Námsfrøðingar til Dagstovnin í Hoyvík
Tórshavnar kommuna sóknast vegna Dagstovnin í Hoyvík eftir tveimum námsfrøðingum at arbeiða 30-40 tímar um vikuna.
Vilt tú arbeiða við námsfrøði, so er møguleikin í Dagstovninum í Hoyvík.
Í Dagstovninum í Hoyvík arbeiða 23 starvsfólk, harav helvtin hevur arbeitt átta til 25 ár á stovninum. Ein góður samansettur starvsfólkahópur, sum trívist og hevur ávirkan á gerandisdagin.
Vit vænta, at:
- tú hevur hug og evni at menna námsfrøðiliga arbeiðið á stovninum
- tú hevur góð samstarvs- og samskiftisevni og megnar at virka fyri góðum samstarvi við foreldur, børn og starvsfelagar
- tú ert ágrýtin og hevur hug og evni at skapa ein fjølbroyttan, mennandi og tryggan gerandisdag fyri einstaka barnið
- at tú megnar at arbeiða sjálvstøðugt og tekur ábyrgd og avgerðir, samstundis sum tú megnar at varðveita yvirlitið
Vit bjóða:
- fakligar og persónligar avbjóðingar
- tíð til annað arbeiði
- pedagogfundir
- gott arbeiðsumhvørvi
- gott samanhald
- støðugan starvsfólkabólk við drúgvum royndum
Setanarviðurskifti
Størvini verða sett sambært sáttmála millum Føroya Pedagogfelag og Kommunala Arbeiðsgevarafelagið. Starvsbyrjan er skjótast til ber ella í august.
Sambært § 2 í barnaváttanarlógini hevur Tórshavnar Kommuna skyldu til at fáa barnaváttan til vega, áðrenn umsøkjari verður settur í starv.
Upplýsingar
Hevur tú spurningar til størvini, kanst tú venda tær til Unu Jacobsen, stovnsleiðara, á telefon 21 73 18.
Umsókn
Tú søkir starvið við at trýsta á grøna knøttin »Søk starvið«. Umsókn, saman við prógvum, lívsrensli (C.V.) og møguligum viðmælum, skulu vera Tórshavnar kommunu í seinasta lagi fríggjadagin 3. mai 2024. Samrøður verða so hvørt sum umsóknir koma inn.