Námsfrøðingar til Býlingshúsið á Norðasta Horni

Søkt verður eftir tveimum námsfrøðingum at arbeiða 35 tímar um vikuna í barnagarði. Størvini verða sett sum skjótast ella eftir nærri avtalu.

Um námsfrøðingur ikki søkir, verður hjálparfólk sett.

Námsfrøðilesandi, ið eru útbúnir í summar, eru vælkomnir at søkja.

Um stovnin

Okkara stovnur heldur til í Býlingshúsinum á Norðasta Horni, saman við Ungdómshúsinum Vesturbýur.

Í Býlingshúsinum á Norðasta Horni starvast dugnalig, fitt og festlig fólk, ið leggja dent á, at verðsins fittastu børn hava tað gott, mennast og trívast.

Náttúran hevur ein stóran leiklut í gerandisdegnum og Havnardalur er okkara størsta spælipláss. Har eru góðir møguleikar at menna grov- og fínmotorik, sansir og hugflog og hvør stova eigur sítt pláss fram við ánni.

Harumframt hava vit ein stóran avbjóðandi garð har vøggustovu- og barnagarðsbørn spæla saman og hava stóra gleði hvør av øðrum.

Dentur verður lagdur á, at børnini fáa avbjóðingar bæði innandura og uttandura. Vit syngja nógv, og eru javnan á ellisheimum og syngja fyri teimum, ið búgva har.

Í felag skapa øll starvsfólkini ein tryggan arbeiðsdag við virðing og umsorgan fyri einstaka barninum, foreldrunum og okkum sjálvum.

Busssambandið er gott, so skjótt er at fara túrar til onnur støð í býnum.

Vit vænta

• At tú gevur títt íkast í at brúka okkara náttúru og mentan sum námsfrøðiligt amboð
• At tú hevur hug og evni at menna námsfrøðiliga arbeiðið á stovninum
• At tú kann arbeiða sjálvstøðugt og taka ábyrgd
• At tú leggur dent á samstarv og trivna fyri øll

Setunarviðurskifti

Starvið verður sett sambært sáttmála millum Føroya Pedagogfelag og Kommunala Arbeiðsgevarafelag Føroya.

Sambært §2 í barnaváttanarlógini hevur Tórshavnar Kommuna skyldu til at fáa barnaváttan til vega, áðrenn umsøkjari verður settur í starv.

Meira fæst at vita

Meira fæst at vita um starvið við at venda sær til Óla Midjord, stovnsleiðara, telefon 21 09 06.

Umsókn

Tú søkir starvið við at trýsta á grøna knøttin »Søk starvið«. Umsóknin skal, saman við prógvum, cv og møguligum viðmælum vera Tórshavnar Kommunu í hendi í seinasta lagi 8. juli 2026.