Námsfrøðingur og hjálparfólk til Frítíðarskúlan Smílibýlið

Frítíðarskúlin Smílibýlið søkir eftir námsfrøðingi ella hjálparfólk (25 til 30 tímar um vikuna) og avloysarum at byrja 1. oktober 2026.

Smílibýlið er frítíðarskúli fyri 1. og 2. flokk, og serstovuna í Eysturskúlanum. Vit leggja stóran dent á trivnað, felagsskap og menning, og okkara høvuðsendamál er at geva øllum børnunum møguleika at hava eitt innihaldsríkt, mennandi og spennandi frítíðarlív í einum góðum og sunnum felagskapi.

Vit vænta at tú:

• ert nærverandi
• tekur ábyrgd
• hevur jaligan hugburð
• ert aktiv/-ur saman við børnunum
• hevur góð samstarvs- og samskiftisevni
• virkar fyri góðum samstarvi við foreldur, børn og starvsfelagar

Hevur tú hug til eitt starv, har tú veruliga kanst ávirka tín dagligdag, og har tú hevur tíð at fyrireika teg?

Vit mangla eitt fólk vegna hækkað barnatal eftir summarfrítíðina. Eisini mangla vit avloysarar.

Setanarviðurskifti

Løn sambært sáttmála millum Føroya Pedagogfelag og Kommunala Arbeiðsgevarafelagið.

Sambært §2 í barnaváttanarlógini hevur Tórshavnar kommuna skyldu til at fáa barnaváttan til vega, áðrenn umsøkjari verður settur í starv.

Umsókn

Tú søkir starvið við at trýsta á grøna knøttin »Søk starvið«. Umsókn saman við prógvum og lívsrensli skal stílast til Tórshavnar kommunu og vera okkum í hendi í seinasta lagi Mikudagin 30.09. 2026.

Meira fæst at vita

Meira fæst at vita um starvið og stovnin við at venda sær til Allan Mortensen, stovnsleiðara, telefon 21 00 45 og við at skriva til allanm@torshavn.fo