Venjingartilboð til fólk við varandi sjúku
Ert tú fólkapensjonistur við varandi sjúku, og ert tú áhugað í at venja og vera saman við øðrum í somu støðu, kanst tú koma á eitt venjingar- og undirvísingarskeið, sum ergoterapeutar og fysioterapeutar í Heilsu- og umsorganartænastuni skipa fyri.
Rita inn við Samleikanum. Á Vanganum fyllir tú út umsóknarskjalið »Umsókn um ergo- og fysioterapi« og viðmerkir, at tú ynskir at søkja um venjing og undirvísing fyri fólk við varandi sjúku. Hevur tú ikki skrásett tær Samleikan, ið krevst fyri at søkja á Vanganum, kanst tú gera tað á heimasíðuni hjá Samleikanum.
Skeiðið er fyri menn og kvinnur, ið eru 67 ár ella eldri og hava fingið staðfest varandi sjúku. Hvørt skeið hevur pláss fyri átta luttakarum.
Eru ov fáir luttakarar teknaðir til venjingina, bjóða vit tær at venja á einum øðrum venjingarliði, ið hóskar til tín tørv.
Tú søkir á Vanganum. Rita inn við Samleikanum.
Á Vanganum fyllir tú út umsóknarskjalið »Umsókn um ergo- og fysioterapi« og viðmerkir, at tú ynskir at søkja um venjing og undirvísing fyri fólk við varandi sjúku.
Hevur tú ikki skrásett tær Samleikan, ið krevst fyri at søkja á Vanganum, kanst tú gera tað á heimasíðuni hjá Samleikanum.
Endamálini við venjingini og undirvísingini eru at:
- Venja konditión, styrki, áhaldni, kropsburð og javnvág
- Fyribyrgja hjáárin av sjúkuni
- Læra um sjúkuna
- Stuðla upp undir sjálvbjargni
- Fáa ein meira virknan gerandisdag
- Megna gerandisdagin betur
Vit venja og undirvísa í ein til tveir tímar tveir dagar um vikuna í 12 vikur. Venjingarnar eru í Heilsuhúsinum í Hoyvík.
Heilsuhúsið
Brekkutún 1
188 Hoyvík
Tel. 30 20 00
heilsuhusid@torshavn.fo
Tá tú kemur til venjing, skalt tú hava innanduraskógvar og klæðir við, sum eru góð og løtt at røra seg í. Eisini er snilt at hava eitt handklæði við. Venja vit úti, er týdningarmikið at vera ílatin eftir veðrinum.
Kostnaðin finnur tú á síðu okkara um brúkaragjøld.
Fært tú ikki komið til eina venjing ella til ein undirvísingartíma, skalt tú geva avboð við at ringja til Heilsuhúsið á telefon 30 20 00.
Vilt tú vita meira um tilboðini til fólk við varandi sjúku, kanst tú ringja til Heilsuhúsið í Hoyvík. Vit svara tínum spurningum og vegleiða teg fegin, so tú kanst fáa eitt tilboð, ið hóskar til tín tørv.
Telefonin svarar mánadag til hósdag klokkan 9 til 16 og fríggjadagar klokkan 9 til 15.
HEILSUHÚSIÐ
Brekkutún 1
188 Hoyvík
Tel. 30 20 00
heilsuhusid@torshavn.fo
Fært tú av onkrari orsøk ikki nýtt Vangan ella Samleikan, kanst tú fylla út umsóknarskjalið niðanfyri og senda tað til heilsuhusid@torshavn.fo ella lata skjalið inn í Snarskivuni á Vaglinum 11 í Tórshavn.
Sendir tú umsóknina inn sum teldubræv, skalt tú minnast til at viðmerkja »Umsókn um venjing og undirvísing fyri fólk við varandi sjúku« í evnisteigin.
Umsókn um venjing og undirvísing fyri fólk við varandi sjúku
