár – hvønn dag. Vit vita, at tá ið økini eru væl hildin, ansa fólk eisini betur eftir teimum«
Vit kortleggja framtíðina
Martin – Dátugreinari á Teknisku deild
Tað gevur nógv at síggja, hvussu borgarar og starvsfólk brúka okkara loysnir í gerandisdegnum – at vit eru við til at gera gerandisdagin lættari og kommununa meira gjøgnumskygda.
Eg arbeiði við at kortleggja og greina dátur, sum gera kommununa meira gjøgnumskygda og lættari at menna. Sum dátugreinari við ábyrgd av GIS og kortum, brúki eg tøkni til at stuðla dagligari og strategiskari planlegging – alt frá kloakkum og bussleiðum til dronuflúgving og Street View. Eg brúki sostatt bæði mína teknisku vitan og mínar skapandi førleikar, og tað passar mær sera væl.
Vit eru eitt lítið, men virkið toymi innan GIS, sum virkar í einum friðarligum og væl skipaðum umhvørvi á Teknisku deild. Tað gevur okkum møguleika at arbeiða miðvíst og við djúpari fakligari innliving.
Les alla samrøðuna her:
Umhvørvið í miðdeplinum
Beinta – Umhvørvisfólk á Brennistøðini
Eg arbeiði ikki bert við ruski – eg arbeiði við framtíðini.
Eg brenni fyri at verja umhvørvið og arbeiði hvønn dag við at gera Tórshavnar kommunu grønari. Á Brennistøðini arbeiði eg við spillvatnskanningum, útláti og burturkasti – og menni loysnir, sum gera tað lættari hjá borgarum at skilja og handfara burturkast.
Mítt arbeiði er sostatt fjølbroytt og gevur mær møguleika at síggja ítøkiligu úrslitini av tí, eg geri – og tað hevur stóran týdning fyri meg.
Les alla samrøðuna við Beintu her:
Frá Siemens til Tórshavnar kommunu
Kai – KT-trygdarserfrøðingur
At verja dátur er í veruleikanum at verja menniskju.
Eg arbeiði sum KT-trygdarserfrøðingur á KT-deildini í Tórshavnar kommunu. Eg arbeiði við at tryggja, at persónsupplýsingar eru vardar, og at talgildu skipanir okkara eru álítandi. Eg fáist serliga við kryptering og verju móti hakkaraálopum – og haldi skeið og framløgur fyri at økja tilvitskuna um dátutrygd millum starvsfólkini.
Mítt arbeiði snýr seg í grundini um at verja menniskju í einum alsamt meira talgildum heimi.
Les alla samrøðuna við Kai her:
Frá sjóvinnu til hallarleiðslu
Pole – Leiðari fyri Ítróttaranlegg
Sum leiðari av Ítróttaranlegg havi eg høvuðsábyrgdina av, at øll tey mongu ítróttarøkini í Tórshavnar kommunu virka, sum tey skulu. Eg havi umleið 20 røsk og dugnalig fólk afturat mær. Saman tryggja vit, at økini eru rein og væl hildin hvønn dag.
Vit halda øll, at tað hevur stóran týdning, at tað sæst, at onkur tekur sær væl at ítróttarøkjunum. Tí tað ger, at brúkarar eisini verða góðir við økini og ansa eftir teimum.
Les meira um arbeiðið hjá Pola her:
Sálarfrøði og námsfrøði á arbeiðsplássinum
Margreta – Fulltrúi á Starvsfólkadeildini
Í mínum starvi arbeiði eg við setanartilgongdum, broytingum á arbeiðsplássum og samskipi tiltøk og leiðsluskeið í Tórshavnar kommunu. Eg havi eitt fjølbroytt arbeiði, har eg bæði eri á skrivstovuni og úti á starvsstøðum. Eg arbeiði tætt saman við leiðslu og starvsfólki fyri at menna arbeiðsumhvørvið og trivnaðin – og tað gevur mær nógv at síggja, tá broytingar gera mun.
Broyting kann vera krevjandi, men um starvsfólk verða tikin við og fáa nøktandi kunning, styrkist álitið og ognarskapurin í broytingini – og tað ger allan munin. Tá eg eri við í slíkum tilgongdum, kenni eg, at eg geri mun – og júst tað er nakað av tí mest gevandi í mínum starvi.
Les alla samrøðuna við Margretu her:
Frá hjálparfólk til námsfrøðing
Magnus – Námsfrøðiligt hjálparfólk í Spíranum
Eitt tað besta við mínum starvi er, at eg havi fingið møguleika at útbúgva meg til námsfrøðing, ímeðan eg arbeiði.
Eg var ungur og óroyndur, tá eg byrjaði sum hjálparfólk í 2015, men við árunum hevur hetta starvið givið mær størri sjálvsálit og betri sjálvsfatan. At starvast við børnum er ógvuliga gevandi. Arbeiðið lærir ein so nógv – um børn, um menniskju og um ein sjálvan.
Eg elski at vera partur av einum gerandisdegi, har vit eru úti í náttúruni, røkta djór og skapa góðar upplivingar saman við børnunum.
Les meira um arbeiðslívið hjá Magnusi her:
Starvsfólkadeildin
Upplatingartíðir
| Mánadag | 9 | - | 16 |
| Týsdag | 9 | - | 16 |
| Mikudag | 9 | - | 16 |
| Hósdag | 9 | - | 16 |
| Fríggjadag | 9 | - | 15 |